الثلاثاء، 29 يونيو 2010

رسالة الي من لا يهمه الأمر...!

                                      NO EMERGENCY
  مش عايزين فول ولاعيش                            ولا مرتب ولا بقشيش     
  ولا  حاجه  من  الحكومة                          ولا حتي بانجو ولا حشيش  
 عايزين ياحكومة ديمقراطية                         عايزين يا حكومة شفافية
 مي  الأخر عايزين نعيش                              " ونحس.... بالحريه "             
  شفت فيكي بيوت يامصر                                 ملقتش حد مبسوط       
 لاقيت ناااس غلابه..غلابه                             قلة حيله ....علي طيابه      
     بيسمعوا الوعود                                      وساعات بيصدقوها     
  ليهم حقوق كتيييييييير                               ومش عارفين ياخدوهاااا  
    إللي بيبيع ولاده                                      أوحتي  حته من جسمه     
   وإللي بيرمي بناته                                     عشان كام جنيه بأسمه    
  وإللي قبل الرشوة في درجه                            عشان مرتبه الميت  
  وإللي عايش وفيه "نفس"                              وهو كده..كده "ميت"   
 وإللي بيسكر... وإللي جبان                            ومش قادر ينقذ أنسان       
    ولا حتي ينقذ نفسه..!                                الظلم بقي زي الطوفان  
 الناس ماشيه في الشارع                             علي وشوشهم كأبه غريبه  
  وأن فكرت تسألهم                                   تلاقي دموع وألف مصيبه     
 مفيش ضحكة إلا بحزن                                مفيش كلمة إلا بشكوي         
 أرحمنا من الظلم يارب                                يارب ليك أنت الشكوي        
 إن كانوا مشغلينها طواريء                         البريء ..  زي اللي سارق     
 أنا بشكيهم ليك "يارب"                                   ليك بس أنا بلجأ         
 أل" خالد" بلع البانجو                            وف بطنه كمان تريمدول وحشيش    
 يا كفره حرااااام عليكوا أتهدوا                     مش رحمينه ميت ولا عايش      
  خالد تشهد له صورته                                 فيها زي ملاك بريء       
 وإنتوا يشهد عليكوا تاريخ                           تعذيب  * قتل * تعذيب    
حقك يا"خالد" مش هيضيع                          حقك هيجي   .....هيجي         
 لو طلع مليووون تقرير                            أو قتلوك تاني   ....هيجي      
  البراءه مش منهم                                       ولا بينهم ولا فيهم    
 دا ربنا أسمه العدل                                    هيحرق ظلمهم  بيهم 

الأحد، 27 يونيو 2010

أنتحار معيدة بجامعة عين شمس لتجاوزها الأربعين دون زواج ..!


الموضوع ده بجد ياجماعة  انتحرت المعيدة "سميرة  ذ" 40  سنة بعدأن ألقت نفسها من شرفة شقتها بالدور الثاني  بمدينة 6 أكتوبر ولكنها لم تمت من سقوطها بل طعنت نفسها عدة طعنات بزجاجة كانت معها عندما قفزت وأكدت التحريات أنها حاولت الأنتحار أكثر من مرة لأنها تعاني من حالة شديدة من الأكتئاب وذلك لأن لم يتقدم أحد لخطبتها... لاتعليق مني سوي أن ربنايرحمها لكن الأنتحار أكيد مش حل لأي مشكلة الأنتحار هروووووووب نهائي من الحياة  بأكملها الأنتحار لايحمي صاحبة من الذنب ...ليتكي تسمعيني الأن أو تقري سطوري كنت أريد أن أقول لكي كم من النساء متزوجات ولكن لايعيشوا حياة كريمة كم من الأزواج يتركون زوجاتهم وأبنائهم ويهربون بعيدآ  كم من الأزواج الأن يتمنون التخلص من زوجاتهم لو دققتي النظرقليلآ لوجدتي أن الحياة لم تتلخص في زيجة ورجل ولا هذا شرط لأن نحيا حياة جميلة..لاأريد عتابك أكثر فيكفي ما فعلتيه بنفسك ولو أنه كثير بالفعل عليكي وقاسي ." ربنايرحمك ويسامحك" .هو أيه اللي حصل لنا بقت تهون علينا نفسنا ليه كده....! ليه الموت بقي هو حلنا الوحيد والأمثل....! كده حرااااااااااام بجدحراااااااااااام...أيه يعني بنت عندها أربعين ولاتلاتين ومتجوزتش ليه الناس مش بترحم حد دا كل شيء نصيب الميلاد والجواز والرزق والموت مقدرليناااااااااااا ياجماعة مش أحنا اللي بنختار ...."بوست أستثنائي" هتخليني أفكر كتيييييييييييييييير أوووووووووووي.

السبت، 26 يونيو 2010

EXCLUSIVE/ ولاد الدايره تحت قبة مجلس النهب ..!

                          الصورة أثناءالموافقة علي مدقانون الطواريء              
   مبدئيآ ياجماعة إللي يخاااااااااااف يطلع بره عشان المخبرين طلعت إيديهم تقيلة أوي
                    بعدمرورثلاث ايام علي أنقضاء الدورة البرلمانية
           مرة  شيخ أتمسك في أمن الدولة "طواريء" وسابوه  فأمن الدولة كانوا        
       مراقبينه ..أول يوم لاقوه ماشي في شارع الهرم  راحوا مكلمين الريس وقالوله   
                                          الشيخ تاب ياريس..                                   
             تاني يوم لاقوه في كباريه قالوله /الشيخ تاب وأناب ياريس                 
    تالت يوم لاقوه في الأتوبيس وبيسرق واحد قالوا/ الشيخ تاب وأناب وبقي من الحزب 
                             الوطني ياريسسسسسسسسسسسسسس.                            
       أنا...أناااااااااااااا مش خرونج .... أنا عز كونج .... لو مخرصتش 
                المعارضة  هبقي بجد خرونججججججججججججج                    
                                       
            كان مالي يابوووووووووووووي ومال الشغلانه السوده دييييييي           


                                
                                            
       جايب لي لب  من اللي بنأكله للشعب ياغبي ....!    أعدموووووووه                
            ياموبيلاتك  ياغااااااااااااالي....ياتري البلوتوث بيشتغل أزاااااااي..1        
  

                       نوم العوااااااااافي يا للي قاعدين ع الكراااااااااااسي                
                                      




              هقولك نكتة/حسني كان عايز يغير دولارات ومش لاقي في السوق  
                 فراح منادي "نظيف " وسئله/ مفيش دولارات في السوق ليه ؟          
                   رد نظيف  /الحج والعمرة ياباشا  خلصوا ع الأحتياطي          
             ردحسني / حج أيه وبتاع أيه من السنه الجاية الحج يبقي في مصر           
          ردنظيف / يبقي في مصر ازاي بس ياباشا .. قاله حسني / اتصرف           
           وبعديومين رجع نظيف وقاله / كله تمام ياباشا الحج هيبقي عندنا         
الريس/طب والكعبة هتعمل فيها أيه...  "نظيف" /هنعملهافي ميدان الحجاز ويبقوايلفوا حواليها... الريس /طب والسعي .... رد "نظيف" /ياباشا يبقوايجروا في طريق صلاح سالم لغاية المطارو يرجعوا.. الريس /وعرفة  .... رد"نظيف"/ يطلعوا المقطم ياباشا 
الريس /طب ورجم أبليس يافالح  ... رد "نظيف " /أتعب معانا شوية بقي ياريس.

الأربعاء، 23 يونيو 2010

لاوالنبي ...ياعبده...!





أنقل إليكم هذاالخبرالأخبرمن مصرناالمنكوبة فقد شب حريق هائل في سوق التونسي والمعروف" بسوق الجمعة"وأسميه أناسوق الفقراء والمعدومين في هذاالبلدالذي تورمت عيناه من البكا علي حالناولم نبك نحن علي أنفسناوأن بكينانحرص أن يكون بكانافي صمت حتي لايحدث لنامثل ماحدث لخالدسعيدوتمحي ملامحناوأسامينامن علي وجه الأرض...وكالعادة لم تأتي سيارات المطافي إلابعدماتمكنت النارمن كل شيء وعندماوصلت أول سياره كانت فارغه أو بهاعطل ماوتعلمون جميعآأن هذاعادي جدآوالغريب أصلآفي بلدناأن تأتي سيارة المطافي والأغرب أذاكانت بهاماء أوليس بهاأعطالوكالمعتادأعتمدالناس علي جهودهم الذاتية التي باءت بالفشل لأن النارقدوصلت لكشك به أسطوانات الغازالمخزنة للبيع وبدأت النارتتوهج وحدثت فرقعات وانفجارات والمهم وصلت أخيرآباقي سيارات الأطفاء والتي تمكنت من السيطرة علي الحريق..ولكن الحقيقية أنامش بحكي الموضوع لمجردالموضوع أوأني اقول خبرأكيدسمعتوه أنابحكي لأني أضطريت خلال متابعتي للمصيبه دي إني أسمع رأي المحافظ "عبده" الله لايسامحه أكتشفت حاجات غريبة في تصريحاته منهاأن الناس الفقراإلا بيبيعوافي سوق الجمعة مش ساكنين هناك زي ماقالواوأنهم بيقولواكده عشان ياخدواتعويضات من الحكومةوأنهم أساسآغلطانين لأنهم قاعدين في السوق في أيام غيريوم الجمعة إلا هويوم السوق يعني وبصراحة غيرت القناة قبل ماأسمع كمان أن الناس البياعين بتوع السوق هماإلاكانواسايقين العربية الملاكي وقلبوهامن فوق الكوبري بس الشهادة لله الراجل الأميرلن يقل شيئآيذكرعن الكوبري وسوء بناءه وعمله وبصراحة أول مرة اشوف كوبري بالشكل ده    .                       
           
ودي صورة الكوبري النموذجي وهوشبه منحرف         
  وأخيرآأحب من مدونتي المتواضعة أوجه رسالة للشعب الفقري واقوله "نفض لنفسك لتتبهدل دي حكومة قادره يامدهول"...وأحب أقول كمان لمحافظ الأهرةيكبردماغه مش مهم يعوض الناس الفقرإلا الناربذات نفسهامش قادرة عليهم ومتحرقوش برضه وبفضل الإهمال بضاعتهم إتحرقت إطمن ياعبده إلا مامتش في الحريقه هيمووووووت من الجوع وداقرارذكي مش فيه رجوع وأقول للناس أن المحافظ عبده مش هيقطع نفسه كفاية عليه المدينة الرياضية إلابدأ يعملهاوهتكلفه بلايين عشان ترفهوا عن نفسكوافيهايعني تضربواالفول وتجرواعلي المدينة الرياضية تلعبوا جيم وسلة وتنس وتروحواأخرالليل تنامواعلي أنقاض العشش المحروقة. الراجل ده هيجننننننننني...!                    

                           

الخميس، 17 يونيو 2010

ديمقراطية

        ديمقراطية.....ديمقراطية                   ديمقراطية ... من إلا هي
    شعارات رايحه وشعارات جايه                وكلام الحق يجيب أذيه
                                   إيه رأيكم في "ديمقراطية" 
     أنامش هتكلم ولاأقول                           كلام الحق ...ليه أصول
    والأصول ليها ديول                            مبتخلصش وأنامش مسئول 
   بعدين تزعل "ديمقراطية"                     واكابرهايجيبوا الحق عليه 
    وتتفتح عليه الحنفيه                                إدعاءات وناااار أويه 
 وساعتهامفيش رحمه ولاميه                        تخفف من النارشويه
 خليني بعيد عن ديمقراطية                        أحسن تزعل زعله غبيه
  واكيد هيجي الحق عليه                               وأشيل أناالليله ديه
  وحتي العيش والطعمية                               هيخافوا يسألوا عليه
  بس لوتسمحي لي يا ست                        أسأل سؤااااال أخير وبات
 إنتي صحيح ديمقراطيه                          ولاأسم..... والصفه منفيه ..!
 

الخميس، 10 يونيو 2010

أمريكااااااااااااااااااااا...!

        أمريكا..فيكي تمثال الحرية                   وشعارات......كلهاحرية  
          حرية جنس..  وشياطين علي إنس... وناس في الظلم مستؤيه
       حقوق إنسان إيه بس ياست                       هوفين بس الانسان
        دأنتوا خليتوه إرهابي                           لمجرد" إسلامه" كمان  
    قتل.. قتلتوا...ظلم .. ظلمتوا                        وخدتوا أراضيناكمان  
    وادي كمان سي" اوباما"                        اللي الناس فاكرينه ملاك 
    بيساعد "إسرائيل"ياحرام                        خايف عليهم مي الهلاك
    خصص ليهم بلاين..بلاين                       لصدع صواريخ فلسطين 
    أل يعني صواريخ حماس                         هتخلي إسرائيل تحتاااس 
     إفهموا ......  اللعبة بقي                      دا لا" باراك "ولا غيره نافعين  
                                                                                                
  "صورة تمثال الحريه علي انقاض مبني المقاطعة في رام الله...فلسطين الغاليه."   

الأحد، 6 يونيو 2010

ثورة الحمير...!

   في اليوم ده جه حصحص                     ونهأ علي "حيشه  وفروطه وفرفص "
   ووقف في النص هناوقال                                إتجمعواياحمير هنا...  
    هنعمل وقفة إحتجاجية                              عند السلخانه...ومعاناربنا  
     ضد كل البني أدمين                                   اللي معندهاش ..ضمير
    إلا بياخدوناويدبحونا                                    ويبيعوا لحمنا الهزيل
 وإنتوا كمان ياناس ياغلابه                             إتوحدوا ...وإتحدوا معانا 
   ماهولحمنامين بياكلوا                                 غيركوا ماانتوا أخرطيابه 
 بس في ناس..بتسرق بس                                 وفي ناس ...بتدبح بس
                    وفي ناس من غيرماتعرف... بياكلوا لحم الحميروبس
نهأ حيشه /بقولك إيه                                  إيه يا "حصحص" اللي بتكلم فيه  
دول ياخدوناويعتقلونا                                      وورا الشمس ياعم يودونا 
نهأ فرفص/وقال ياجبان                                     إنت بس خايف من إيه 
هوأحنا كنا هنطلب "كادر"                                 ولا"حوافز" ولا"بانيه "
  ولاتموين ولابطاقه                                        ولاشقه  في "بورتو أحيه" 
داأحنا هنطلب بس يادوب                                    طلب صغيركده محدود 
   لاندبح... ولانتباع                                          وهنتحمل كرباج التباع 
والشقي في عز الشمس                                        ومش هيطلع لينا حس 
وهنا بئي بكي "فروطه"                                       وبكوا كل حميرالحته
وقالوا إحناحميرصحيح                                       وربنا  ما أدناش... العقل
وإداه لإنسان ..ظالم                                             طغي في ظلمه وضل
قبل علي اخوه الأنسان                                           يأكله ..لحم الحيوان  
دااللي يعيش ياما يشوف                                    وبكرة نشوف كمان وكمان  

             
  الصورة مهداه/من آتحاد حميرمصر.
    

الثلاثاء، 1 يونيو 2010

لوممسكتش العياااااااال دي ... بالنار هطخ..!

إفتوا ياشباب الفيس بوك                            إنتوا وبتوع التدوين
 كل واحد يقول رأيه                              وأل أيه هتحرروا فلسطين
 كل واحدشايف نفسه                                إنه هيبقي صلاح الدين
 أحناحكومه الكترونيه                           نظيفه ..نظيفه .. وميه ..ميه
 إيه يعني الناس جعانين                         ومش لاقيين ..حتي الطعميه
 مالكوا إنتوا ومال بلدنا                            داأحناالحكومه ...الذكيه
وذكاوتنا بالصلاة ع النبي                          بنستوردها من الأغبيا
 بس في السرقه شغاله                            وفي النصب ولاد محتاله
ومين إنتي كمان ياحلوه                             إنتي أيه "أفروديت"
 هتعملي نفسك زعيمه                              وأنتي مجرد حتة بت
أوعي أسمع صوتك تاني                        و"أناحره" دي مش تعباني
  مناقايل مي الأول أن                          في ديمقراطيه بالأسم "فهماني "!
ومين أنت كمان ياسي "شارم"                   بتقول هتحكم فين ياخويا
هأ.هأ.هأ.دا بينه "ضايع"                          ركزفي كلامك يابن أبويا
 اللي مش هيفتح مخه                                 وهيمشي ...جوه الحيط 
هنططه.... وأشعطته                             وعلي وراالشمس ..أوأبوالغيط
واللي هيركزفي الأغاني                           ومش هيقول "لأ" دي تاني
وينسي البلد واللي فيها                             مين سرق .. ومين نهب فيها
  هنغنغه .... وادلعه                                وأن حدفني بطوبه .. هعديها
  خلينا ماشيين كده                                      إحنا مالنا .... كويسين
الميه ... هياخدوها منا                             والغازبتاعنا .. في مكان آمين
 صهاينه .....صهاينه                             يعني مالهم دول مليارات وملايين
دي مصالح .. ودي مسالك                           وسكك مايعرفها الشياطين
   الله ...يحرقكم بجاز                                  إنتوا والصهاينه الملاعين.