إبعدوا عنا يابتوع البدع وسع أنت وهو ياااااا جدع
دي مصر .. مصر مش شويه عشان نحكمها بضرب الودع
عايزين ريس ..عال وتمام معاه نحس بالأمان
يكون محترم .. جدع ... هرم وقبل دا كله يكون إنسان
عيزاه يحس بالغلابه ويكون داق الفول والطعمية
عيزاه بيحب مصر وشعبها اللي مش شويه
يكون بيلبس ... كرافته أو حتي ب لوك.. شعبولا
المهم ميكونش ..أونطه إحنا عندنا ميييييييت قُله
وعندنا شباب جدعان ف وقت الشدة لا جيل ولا لبان
ومش هنرحم حد تاني لو مطلعش معانا إنسان
أهم درس يا...مرشح أنك تذاكرنا كويس
وتعرف إن إحنا أنصح من أي حد ومش.. بنهيس
هتطلع راجل كلنا معااااك هتستهبل ..تاخد علي أفاك
الميدان ... مش مقفول الميدان ... جاهز علي طول
في يوم ما نتعب هنقول .. أ ه ه ه ه
في يوم ما تغدر ياعيني .... الله
في يوم ما تفكر تأذي مصر هتشوف اللي عمرك ما هتنسااااه
لو في نيتك ..نيه نصيحة مني أبعد عننا
إحنا شعب مش شوية ..ولا حكومة بتهمنا
ياما دقت ع الراس طبول ..والعادلي خد 12 سنه
أحفظ الكلام دا كويس .... واللي كتب الكلام ده سماااا
سما الشيخ
1/5/2011
لو في نيتك نيه نصيحة مني أبعد عننا
أحنا شعب مش شويه ولا حكومة بتهمنا
ياما دقت ع الراس طبول والعادلي خد 12 سنه
إحفظ الكلام ده كويس واللي كتب الكلام ده سما
