الثلاثاء، 28 ديسمبر، 2010

ستبقي حيآآآآآ ...!

                                     ستبقي حيآآآآآآآ                                                                                                                                                                              

                          أعلم أن هذ ا ليس يوم ذكراه ولكني سأكتب ماجاء علي لسان أحد الأخوة العراقيين عندماسألته
                        ماذا يمثل صدام بالنسبة لك ؟                    
                وأجابته كانت هذه الكلمات ......          
                                                أرثيك ياعزالعرب بيوم نحرك المجيد .أرثيك بكلمات   
                                            يمكن أن يعجز عن ذكرها اللسان
                                    كنت لناأبآوأخآوشيخآ ........ كنت لنا معلمآوموجهآ    
                          علمتنا كيف نحب الأخرين ..علمتنا كيف نصبر علي المصائب
                              علمتنا كيف نقول الحقائق .. علمتنا كيف نواجه المخاطر  
                                        صدام رحلت ووضعت فيناالخلق النبيل
                                         رحلت وضاعت مع رحيلك احلامنا           
                                       رحلت وضاع مع رحيلك الأمن والأمان   
                                  رحلت وتكالبت عليناالوحوش الكاسره من كل مكان  
                                          رحلت ورحل معك العراق الي الأبد    
                          صدام رحمك الله وطيب ثراك وطاب ممشاك الي يوم الدين  

                                                      رثاء الأخ / عامر الخالدي الخالدي  


                               سواء كنتم تتفقون أو تختلفون معي فهذا رجل عربي مسلم
                          عشت رجلآومت رجلآلن أنسي يوم أستشهادك ولحظة رفضك 
                   للبس القناع الأسود لحظة أعدامك صمدت وتماسكت وجاءك 
                          الغدرمن أقرب الأقربون المشاركون ,لا تحزن 
                  فالغول الذي أبتلعك سيبتلع الأخرين قريبآ اذالم يصيرواخنازير
            أول أيام عيدالأضحي المبارك ذكري لن أنساهاالسبت 30/12/ 2006

الثلاثاء، 21 ديسمبر، 2010

الأب الحنون والأستاذ /بيرم المصري

             الأب الحنون والشاعر الرائع/  بيرم المصري 
                  صاحب مدونة   " كرباج سوداني " 
                           من هنا أقرا القصيدة
                                                      http://elmedahwel.blogspot.com/
   تحيه خاصة مني تحمل لك كل معاني التقديروالحب والأحترام
              فأنت حقآ شاعر رائع ومتميز وخلاق مبدع 
  أنا أحب هذا الرجل لأنه جديربالأحترام ولا يطبع وغيورعلي  
     علي بلده بشدة ... وعلي رأيك أستاذي سلام ولا سلام مع 
                        بني أسرائيل " لعنهم الله " 

الجمعة، 17 ديسمبر، 2010

سلامتك يا دماااااااااغي

                    المصري بكااااااااااااااام ؟  
 

                                                                          
طبعآ أن مش بتكلم ع الجنيه المصري اللي مات وأندفن وشبع موووووووت

أنابتكلم ع الجثة نفسها أوالمواطن يعني ماهو العايش زي الميت في البلد دي
والله أنامستاءة أني بقول كده علي بلد حلوة ومفيش زيها بس للأسف فيها شوية عالم بجد عايزين الحرق  
أنا أنهاردة بسأل سؤال جدي المصري بقي بكام في 2011

عدد ضحايا مصنع أسكندرية اللي أنهار وسقط علي دماغ العمال الأسبوع اللي فات
كان 26 قتيل غيرالمصابين وصرح المحافظ كترخيره بصرف تعويض 10 ألآ ف
جنيه لكل متوفي
مواطن ==10الاف جنيه بعد التفاوض أصلهم كانوا خمسه بس
يا بلاش أد كده أحنا رخاص 
" كام نكته حلوووين ومش هتلاقوهم في أي حته تاني"

تصريح ل نظيف بعد الأنتكاسات "الأنتخابات سابقآ"
الشعب المصري أثبت حبه للحكومة بدليل نجاح كل الوزراء في الأنتخابات 

"سلامتك يادماغي"  
الجلسة الأفتتاحية لمجلس النهب  " أسمع دي بقي هتتشل بجد"
فوزفتحي سرورب505 صوت من 506 طيب تيجي أزاي دي عدد نواب مجلس النهب 508هناك" خمس نواب"في كفرالشيخ تقررأعادة الأنتخابات بينهم بحكم قضائي
والنائب /عبدالعزيزشعبان الذي وافته المنيه قبل حلف اليمين
يبقي مجموعهم503 لكن سرور حصل علي 505  في أنتخابات رئيس المجلس 
"سلامتك يادماغي"
وأخيرآآآآآآآآآآآآآآآآآآآآآآآآآآآآآآ
كشفت القناة السابعة "عاروتس شيبع" عن قيام  /ياسر رضا السفيرالمصري
بأسرائيل وعدد من السفراء في الأحد الماضي بغرس الأشجار في منطقة غابات الكرمل شمال أسرائيل والتي شهدت مؤخرآ حرائق هي الأكبر من نوعها

                    "  سلامتك يادمااااااااااااااااااغي "
                          

الاثنين، 13 ديسمبر، 2010

أنا كتير عليك ...

video

                                              " لكسر الملل " 
                                        
                               ياصبر الأوحد.....لا تبكي  
                              فدموعك تحفر.... وجداني 
                        اني لا أملك في الدنيا
                        الا عينيك ..وأحزاني     

الخميس، 9 ديسمبر، 2010

لسه لابسه أسود عليه ...!!!

video
   

                                    " صوت أحد شهود  علي واقعة مقتل مصطفي عطية علي يدالمخبرين "  


                     فيكي أيه ياأسكندرية                   بقول عليكي ساحره وصبيه
                                واتاريكي لامه شويه وحوش 
                                   وناس غلابه مبيفقوش  
                                    من جرايم البلطجية   
              الأول كان خالد                        وبعده كان أحمد شعبان
           وانهاردة مصطفي                      وكلهم ماتوا بأسفكسياكمان 
          ماهم مش بلطجية وبس                     دول معتادين أجرام 
           مخبرين أكيد فاجرين                     هماواللي مشغلهم كمان   
         أمتي بقي هنفوق مي الهم                      ونبطل شغل النعام  
 
                     

      يامصرلسه لابسه أسود عليه                ولا قلعتيه شويه ...شويه
      بس المرة دي مش عشاني                     عشان فيه قتيل تاني 
       غيري أنا وأحمدشعبان                    مصطفي كان مواطن أنسان
       كان فاكر انه ليه حقوق                   وقتله كان من ضمن الحقوق 
      بس ..بس صراخ وعويل                  مصطفي ..مش أخر قتيل 
      لسه في بعده كتيييييييييير                  وكله مي الكاس  ... هيدوق
         

الثلاثاء، 7 ديسمبر، 2010

اسرائيل .... هي أمي !!!

                                      "اسرائيل الحلم "  
       " براءة ورجولة وشجاعة وطفولة لم أراها في عين أحد قط سو افي عيناكم .. حقآ بكم سننتصربأذن الله "                   
    أسمع بين الحين والأخر ضبط عدد من المتسللين لأسرائيل ويأخذني هذا
       الخبر الي أفكار عدة لماذا يفعل هؤلاء هذه الفعله ........ ؟
       لماذايهرعون الي أسرائيل هربآليلقوا بأنفسهم في أحضانها ......؟
       لماذا يهون علي الأنسان نفسه وكرامته الي هذا الحد ........؟
   ولكنني حقآ صدمت حينما علمت بأن معظم من يعيشون هناك غيرنادمون بل  
   ويفتخرون وتساءلت حقآ ما الذي يجعل هؤلاء يحبون قتله الأطفال والنساء والعزل
  ما الذي يجعلهم يتكلمون بنفس اللكنه الصهيونيه ... ماالذي يجعلهم يعتبرون اسرائيل وطنهم الأول وملجأهم ويدافعون عنها جملة وتفصيلآ 

video
                           
             هذه الفتاه التي كل عمرها 16عام تدافع عن أسرائيل, وأبوها يدافع
                          باستماته عن المايوه  .....  " لا تعليق مني " 
                                  سوي أنها بجاااااااااااااااحه بجد         
video
                                       
                                                                  
   وهذا المنحط لا تعليق مني علي حديثه سوي أنه تجرع الصهيونيه حتي أصبح يتكلم
                       بها وبلكنه الصهاينه أمثاله ويتكلم عن أسرائيل كأنهاأمه 

                

                       هل هناك شباب مصري يخدم في أسرائيل ؟

         فقد نشرت منذ أيام أنباء عن وجود 13% من حجم العمالة المصرية العاملة
       في أسرائيل ألتحقوا للعمل في وظائف مدنية ملحقة بالجيش الأسرائيلي الأمر
      الذي يطرح سؤالآ مهمآ ...........
                       لمن يكون ولاء هؤلاء في وقت الحرب اذا دارت ؟  
                               هل لبلدهم مصر أم أسرائيل           
                                            
            
               وأخيرآ أحب أن أقول رأيي علي مثل هؤلاء فهم حقآ ليسوا بشر  
           ولن أتكلم عن الأنتماء ولا حب الوطن ولا سأغني لكم مصر هي امي  
        ولكن يكفي أن أقول أن من ماتوا ومن يموتوا ومن سيموتوا هناك أبرياء ولم 
         يقترفوا أي ذنب فابا لله عليكم لاتقنعوني بالتطبيع ولا تبرروا لهم خيانه            
           اللهم دمر أسرائيل وأضرم فيهم النار من كل جانب نار لاتطفأ أبدآ 
                 لا بأمكانيات الصهاينه ولا بمساعدات سي حسني وغيره                                              

          

الأربعاء، 1 ديسمبر، 2010

أم الصبايا والجدعااااااااان

  مصرالحلوه ياام الصبايا والجدعاااان  
                                           
                                           لا شيله همي ولاشايفه ليه فيكي مكان
   خدوكي بالوراثه ... خدوكي بالعصايه
                                   
                                                وبالضرب ..تحت الحزام 
  خدوكي يامصر منا وطلعوا عينا وعينيكي   
                                             
                                             خدوكي غصب عنا ولعبوا بينا وبيكي  
     بيقولوا في أنتخابات وبرضه مزوره 
                                           
                                          قلتلهم شعبك ...مات  ...ودا اللي جايبنا وراا
     بحبك ..اه مش بنكر ...أناروحي فيكي كمان

                               بحبك غصب عني ..بحبك برضايا..بحبك من زماااان   
 
                 بيقولوا اني ... لاجيء   ......      بيقولوا اني ... ضعييييييييييف
           ماليش فيكي ... عيشه    ......            ولا ليه فيكي ... رغيف  
            مش عايز الرغيف      ......               بس أنا مش ضعيف 
          هعيش خفيف .. خفيف    ......          بس صوتي ميتمحييييش   
           أنتي مش بتاعتهم        .......                أنتي ملك الناس 
           اللي... دمهم              ........             مخلوط بترابك وبس  
      اللي دافعوا عنك في سينا   .........            وخلوكي مش حزينه
        رجعوكي للعذريه         ..........           مش عايشه في وحل وطينه  
      مع أني دلوقتي شايفه     .............              الوحل رمز ..... لينا   
        وبقينا غرقانين          .............             من ساسنا لراسنا طينه   
        قادرين نستحمي        ..............              طب ليه مش بنستحمي  
     ولا خدنا الوحل ستر       ..........                 وخدنا الطينه  زينه    
       ياناس فوقوا بقي            .......            دول اللي ماتوا صحيوا تاني   
    وأنتوا لسه غرقانين            ......            في الكبسه والبانجو والأغاني   
   مبأش في عندي شعر         ...........          مبأش في عندي كلااااااااااام 
   بكلم ناس مسطوله            ............         وناس غلابه ونيااااااااااااااام 
   بس كلمة أخيره               ............                 هقولهالك كمان     
   زي ما كلوا غيرك          ..............                    في الغابه   
                                   بكره ياكلوك أنت كمان  
  

الاثنين، 29 نوفمبر، 2010

أدي ولاد الكلب... ولاعزاء للصامتين

video
    

      دا جزااااااااء اللي يفكر وعقله يلعب ويروح يقول رأيه في حاجة في المخروبه دي
                                    مصر الحلوه.... مالك خرسه 
                                 ردي عليه... والنبي مش ناقصه 
                           حضري الكفن ..........ونادي ع المغسل 
                        نادي ع اللي نايم ..............ونادي ع المكسل
                             نادي ع الضمير اللي مات واللي غفل 
                                    يااااااااااامصررررررر
                      شكلك بقي وحشششششششششش أووووووووي
                                                          

                      
       

السبت، 27 نوفمبر، 2010

مولد سيدي العريان

                                  اللي عايزيقرا يركززز معانا 
                      واللي مش عاجبه كلامنا يوريني جمال خطوته أوااام

  ياوديييييييييييع ...سيب المزه تلتحم بالجماهيروالنايب يرش شعارات وفلوس ع المهابيل
                  وأرقصي يابلد دا مولد سيدي العرياااااااااااااااااااااااااان 
                                  واللي مش هيتستر أبدآآآآآآآآآآآآآ 
       قبل أي كلام أنا لا أحترم أي حزب أوجماعة في مصروخاصة الحزب الواطي
       أحب "حسن البنا" ولا أحب من تبعوه كلهامصالح شخصية وأهداف مغرضة 
          وصفقات مشبوهة أحترم فقط كل من يقول لا لنهب الشعب المصري  
                                              
            أوضحت دراسة للواء /رفعت عبدالحميد   خبير العلوم الجنائية    
   قسمت الدراسة البلطجية والبلطجيات الي " خالتي شرالطريق ,سكسكه,عضلات 
     نفتالين بليه,وأخيرآ وقبل مايغمي علي حد سم الفأر ".  
                                    
   وأوضحت الدراسة ان هناك أرتفاع أسعار جنوني في البلطجيات اللاتي سيستعينون   
    بهم كوته المرأة أما البلطجية فيتمسكون بأسعار 2005" ضميرهم صاحي بحقيقي" 
    والأسعار شاملة العلاج بالمستشفيات والحبس الأحتياطي .   " ونعم الناس بجد" 
  أسعار خاصة وتخفيضات هائلة للوزراء الحاليين والسابقين والحزب الواطي تحديدآ  
أسعارنار لرجال الأعمال المرشحين لأول مرة وبالدولار لمن سبق لهم أغتيال الكرسي  
     أما أسعار المعارضة والمستقلين ثلاث أضعاف الواطي وخمس أضعاف للجماعة الأسلامية ونواب القرارات ع نفقة الدولة والمتهمين في قضايا المال العام  "اشططططه" 
           
          أما دا عرض أسعار للي يحب يرشحححح نفسه /
             ردح سادة=      800ج           , ردح +قلة أدب =1600ج
            فضيحة بجلاجل= 4000ج        ,هتك عرض = 5000ج             
           تحرش جنسي=700ج              ,مقاومة سلطات =6000ج
          منع مؤتمرالخصم=1000ج           ,تشويه بمواد كيماويه= 12000ج
       أتصال تليفوني ورسائل تهديد=1000ج , فضيحة بدون جلاجل= 250ج
      أهانه بالموسيقي والأغاني "بودعك أخر وداع " =       500 في الساعة
       ويوجد مشاركة للناجحين بعدالأنتخابات والجلوس علي كرسي البرطمان  
   في الأنشطة التاليه " الفساد ,التربح ,سرقة الأراضي ,قرارات العلاج , قروض"  
                                           
                   
   واحد بلدياتنا نجح في أنتخابات مجلس الشغب ففي أول جلسة قاعدجنب واحدأفندي
  فالأفندي عزم عليه بسيجارة مارلبورو وبعد شوية بيسألوا/ أيه رأيك في الديمقراطية
 رد الحاج / والله أحسن من الكليوباترا     
  
 واحدلقي مصباح سحري ولسه هيدعكه لقي أتنين جايين يجروا عليه وقالوا له /
أن المصباح دا بتاعهم ...
فسأل الأول / أنت مين .           قاله /أناعلاء الدين صاحب المصباح
 وسأل التاني / وأنت  .            قاله / وأنا علاء ....... شريكه في المصباح

                        وأخيرآ أحب أقولكم شعاري الوحيد
              لاوطني ولا أخوان أرحموا الشعب الغلبان أرحموا الشعب       
                           التعباااااااااااااااااااااااااااااااااااااااااااااااااااااان                             
                                       
                          

الخميس، 25 نوفمبر، 2010

تحيه واجبة يابن النيل ...

http://farouksam.blogspot.com/  أنتقل من هنا  ....  مدونة "عصفور الجنة "
                                 

                          قصيدة      "موش أنت لوحدك في الصف "         ل    فاروق بن النيل     

                           بشكره طبعآ علي رقة قلبه وأحساسه بالغير وبشكره علي اهتمامه 
                                        ببوست " اشطه عليكي يا بلد "       
                   وأنامن كل قلبي بحييك يابن البلد يابن النيل يا أستاذ فاروق ياعميد
                                                                   الشعر والتدوين

الأحد، 21 نوفمبر، 2010

اشطه عليكي يابلد

                                                                "خالد سعيد ..قتيل الطواريء"



"أحمد رجب قتيل بلطجة ظابط"
 
             اشطه عليكي يابلد                من أمتي فيكي الظلم أتولد 
          دا الظلم مش أتولد وبس           دا كبر ورعرع وبقي مرض
           أنطق ياخالد ياسعيد                     أنطق وقول ياشهيد 
             مين خلاك قتيل                        بقينا في زمن العبيد 
          الجلاد بيقول مش أنا                     وأيديه غرقانه .. دم 
        وادي غيرك قتلوه وأترمي               وفين حقكوا بلا ..هم 
           ياناس يابشر ياخلق                     ردوا عليه فهموني 
        في شرع مين يتقتل قتيل                 ونعيش في ذل فهموني 
        الله يخرب بيت السكات                    اللي ودانا في داهية 
      خلاص يابلدي ضميرك مات             قطعتي ولادك من سكات 
       عارفة يابلدي مبقتش بحبك                 وبقيت بكره طغيانك 
         بكره الجلاد والحاشيه                     وحواريكي وأركانك   
         من كتر أسوتك عليه                   خساره أموت لحظه عشانك  

video
                                  

السبت، 13 نوفمبر، 2010

العيد عيدنا

                                       
                                                          " كل سنة وأنتم طيبين " 
                           عيد مبارك علي كل المسلمين في كل الدنيا

           أرجومن جميع زوار مدونتي أو حتي المارين عليها أن لاينسوا الأيتام 
              والفقراء في هذا العيد ومن يريد أن يفعل الخير لايتردد لحظة ....    
              بملابس .. بجزء من طعامك حتي بمبلغ ولو بسيط بس أعمل خير.. 
                   صدقني مش هيفضلنا غيره ... تحياتي لكل من يستوعب    

الثلاثاء، 2 نوفمبر، 2010

عااااجل... مصر ترفض تهديدات تنظيم القاعدة باستهداف الكنائس المصرية

   أمهل  تنظيم مايسمي ب " دولة العراق الأسلامية " الموالي لتنظيم القاعدة الكنيسة     القبطية في مصر 48  ساعة للأفراج عمن قال أنهن مسلمات " مأسورات في سجو ن أديرة" بمصر
                       بجد مش ناقص غير كده جتكوا ستيييييييييييييين نيله 
                     مصربقي فيها مليون شيعي " حسبي الله ونعم الوكيل فيهم "
                       
   
                                                       "الهجوم علي الكنيسة الكاثوليكية بالعراق "
                          
        
   " عذرآ لعدم نشر التعليقات فالمدونة بهاعطل فني وسيتم نشرها فورالعثور علي
                                             اي ميكانيكي "
    

الاثنين، 1 نوفمبر، 2010

أقرا الحادثه .........

         بصراحة ياجماعة أنامش كنت ناوية أجيب سيرة حدبأختصار لاني لسه
     راجعة والمدونة في التلين انما بجدالموضوع مستفز زززززز جدآآآآآآآآآآآآآآآآآآ
       وخلوني اقولهاصريحة واعلنهااحنا شعب طييييييييييييب لدرجة العبط ....
      تعالوا اسمعوا ايه الي منرفزني وحارق دمي صرح وزيرالتنمية الاقتصادية
  "اسم الله عليه .. اسم الله عليه"أنه من الأرخص أستقدام عمالة من أي دولة آسيوية
    وذلك بقوله لأنهم سيتقاضون رواتب أقل من اربعمائه جنيه "هنجيب عمال من 
     بنجلاديش أرخص وهيرضوا ب 400 وأقل . ألا هي فين بنجلاديش دي 
   وبعدين "هي كانت مصربتنش عشان نستورد من بنجلاديش " الغريبه يا أخي اني 
 كل مابمشي في حته بلاقي ناس امم لابسين وشايلين عدد وقاعدين منتظرين الفرج 
 هما دول يطلعوا ايه مش عمال برضه مش مصريين برضه  مش محتاجين برضه
  وبعدين 400 واقل يعملوا بيهم ايه يشتروابيهم ايه طماطم مجنونة ولا لحمة ولاعلاج
  ولا أيييييييييييه ....هو نفسه برضه اللي أفتي وقال قبل كده أن المفروض دخل الفرد
    في مصر 4,50  وهي تفي لشراء أحتياجاته داعلي أساس أن المواطن هيمشي 
       عريان وهياكل من ذ بالة الاغنياوبدل ما أحناجمهورية مصرالعربية
       هنبقي جمهورية مصرالمتعريه ....كفااااااااايه خرااااااااااااب  بقي

 

الأحد، 31 أكتوبر، 2010

باقول أيه.........؟!

                  الموضوع ده شائك وخطيراسعارالدهب في أرتفاع جنوني 
           ومستمربالأضافه الي اسعارالشقق اللي أصبحت خيالية
         وبالتالي هيؤدي الي زيادة وارتفاع نسبة العنوسه اللي هي
         أصلآ مرتفعة جدآ... وبجدعندي سؤال محيرني أحناهنعمل 
          أيه في ظل الظروف الصعبة دي وسؤالي لكل بنوته هنعمل
     أييييييييييييييه ...........؟
                  نرضي من غيردهب وشقق فاخرة
                الدهب الصيني هيبقي حل المصريين 
              نستني لوت من الصين بس أكيدفي عيوب
         ياجماعة أي شاب النهاردة بصراحة أن مكنش عاطل يبقي
            مش حيلته غير مرتبه وده لأنه مصري لازم يعاني
           بجدالموضوع بقي خنييق وممل ومش عارفه ليه كتبته
               بس احساسي بيقولي أنه جدير بالمناقشة 
           " حكومة نظيف تحيي كل عوانس وعاطلين مصر وتبشرهم بالمزيد "

الخميس، 28 أكتوبر، 2010

مسااااااااااااااااء الخييييييييييييييييييييير





                    مساااااااااااااااااااااااااااااء الخيييييييييييييييييييييييييييير       
        علي كل الناس اللي بحبهم ووحشوني كتييييييييييييييييييييييييييييييييير
         أنا بشكر كل حد بأسمه سأل عني في غيابي ميرسييييييييييييييي بجد
                                 ربنا يخليكوا ليه علي طول
         وبصراحة عشان محدش يقلق عليه أنابخير ومش رحت غربانيات 
                        ولا قسم العمرانيه حتي الحمدلله اطمنوا           
      تحياتي لكل النااااااااااااااااااااااااااااس اللي يحبونا ايوه اللي يكرهونالأأأأأأ

الأحد، 25 يوليو، 2010

مكنش يومك يا عواااااااااااااد ....!

                     طبعآ أي كلام فاضي معقول مبدئيآ كده المحامي   
                         معرفووووووووووووووووووووووش       
                     أيوه ياجماعة لازم أخلص ضميري لأن دي مش    
                  قضية أمن دولة دي أمن دولة وعام وخاص وكللللله    
                  نهيب بالسادة المدونين والمدونات أصحاب البلوجات   
    بأن اللي هيكتب تعليق من نوعية " أحسن أو ربناياخده أو آمين أوياريت 
      أنا معرفوش لأني ياجماعة ظروفي صعبة رئيس تحريري معتقل لأنه   
 كان رافع قضية علي " عفروتو" في مجلس الدولة .. وكل يوم والتاني اللي ربنا  
   يريحنا منهم ياخدوا جيراني لأنهم ياعيني مطلقين اللحية وبيروحوا المسجد  
 وعشان كده أمي قالتلي /مش فاضل غيرك إنتي بقي أدامك شوية صغيرين وتصيفي
                  في سويسرااااااااااااااااااااااااااااااااااااااااااااااااااااااااااااا       
    
                 كانت هذه المقدمة واليكم القنبلة أصدي الخبر بالتفصيل    
   فجر المحامي المستبيع " حامد سيد مكي " مفاجأه من العيار 18  حيث رفع
  قضائية ضد وزير العدل المشتشار /ممدوح مرعي  وأخرين متهمآإياهم بتضليل
 الشعب المصري " ما الشعب طول عمره مضلل وساكت ياخويا"  وقال ........ قال 
 مش قادرة الكلمة تقيلة أوي الله يرحم المحامي برحمته قال : أن ..........أن   

    الرئيس مبارك قد توفي عام 2004   "خيراللهم أجعله خير"  اثرعملية أجراهافي  
 ألمانيا . وقال المحامي أن الطبيب الذي أجري العملية أعلن الخبر وأذاعته إذاعة
    " مونت كارلو" ثم إذاعتة بعد ثوان اذاعة  اسرائيل ولندن ...يا لهوووووووي 
  وبعدهاألتزمت جميع الأذاعات الصمت .ونتيجة الوفاة المفاجأه قد أتفقت قرينته مع 
أبنائها والوزراء علي إخفاء الخبروإيجاد بديل للسيد الرئيس يظهر في لقاءاته والأعلام
وبذلك تتمكن قرينته من ادارة الأمور وأضاف المستبيع أن أمريكا وإسرائيل وألمانياعلي
علم بذلك ولكنهم يخفون الخبرلأن من مصلحتهم استقرارالنظام المصري "أشك في دي"
                  وأخيرآ أضاف أن العملية الأخيرة في ألمانيا أيضآ خدعة 
     ومن فضلكوااللي يقرا الخبريترحم ع المحامي ياعالم أراضيه فين دلوقتي
  كنت عايزة أقول للأستاذالمحامي / أحنابناكل عيش بقمح مسرطن ..ولحمة بالحمي
  القلاعية وفراخ بتعطس والمية هتخلص والبلد متباعه " بس محدش فينا قال كده  
        ياتري يا متر أنت قلت كده لييييييييييييييييييييييييييييييييييييييييييييييه ؟
   بعدالشرعنك ياريس نموت أحنا وأنت تعيش ..نروح في داهية بس متمشيش 
        نعطش إحنا وتشرب أنت الميه المعدنية بس مش   تنده لنا  شاويش

                                        دي صورة من الدعوي                            
                                     
 
                        مالوش بدييييييييييييل يا خويا مالوش شبييييييييييييه

الخميس، 22 يوليو، 2010

شربت حجرين ع الشيشه ...!

أعتذر عن حذف الفيديو ولكني لا أستطيع تحمل ذنب    
المشاركه في انتشار الفساد أو إيذاء أي أحد  
أنالا أضمن حياتي لحظة  
ولاأستطيع تحمل أي ذنب !







         بعد مقتل الشهيد " خالد سعيد " الله يرحمه لاقينا في جرايد ومدونات كتير زي    
                    " اللفافه لا تزال في حلقي .. أو جيبي " وهكذا
                                                                                                        
  
   أنابقي جبت لكم موضوع شبيه بس مش للقتل لأ ....... ب اللفافه  واحد ذكي يقول في
                 نفسه / نوع  تاني هي البت دي بتبيع إيه بالظبط .
 
                                                                                
   هو نوع مش جديد في ناس كتير أووووووووي تعرفه  .... أيوه اللي هو ايه بقي يا   
        بأختصار شديد القطة اللي في الفيديو فوق دي      "  بلعه جوزه "       
      يووووووووووه .... أصدي " شيشه" معقوله إنتي بتهرجي ياأما بتكدبي         
  لأ بجد اللي يعمل كده يبقي مش طبيعي مسطول يعني يأما بلعه شوال بانجو ياإما   
  شيشه بالفحم بتاعها كمان..........                                                        
        طبعآ مش بعيد حد يقول إيه الرجعيه والتخلف ده .... أنا عارفه أن في بنات   
     كتير بتشرب شيشه وزفت بس هي مش تشغلني أصلآ لأني مش أعرف حد كده  
 الحمد لله............ ولا ضد أن البنت ترقص وتغني وتلعب بس بأحترام . وفي الفيديو
   طبعآ مش في أي أحترام خااااااااااااااااااااالص.                                             
    دي بتعمل كده علني في الشارع بس لما قربت من بيت باباها قالت للصيعه التانيه لأ 
  عييييييييييييييييييب.. وطبعآ هتلاحظوا الناس اللي في الشارع بيبصوا لها ازاي   
                            " نظرات حقيره طبعآ"

                                                                    
  البنات دول للأسف بيسوءوا سمعة بنات مصر بعمايلهم الزفت دي ....من الأخر يعني 
 طول مافي شباب بتستهبل وتقلب بنات وطول مافي بنات ذباله كده عمر حال البلد دي 
  ما هيتصلللللللللللللللللللللللللللللللللللللللللللللللللللللللللللللللللللح أبدآآآآآآآآآآآآآآآآآآآآآآآآآآآآآآآآآآ