الأربعاء، 19 يناير 2011

ثقافة أولع في نفسي ...!

                                عبده عبدالمنعم أشعل النارفي نفسه أمام مجلس الشعب   
      
              الحقيقة لم أكن افكر في الكتابة عن هذاالموضوع أوعن المواطن ومافعله
        بنفسه ليس بالأخرين وأكرربنفسه لأنه في الواقع ألحق الضرربنفسه فقط .

        ثورة تونس وتحريرها أشعل الشاب التونسي محمد بوعزيزي النار في نفسه متسببا                 في احتجاجات شعبية أدت إلى إسقاط الرئيس زين العابدين بن علي

 

         وبالأمس حدثت خمس محاولات للأنتحار أمام مجلس السلب أيضآ وفي أماكن 
   أخري حيث قام  ميكانيكي تبريد بالإسماعيلية بإشعال النار في نفسه مساء نفس اليوم، قبل أن يشعل شاب النار في نفسه بالإسكندرية صباح الثلاثاء بسبب بطالته وسوء أحوال  المعيشة وتوفي متأثرا بالحروق، فيما أشعل المحامي/محمدفاروق النار في نفسه أمام مجلس الشعب صباح نفس اليوم، وتمكن الأمن من منع شخص خامس من إشعال النار في نفسه أمام مجلس الشعب، ليأتي موظف شركة مصر للطيران ليصبح سادس مواطن مصري يشعل أو يحاول إشعال النار في نفسه في أقل من يومين 
          بجد بجد داكتير وغلط جدآ أنابنقلد وياريتنابنقلد فعل أوتصرف أيجابي 
      أعترض أتظاهر أعتصم أشتم قل ادبك لكن مفيش أي حاجة في الدنيا ممكن توصلك لأنك تسكب علي نفسك بنزين وعودكبريت وياللا  لالالالالاااااااااااااااااااااا 
 الحكومة مش هتنفعك ولاهتفكرحتي أنت عملت كده ليه دامش أنذارليهم ولاحاجة   
 صدقوني اللي يفكركده يبقي غلطان الشاب التونسي "محمدبوعزيزي "حرق نفسه 
ولاكان في باله أنه هيحصل كل ده ولاحتي شهداللي حصل لأنه توفي الله يرحمه 
 لكن أنسي مفيش حدفي مصر هيعمل زي ماعمل شعب تونس أحنااضعاف أضعافهم 
    بس مش هنعمل عشان الضعف أتمكن منناسكن جوانابقينابنستنشقه زي الهوا  
                       هوا الذل والهوان هوامسمم هواالضاليين 
        أحنالازم نعترض ونرفض وناخدحقنابس مش بحرق نفسناياجماعة 
 الناس اللي أقدمواعلي الأنتحاربحرق نفسهم كانت مطالبهم مطالب خاصة شخصية 
مش أعتراض علي الوضع العام السيء المهين الناس دي هانت عليهانفسهايبقي مش هتهون علي حكومة " اقتل نفسك بنفسك" أرحمونابقي حتي الأعتراض شخصي ومش
            عارفين تنفذوه الله يخرب بيت الحكومة اللي خربت البيوت
            
            فاكرين نفسكوا هتصعبواعلي حد ..دول مش بعيد يصرفولكوا
           البنزين والكبريت هدية ولوأن البنزين غالي بس مش خسارة
               فيكوا مادمتواهتريحواالحكومة منكواومن طلباتكوا للأبد

                           

هناك 46 تعليقًا:

افروديت يقول...

بجد داحرام

من أمتي بنطبق النظريات أحنا
كنابنمشي في الأول والعالم كله ورانا

دلوقتي الوضع أختلف والميزان أختل

وبقينابنقدرعلي نفسناوبنولعهابعودكبريت
ومش قادرين علي حكومة العبيط

أرحمنايارب

هبة فاروق يقول...

والله معاكى انة تقليد اعمى يعنى لو كنا بنفكر صح يبقى نتظاهرونعلى صوتنا يمكن صوتنا يتسمع ومعاكى حق مش بعيد الحكومة تصرف كبريت وجالون جاز لكل مواطن اهو تخلص مننا
عندى بوست كلة سخرية على هذا الموضوع
تحياتى لكى افروديت الكلمة النابضة بالحق

الميكروباص يقول...

هو لازم اللي حصل هناك يحصل حرفيا معانا؟
يعني لو كان بوعزيزي رمى نفسه في البحر يبقى احنا كمان نرمي نفسنا وراه؟

Amr Omar يقول...

الموضوع مالوش علاقة بأننا كنا الأوائل و دلوقتي تابعين

الناس مقهورة ... مش عارفة تعيش
الإحساس بالأمان ممكن يخليكي تستحملي أي فترة ضيق لكن ، قهر و كبت و فقر و عدم إحساس بالأمان لازم في النهاية يحصل أنفجار ... و اللي شوفناه خلال اليومين دول أنفجارات صغيرة ... لكن اللي جاي أكبر بكثير

لما تلاقي شاب متفوق في دراسته ووصل فيها لغاية ما حصل على الدكتوراة و في الآخر ... قاعد في البيت مش لاقي شغل و يوم ما يلاقي بـ 300 أو 400 جنيه و كمان مش في تخصصه

هحكيليك تجربة عشتها ، شاب مصري متفوق أتخرج من كلية سياسة و اقتصاد و درس فيها و أخد الماجستير و الدكتوراة في مجال مطلوب جدا ، تقدم للعمل في مركز البحوث و الدراسات بالأهرام ... رفضوا تعينه ... عارفة ليه ... لأنه أبن كلب فقير .. مش ابن ناس

يبقى عايزة ايه

لما بنت زي الفل متخرجة من الجامعة و بتعرف لغتين و مثقفة راحت تتقدم لأحدى القنوات الفضائية علشان تبقى مذيعة .. أتريقوا عليها ... عارفة ليه ... برده لأنها بيئة ما تنفعش

أحنا يقينا في مجتمع طبقي قذر لازم يحصل أنفجار ... وانفجار مش سهل لا ده هيبقى زلزال هيهد الكل

عرفتي دلوقتي ليه ... اللي ولعوا في نفسهم مشاكلهم ما تجيش واحد على ألف من مشاكل ناس تانية كثير ، لما تلاقي لاعيب كورة جاهل بالعافية بيعرف يكتب أسمه بيقبض 5 مليون جينه في السنة علشان يشوط كورة يبقى ايه ، لما تلاقي عيل عنده 25 سنة متعين في أحدى الشركات الكبرى بمرتب شهري 50 ألف جنيه لأنه ابن فلان الفلاني و متخرج من الجامعة الأمريكية ... هي دي كل مؤهلاته
و لما تيجي تسألي أيه قدراته أو خبراته الفذة اللي بتخليه يقبض المرتب ده تلاقي مافيش ... الشخص ده على فكرة شفته و عارف الموظفين اللي بيشتغلوا معاه ... لما سألتهم مؤهلاته ايه ... ضحكوا وقالوا أحسن واحد بيلعب need for speed في الشركة
الأنفجار قادم

Amr Omar يقول...

لما تلاقي شاب مصري زي الفل حاصل على دكتوراة بأمتياز في مجال نادر في السياسة و الاقتصاد ، و يتقدم لوظيفة باحث في مركز الأهرام للدراسات الاستراتيجية و في الآخر يرفضوا تعينه لأنه ما عندوش واسطة

و لما تلاقي قدام كده لاعيب كورة بالعافية بيعرف يكتب أسمه بيقبض 5 مليون جنيه في السنة يبقى عايزة ايه !!!!

آه يا بلد

باحث عن حب يقول...

افروديت
انا مرارتى اتفقعت خلاص
مفيش كلا
خلص الكلام
والله
ربنا يكون فى عون مرارتك

سواح في ملك اللــــــــــــــــــه- يقول...

افروديت
ثقافة الانتحار مش هتحل ولا هتربط
الانتحار كفر بالله وياس من رحمة الله
الواحد يقدر علي عذاب الدنيا
وميقدرش علي عذاب ربنا
تحيتي ياافروديت

mrmr يقول...

فيش فايده
ياريت الكل يفهم كده
ويريح نفسه بدل العذاب اللى بيسببه لنفسه ويسبب الم لغيره من جراء ذلك

ربنا يرحم عبيده

غير معرف يقول...

اختي الكريمة اشكرك علي هذا الموضوع الهام

وبالفعل هذه كارثة
النفس البشرية ليست ملكا لصاحبها لكي يقضي عليها بعود كبريت
النفس البشرية امانة وهي ملك لخالقها
يقول المولي عز وجل
"لاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيمًا"

افروديت يقول...

هبة فاروق /أيوه ياهبة نتظاهر كلناوالمطالب تكون عامة مش خاصة وشخصية واللي ساعتهاهيخاف يطلع يبقي جبان ومش يستحق أنه يكون أنسان

أكيد هقراه فورآبيشرفني ده ياهبة

ميرسي علي مرورك ورأيك

افروديت يقول...

لورنس العرب/ قولي والنبي

بجدحاجة غريبة الناس بقت عايزة بلان عشان تتظاهر وتطلب حقهاوبوعزيزي
لماأنتحر مش كان في دماغك أطلاقآكل ده

وهمامشيواعلي نهجه بس بجدغلط غلط

تقليد أعمي وغيرمدروس

ميرسي علي رأيك ومرورك يالورنس

افروديت يقول...

AMR/ بماأنك كتبت الكمنت دايبقي لازم نتكلم فيه

حكاية أنناالاول أو الأخرمش فارقه معايا مع أنناكنافعلآ بنحتل الصدارة
وأنت عارف ده

أنامعترضه علي الطريقة طريقة الأحتجاج أو الأنفجار التقليد الأعمي ياعمرو
تقدرتقوللي ليه الراجل اللي ولع في نفسه عشان حصته من العيش أو اللي ولعوابعدوا مولعوش ليه في نفسهم قبل مايحصل ده من شاب في تونس
أماأنت عايز تنهاروتحتج وتطالب بحقك ليه بتعمل كده لازم نحمي نفسنابنفسنااللي حرق نفسه ومات مات خلاص ياعمرو أمااللي عايش زي صاحب المطعم هيعيش طول عمره مشوه بالأضافه لأن مفيش حدهيجيب له حق ولاالحكومة هتعبره ...عارف ليه ؟
لأنه واحدمن أكترمن 80 مليون أحناأضعاف مضاعفة شعب تونس نقدرنعمل كتير ومن غيرمانحرق نفسنا
صدقني ياعمرو كل النماذج اللي أتكلمت عنهادي أناحاسه بيهاجدآ ولمست زيهابنفسي اللي عايز حقه لازم يفكرصح وحقوقناكلهامش هناخدهاغيربثورة كبيرة علي الظلم والفساد يوم 25 يناير قادم تتقدرتقولي كام فرد هينزلواالشارع الأغلبية العظمي في مصرمطحونة مش فقيرة لكن الناس دي بتخاف تخرج من باب بيتها عشان العو اللي أسمه الحكومة طيب حاولواجربوا وموتوامرة عشان ولادكواتعيش
وبعدين لماتيجي أن شاب أتعلم وأجتهدلحدماأخدالدكتوراة ورفضواتعيينه مش تقولي "عشان ابن كلب فقير" قولي عشان همااللي ولاد ستين كلب
أنماهواللي ابن ناس بجد وابوه فوق كل الناس .
اخرسؤال ليك ياعمرو ..
أنت موافق علي أن الناس تحرق نفسهاظنآمنهاأنهم سيحصلون علي حقوق لهم ؟

افروديت يقول...

AMR/
البلددي عايزة ولد
يكون قلبه جامدحديد
يكون صوته رعد وشديد
يكون مننامش من بعيد
يكون حاسس بالغلابه
يكون بيروض الديابه
ويقلبهامن ساسهالراسها
ويهزم كل العصابه

افروديت يقول...

محمود باحث عن حب / سلامتك يامحمود

اشتريلك مرارة صيني

أناماشيه بيهاشغالة كويس وزي الفل


ههههههههههههه ضحكتني وربنا

ميرسي يامحمودعلي مرورك

افروديت يقول...

سواح في ملك الله

عندك حق ربنايرحمنا ياسواح

ونخلص بقي

ميرسي علي مرورك ورايك

افروديت يقول...

MRMR / فعلآ يامرمورتي ربنايرحمنا ويرشدناللطريق الصح الناس بتولع في نفسهامن غلبهابس داغلط جدآ

ميرسي ياقمر علي مرورك ورايك

افروديت يقول...

ماشي بنور الله/ أهلآبيك

كلامك صحيح ولكن مين يسمع

النفس غالية جدآ مش ينفع نفرط فيهاوتهون بالسهولة دي

أحنامش حمل عذاب الأخرة

ربنايرحمنابرحمته

أسعدني مرورك ورأيك

ツSmiLeY AnGeLツ يقول...

حبيبتي وعمري
لاتتعبي نفسك بالكلام دول ناسي مافي عندهم ايمان
يعني احرق نفسي عشان حكومة وعشان الدنيا وانسي اخرتي يعني ادخل النار عشان حكومة لاتودي ولاتجيب
الله كريم وهو بيقلع الظالم زي ماقلع زين العابدين
سلامي لاجمل افروديت.

♥ ♥ Amira Samy ♥ ♥ يقول...

و الله عندك حق
تسلم اناملك
و قلمك الحر
تحياتى لك

مدونة رحلة حياه يقول...

السلام عليكم
افروديت عندك حق
هما حاسين انها موضة زى الاغانى والملابس
ولعوا فى نفسهم خدوا ايه
ربنا يسامحهم ويهدى
يا اخوانا شوية عقل وحكمة ربنا يسترها معاكم

Carmen يقول...

عندك حق جدا
ماعرفش ليه اليأس مع وجود ربنا سبحانه وتعالي
اخسر دنيتي واخرتي عشان دنيتي ليه ما اخسر دنيتي في سبيل اخرتي احسن
ربنا يرحمنا برحمته
تحياتي لك

الاحلام يقول...

كل هذا ولا يتحرك احد وحتى ان حرقنا انفسنا كلنا ايضا لا يتحرك احد لان الموجودفى العالى لا يمكن ان ينظر لاسفل ليرى الطبقه المحروقه
مع العلم بان ديننا ضد هذه الفعله المشينه لان الموت بها موته كافره نسال الله ان يحفظنا جميعا ويميتنا على الايمان ويحسن ختامنا
تقبلى تحياتى الاحـــــــــلام

Tears يقول...

بصى المنتحر بيبقى وصل لمرحلة فظيعة من اليأس و صعب يفكر بنفس الهدوء اللى بنكلم بيه ده

بس انا رايي ان لو حد خلاص قرر ينتحر فعلى بركة الله بس احسن يموت بجميلة...بمعنى انه ياخد حد فى ايده من الفسدة

zzz يقول...

مش قادر اوصف جمال سطورك مش قادر اوصف جمال التعبيرات الجمالية.... لكن اهديلك الموضوع دة من مدونتى المتواضعة
رسالة الى اخى المختل عقلياً .....

تحياتى ليك اخى المختل عقلياً انا والله بقالى كتير جد اً مش بيكتب ليك اى جواب وبزات فى الايام ....الخ.... دى ومشعارف مين الى مختلا عقلياًاحنا ولا الحكومة بنت.... دبيقولو .... مندوب شرطة مختل عقليا يطلق النار على قطار المنيا فتسبب فى قتل شخص...... ماشى.....ههههههههه وبعدان اسمع الحتة دى افاد مصدر .....مصدر سرى ....لالالالا ....وقال قال ...من جانبه قال الناطق الاعلامي باسم مديرية الامن
....من جانبه قال الناطق الاعلامي باسم وزارة الصحة والسكان ....................من جانبه قال الناطق الاعلامي باسم رئسة الوزراء.....80% من المصريين مضطربون نفسيا.. ومن يحاول الانتحار مختل عقلياً ماش....ههههههههههههههه ..طيب الحمد لله انى مختل عقلياً عشان محدش يدخلنى السجن عشان الكلام المكتوب..هههههه....


(ليس على المختلا حرج ))
.ولكن الحرج على عقول سمحت لسفهاء ان تتصيدها اذعنت وخنعت وخافت من صوت الحق الذى مزق احشائها الى متى ستقبلون بزمرة الحمقة تلك؟؟

ولكن الحرج على عقول سمحت لسفهاء ان تتصيدها

اذعنت وخنعت وخافت من صوت الحق الذى مزق احشائها

الى متى ستقبلون بزمرة الحمقة تلك؟؟

ااه كم السخافة مزعجة …مضجرة.. مقضة للمضجع

تحس ان ذل العالم في شخصه وهو لا يرى الا ذكاء حمقه

لحظة……

فكيف للمجنون ان يدرك مصيبة جنونه ، فالمجنون جرئ لا يأبه احد

،يتصرف ويتخبط و لا يرى غيره

نُصب المجانين حكّاما

وتجرعنا من جنونهم وعذابهم انواعا والوانا

وعشنا سنين في ظلمات الجهل والترصد

وكلما اذعنت واذعنت ،،

فلا تتصور ان سقياك من الحنظل سينتهى!!

تلك الحقيقة//

فما انت الا جزء صنع هذا المجنون وملكته نفسك

سلّمت نفسك وضيّعت مفاهيم العزة في جنباتك وها انت الان

تحت مقصلته ، واعينه وحراسه

ولن تهنأ بحال ا لا اذا شربت كاسا مما يساعد على الجنون

وانفصمت عن الحياة وجعلت من نفسك دابة تاكل وترعى

وتسعى للقمة عيشها

حتى يأتيها الاجل،،

لعنها الله من معيشة ذليلة سخيفة

صنعتها انت وليس غيرك

رعاع ولوا زمام الامور

وهم كالخراف يسحبون

وبكلمات يصدقون

وليس للعزة في قلوبهم نبض

وهم براء مما يدينون

كلام كثير كثير

ما ينفعنى ان ديانت(هم) في الهوية مسلمين

وهم بلا اسلام

مذعنون

منافقون ، افاقون ، مهتدون لاوامر الشيطان

مالى وب(هم)

اترانى اقبل تصرف الحمقى

حقا

ان(هم) ليستحقوا بجدارة

ليس صفحة في كتاب الحمقى والمغفلين

بل

يستحقون مجلدات تحكى مسيرة حمق الى يوم الدين

http://egyptianfree.blogspot.com/2011/01/blog-post_20.html

أبو أمك يقول...

قمة الفشل
إن واحد يحاول ينتحر...ويولع في نفسه دنيا وآخرة
وبرضه يفشل

Beram ElMasry يقول...

ابنيت العزيزة الغالية افروديت
شكرا علي كلامك الطيب ومجاملتك الرقيقة وودك النقي مما يفرح به قلبي وتطمئن له نفسي لصدق مشاعرك النبيلة الدالة علي قلب طاهر بارك الله فيك وفي نفسك واهلك
تحية وسلا مولاسلام مع بني اسرائيل

eng_semsem يقول...

انا جيت اقدم اعتذاري ويارب تقبليه مني بس بجد انا غلطان واستاهل اللي يجرى فيا لو حتى هتولعي فيا زي الناس ديا وساعتها هيبقى من حقك الاحتجاج لاني مقصر معاكي
اما ردي على البوست
لقد اسمعت ان ناديت حيا
ولكن لا حياة لمن تنادي
تقبلي تحياتي

فاروق سحير ( فاروق بن النيل ) يقول...

أفروديت.........
الموضوع ده مرفوض شرعا ومبدأ ولو قرأتى قصيدتى التى أطلقتها أول أمس لعرفتى هذا الموضوع ومنافاته للتقاليد المصرية
إذا كانت الحكومة نفسها هيه مولعة الدنيامولعة فى الشعب طبيعى
الأسعار مولعة
الفساد مولع
البطالة مولعة
الرشوة مولعة
العلاج مولع
السكن مولع
الأراضى مولعة
فيه حاجة قوليلى موش مولعة فى بلدنا
داحتى الكحومة نفسها نص الشعب يولع فى نفسه
آخر نكتة: حسنى مبارك دخل مجلس الشعب لاقاهم بيتناقشوا فى إنتحار الشباب فى مصر وبيولعوا فى أنفسهم ولما قالولوا:
إيه رأيك فى المشكلة دى ياريس
قال:لو 80 مليون مصرى ولعوافى نفسهم موش حاسيب الحكم إلا لمايولعوا فيا

مدونه ما كفايه بقى يقول...

افروديت

وحشانى اوى والله

اسفه لانقطاعى بس غصب عنى والله الامتحانات شغلانى على الاخر

الموضوع يحزن اللى مش بيحزن

ربنا بسامح اللى كان السبب

ارجوكى يا افروديت ادخلى مدونتى وادعيلى من قلبك انا محتاجه دعاءك بجد

تحياتى لكى حبيبتى

افروديت يقول...

خواطري مع الحياة/

فعلآ كلامك صحيح يارشا

اللي مدايقني أن أسبابهم مش تستحق الأنتحار ممكن تتعالج يعني

يارب يسمع منك ويقلع كل رئيس ظالم من جدوره

ميرسي ياياقمر علي رأيك ومرورك

افروديت يقول...

خواطري مع الحياة/

فعلآ كلامك صحيح يارشا

اللي مدايقني أن أسبابهم مش تستحق الأنتحار ممكن تتعالج يعني

يارب يسمع منك ويقلع كل رئيس ظالم من جدوره

ميرسي ياياقمر علي رأيك ومرورك

افروديت يقول...

سلسبيل / تسلمي ياقمر

أخبارالمذاكرة ايه ياللاعايزه اسمع اخبار حلوه اوك

تحياتي ليكي

افروديت يقول...

مدونة رحلة حياة/ ميرسي ليك يامحمد

والله أعلم يمكن ربنايغفرلهم ولوأن قتل النفس داشيء صعب جدآ

تحياتي لك

افروديت يقول...

CARMEN/ ارق كارمن كلام موزون ومنطقي جدآ

الناس بقت تهون عليهانفسهامن الهم اللي عايشينه

تحياتي ليكي

افروديت يقول...

الأحلام / عندك حق أكيد
والله ماحدهيسأل فيهم

دي لوبلدمحترمة كانت ع الأقل هتحترم أدمية الأنسان دول بيعاملواالشعب زي الحيوانات
وأرجع وأقول أحناالسبب

ميرسي علي مرورك ورأيك الصائب

افروديت يقول...

TEARS/ أكيدطبعآالمنتحرمش بيفكرأبدآ بنفس التفكيردي بتكون حالة معينة مسيطرة عليه وبتزين له التخلص وانهاء حياته متصورأنه بينهي مشاكله وبتبقي فيه مشكلة واحدة متبقية لن تحل "أخرته"

لكن قوليلي بقي أزاي ياخدحدمن الفسدة معااااااااااه

صعبة شوية متهيألي .....
تحياتي ليكي

افروديت يقول...

أحمد صقر/ ميرسي يااحمد ده من ذوقك

أنت شاعرجامد بصراحة

بس الموضوع اللي أتشرفت بجد أنك كتبته في مدونتي جامد بجد وبحيك عليه فعلآحماقاتهم تحتاج الي مجلدات وعصورلكي تكتب

مش عارفه أدخل مدونتك خالص ياصقر

تقيلة جدآ

ميرسي ياصقرعلي مرورك ورأيك

افروديت يقول...

أبو أمك/ أهلابيك
فعلآ قمة الفشل أن الحراميه اللي زي الشياطين يغونابالأنتحارونستجيب

حسبي الله ونعم الوكيل فيهم

تحياتي ليك

افروديت يقول...

Beram ElMasry/ أهلآ بيك ياأستاذنا

لاوالله دي مش مجاملات وأن كان علي الكلام فلايكفي كلام الشكركله علي شعرك وأحساسك الذي تكتب به

فيكفي انك تجعلنانستمتع بقراءة أجمل الكلمات والمعاني

تحياتي لك

افروديت يقول...

eng_semsem / أهلا بيك
لاطبعآمش مستاهله أنك تعتذر ..بعدالشرعليك يابشمهندس ربنايخليك لبنوتك القمرولأهلك

ليه كده بس .....

أنابحب أسأل علي زمايلي وبس

فعلآعندك حق في ردك ع البوست
لاحياة لمن أنادي

ميرسي علي وجودك ورأيك شرفت ياأسامة

افروديت يقول...

فاروق بن النيل/ تعلم ياأستاذي لا أستطيع التأخرعن مدونتك مطلقآفأنا أعشق الشعر
وأنت من أفضل كتاب الشعر

وفعلآيظهرلماالدنياكلهاولعت مبأش فاضل غيرالناس بقي

والله أناعارفه أن محدش هيسأل فيهم لذلك هماصعبانين عليه ومتعاطفة معاهم
والمبدأنفسه غلط أصلآ
ههههههههههههه بس النكته دي جامدة وتحبس
وأحناماشيين جوه الحيط ياأستاذنا
تحياتي ليك

افروديت يقول...

مدونة ماكفاية بقي/
ميرسي ياحبيبة قلبي وأنتي كمان وحشاني ياأمل ربنايعينك ويقويكي
وتجيبي مجموع كبيييييييييييير أأأأأأأأأأأاد كده
بس ساعتهابقي هتدبسي في اكبركنزايه

أكيدطبعآبدعيلك والله وبدعي كل الناس
من عينيا ثواني وأكون عندك ياقمر

فشكووول يقول...

السلام عليكم افروديت
تحياتى
بصرف النظر عن رأى الدين فيمن يشعل النار فى نفسه
بس يعنى احنا نموت وربنا يحاسبنا ويمكن ندخل النار وهما عايشين ويتمتعوا ولا عندهم فكره عن اللى ولعوا فى نفسهم .. ياكش تولع ايه اللى يتعبهم.. احنا اللى حنتعب واحنا اللى حنولع وحنموت وحندخل النار
كمان .. متهيأ لى كفايه علينا نقول اننا اصحاب الرياده والعالم كله بيمشى ورانا واحنا واحنا واحنا
خلاص يا افروديت .. احنا بقينا فى زيل الامم .. يا ترى مين فاكر الصفر بتاع المونديال ولو فيه رقم اقل من الصفر كنا حصلنا عليه زى اى حاجه فى مصر الان بقت صفر
تحياتى

محمد التركى يقول...

السلامو عليكم

والله ليكى وحشه
اخبارك ايه ؟

فعلا تقليد اعمه
ياعنى اللى بيولعو فى نفسهم فاكرين ان حد هيعبرهم ولا هيراعى عيالهم بعد مايموتو محروقين وربنا غضبان عليهم
مش حل وبالذات فى البلد دى
احنا محتاجين معجزه من عند ربنا
وربنا فرجه قريب بأذنه ورحمته

تقبلى مرورى وسامحينى على التأخير

تحياتى لقلبك الجميل

محمد التركى

افروديت يقول...

فشكوول / وعليكم السلام ورحمة الله وبركاته

فينك بس يافشكول ... بجد وجودك مهم

كلامك كله صحيح مقدرش ألومك فعلآ بقينافي ذيل الأمم ومش عايزة أقول مذبلة التاريخ كمان
هنقول ايه ولا ايه عن الفساد في بلدي
بجد بجد أحساس مؤلم جدآ لماالأنسان يوصل لدرجة أنه يولع في نفسه ويحس بمراحل كلهامن نهاية الحياة للوصول للحظته الأخيرة وهي موته بجد ظلم شديد
تحياتي ليك يافشكول ياريت مش تتأخروتكتب بقي مواضيعك اللي بحب أقراهالك

افروديت يقول...

محمدالتركي / عليكم السلام
ميرسي يامحمد أنابخيرالحمدلله

أحنامش محتاجين معجزة محتاجين نتجرأونتشجع ونوعي الناس شوية
عشان ناخدحقوقنا اللي فاضله يعني

ولايهمك ياتركي أنت تشرف في اي وقت

تحياتي ليك