الأحد، 27 يونيو، 2010

أنتحار معيدة بجامعة عين شمس لتجاوزها الأربعين دون زواج ..!


الموضوع ده بجد ياجماعة  انتحرت المعيدة "سميرة  ذ" 40  سنة بعدأن ألقت نفسها من شرفة شقتها بالدور الثاني  بمدينة 6 أكتوبر ولكنها لم تمت من سقوطها بل طعنت نفسها عدة طعنات بزجاجة كانت معها عندما قفزت وأكدت التحريات أنها حاولت الأنتحار أكثر من مرة لأنها تعاني من حالة شديدة من الأكتئاب وذلك لأن لم يتقدم أحد لخطبتها... لاتعليق مني سوي أن ربنايرحمها لكن الأنتحار أكيد مش حل لأي مشكلة الأنتحار هروووووووب نهائي من الحياة  بأكملها الأنتحار لايحمي صاحبة من الذنب ...ليتكي تسمعيني الأن أو تقري سطوري كنت أريد أن أقول لكي كم من النساء متزوجات ولكن لايعيشوا حياة كريمة كم من الأزواج يتركون زوجاتهم وأبنائهم ويهربون بعيدآ  كم من الأزواج الأن يتمنون التخلص من زوجاتهم لو دققتي النظرقليلآ لوجدتي أن الحياة لم تتلخص في زيجة ورجل ولا هذا شرط لأن نحيا حياة جميلة..لاأريد عتابك أكثر فيكفي ما فعلتيه بنفسك ولو أنه كثير بالفعل عليكي وقاسي ." ربنايرحمك ويسامحك" .هو أيه اللي حصل لنا بقت تهون علينا نفسنا ليه كده....! ليه الموت بقي هو حلنا الوحيد والأمثل....! كده حرااااااااااام بجدحراااااااااااام...أيه يعني بنت عندها أربعين ولاتلاتين ومتجوزتش ليه الناس مش بترحم حد دا كل شيء نصيب الميلاد والجواز والرزق والموت مقدرليناااااااااااا ياجماعة مش أحنا اللي بنختار ...."بوست أستثنائي" هتخليني أفكر كتيييييييييييييييير أوووووووووووي.

هناك 30 تعليقًا:

افروديت يقول...

ربنا يرحمك أنت وكل اللي بيزهق من حياته وتبقي أسهل حاجة أنه يضحي بيها.

محمود(باحث عن حب) يقول...

عمره ما كان الزواج هو الحل ولا عدم الزواج هو الحل
ولا حتى
الاضطراب عن الزواج هو الحل
انا بجد هموت واتجوز بس اتجوز صح البنت الصح فى الوقت الصح
لما اكون صح
ومدخلش بيت وانا عارف انى
هطرد
بس البنيه دى الانتحار زى ما قولتى مش الحل
ده جحيم ابدى
ربنا يرحمها
يارب يكرمنا
بالزوجه الصالحه التى هى الامل

ali younes يقول...

انت لية بتعلق معانا علي موضوعاتك ولا عاوزة تكوني اول واحدة ماشي ماهى مدونتك بقة...
بسى الموضوع دة بجد محزن جدا ..
واللي ايدة في الماية مش زي اللي ايدة في النار ..
ايوة كلامك صح مش كل حاجة ولا كل راحة بال ولا حياة هادئة في الزواج ..
بس بجد فعلا شعور اي بنت اتأخرت في الزواج بجد شعور قاسي ..
بالاخص لما تشوف وحدة متجوزة وسعيدة وعندها اطفال بيكون نفسها في الاطفال قوى وهتموت ان يكون لها عيل .
كمان زي ما أنت قلاي المجتمع ونظرتة قلسية جدا هي بتزود الهم لديهم ..
عشان كدة لازم نشجع الزاوج الثاني بما يرضي الله وبالعدل وانا أول متطوع للمهمة دى...
انا هاضحي بنفسي من اجل اسعاد الاخرين ..
يسلم قلمك الجميل ..
م / علي يونس

تركي الغامدي يقول...

قطعاً ليس مبرراً لها أن تلجأ إلى إزهاق روحها مع أنها كانت في وضع مهني تُحسد عليه وقد ينتحر غيرها لعدم العمل والله المستعان ، والحل في رأيي المتواضع يتطلب تدخل الجهات الرسمية ومؤسسات المجتمع المختلفة في أن يكون هناك إرشاد ديني وتوعية نفسيه وبذل الأسباب التي تساعد أمثالها وغيرها ممن لايعملون أو يعانون من أمراض مختلفة أو ضيق ذات اليد لكي لايقعوا فيما وقعت فيه ، غفر الله لها فقد أزهقت روحاً بغير حق .

لورنس العرب يقول...

دي مأساه ومشكلة بلد بالكامل
كثير من البنات تعدين الثلاثين والشباب كمان
مفيش فلوس ولا استقرار في العمل
واللي معه فلوس معرض لترك العمل في أي لحظه

منه لله اللي كان السبب

حسن ارابيسك يقول...

امريكا
ديمقراطية
لا والنبي ياعبدو
ولاد الدايرة
الحقيقة مجموعة تدوينات لم يفتني أن أقرأها جميعاً وهي في الحقيقة بمثابة مقالات ورسائل قوية جداً
كما اعجبني انقاءك للوحات المصاحبة لها

اماالتدوينة التي نحن بصددها
انا اتفق بلا شك معك حول النقاط التي طرحتيها حول مسالة تأخر سن الزواج وانه ليست كل من تزوجت سعيدة
صحيح كثيرات منهن استقرت وحياتها تمشي بشكل طبيعي ومنهن أيضا من تحول حياتها لجحيم بسبب زيجة فاشلة ورجل غير مناسب وتمنت لو لم تتزوج..الخ
ولكنها الطبيعة الانسانية في النوع من حيث الارتباط وصحيح لو علم الانسان الغيب لاختار الواقع
تحياتي
حسن أرابيسك

مدونه ما كفايه بقى يقول...

أعلق اقول ايه بس

ربنا يغفرلها ويرحمها

يا عالم ممكن بجد ربنا يسامحها\هو قادر على كل شىء

دعواتكم لها يا جماعه

Sharm يقول...

ايه دهه؟

ستات بتنتحر عشان مش عارفة تتجوز
رجالة بتنتحر عشان مش عارفين يتجوزوا


هو لازم النيش و البوفيه و الطقم التيفال و سفرة 8 كراسي وووووووووووووووووو

فوقوا بقى .. احنا في 2010 يا بشرررررررررررررر

قلــ"بـــلال"ــــــب فارس يقول...

مش عارف اقول ايه
بس
ربنا يرحمها

mrmr يقول...

عارفه يا افروديت
احساس قاسى جدا على الانسانه اللى فاتها قطر الزواج وخصوصا لما تشوف اختها الاصغر منها متزوجه وسعيده وعندها اولاد وبنات وهى زى البيت الوقف مش لاقيه حد يواسيها ولا يقولها كلمه حلوه ولا يطبطب عليها وخصوصا اننا عايشين فى مجتمع قاسى مش بيرحم وكلام الناس كتير
واللى يقول هى متجوزتش ليه لغايه دلوقتى اكيد فيها عيب وهلما جرى
وده بيخلى نفسيتها محطمه ويصيبه بالاكتئاب لدرجه الانتحار
والانتحار بقيه ظاهره منتشره فى ارجاء الارض كلها مش فى مصر بس وانا بشجع م / على يونس على الزواج الثانى والثالث والرابع علشان نخف من نسبه العنوسه مادام الشريعه الاسلاميه بتوصى بكده .
اتمنى اننا يكون لينا الوعى الدينى علشان نعرف اننا بنغضب ربنا لما بننهى حياتنا بايدنا
ويكون لينا الثقه فى ربنا انه بيختار لينا الصالح
شكرا ليكى يا قمر
ربنا معاكى ويحافظ عليكى

Alaa Salim - علاء سالم يقول...

الله يرحمها ويرحمنا كلنا
ويرزق الجميع بالأزواج الصالحين
للأسف المشاكل والضغوط بقت كتير وأكتر من تحمل الناس

ali younes يقول...

الحمد للة لقيت مشجع وعلي قدر من العقل والحكمة ... يشجع تعدد الزواج ودة حكم شرعي واكيد له حكمتة وعظمتة ونحن لم نصل الي مميزاتة لاننا معمول لنا غسيل مخ من الحكومة ..

كلام على بلاطة يقول...

لااصدق انسانة مثقفة تفعل هذا
ولكنه المجتمع
=======
المنحرفون افقدونا الثقة
المنحرفون افقدونا الثقة فيهم بما اساءوا الى وقار وظايفهم/

فالوقار يكتسب بجلال الاعمال والحياد الايجابى لا بطوايفهم/

فملوك الطوايف ضيعوا الماضى ولكن لا احد يعى ولااحد يفهم/

وتطييف البشر لمراكزهم عنصرية وكل عنصرى فى الشر يسهم/

ولا يوجد عندنا من يسيطر بالحق وبالعدل يبت فى الامور ويحسم/

وكل هذا مدبر ومشفر بواسطة ناس مش ناس ليفرق الناس ويقسم/

وهذا ما نراه فى كل نواحى الحياة من ظلم واضح و يبين ويجسم/

فهل نرى صحوة تعيد الامل فى مستقبل مشرق يكتب العدالة ويرسم

افروديت يقول...

محمودباحث عن حب/كلامك صح يامحمود وأكيد ربناهيكرمك بالأنسانة الصالحة بس كل شيء هيكون في الوقت الي يحدده ربناسبحانه وتعالي ولماتكون جاهزللخطوة دي..ربنايوفقك.تحياتي ليك.

افروديت يقول...

Ali younes/ لاطبعآدي مدونة كل الناس قبل ماتكون مدونتي وشرف ليه أن في ناس محترمين بجدبيدخلوها..أنامعاك في كل كلامك وعارفه كمان أنك مش بتأيد الأنتحاركوسيلة خاطئة للهروب من المشاكل..وأنابأيد الجواز التاني لأنه دا شرع ربناوحلال بس خليني أقولك يابشمهندس أنت كراجل بتأيده وكتير غيرك أن لم يكن كل الرجالة مؤيدين للجواز التاني لحد الرابع بس ياتري كام زوجة بتأيده مفتكرش أن النسبه هتكون كبيرة أبدآ...أناللأسف لماأتجوز ممكن مقبلش الفكرة دي وأحسها نوع من أهدار كرامة الزوجة ..ولكن كلامي مقتصرعلي بعض الحالات فقط فهناك الكثيرون يعدلون والأكثر يظلمون ... خالص تحياتي ليك .ع فكرة مش هنجيب للمدام سيرة عن أعترافاتك الخطيره يابشمهندس..نورت

افروديت يقول...

تركي الغامدي /بالفعل كلامك صحيح ولكن ماتقوله من حلول للمساعدة فهوصعب للغاية أن كان المجتمع والدولة لايهتمان بوجود الأنسان من عدمه فهل سيهتمون بمشاكله وهمومه ..ليتهامافعلت ذلك بنفسهافأناأفضل أنهاتفعله من أجل العمل عن ما تقدم عليه بسبب عدم الزواج. تحياتي ليك.

افروديت يقول...

لورنس العرب /عايزين جهة لأدارة الكوارث نسب المنتحرين تتزايدالأن بشكل غريب وأظنهاكارثة كبيرة..علي فين ياحكومة هتودينااااااااااا..تحياتي ليك.

افروديت يقول...

حسن أرابيسك /شاعرالناي وعازفه..طبعآيسعدني قراءتك لتدويناتي فهاكرم كبيرمنك علي..وأناأيضآ أصدق علي كلامك ومادامت هي طبيعة أنسانية بداخلنافلاأظن أنهامهماكانت تدفعناعلي ماأقدمت عليه..خالص تحياتي ليك.

افروديت يقول...

كفاية بقي / ميرسي ع وجودك أختي كفاية ..وياعالم نتمني طبعآربنايغفرلهاولكل المسلمين والمؤمنين أحياءآ وأمواتآ..أسعدني تواجدك.

افروديت يقول...

sharm/ طبعآ عارفة أن كلامك في العموم المطلق فعلآ في أهالي كتير بيزايدوا في طلباتهم جدآ وبترسي علي أن البنت تعد من غير جواز ..بس مفتكرش يا شارم أن المغفور لهادي كانت دي مشكلتها..مشكلتها أنهالم توفق ولم يتقدم أحد لها..ربنايرحمها.نورت ياشارم

افروديت يقول...

قلب بلال فارس/بشكرك ع تواجدك ودعائك لها"ربنايرحمنا جميعآ برحمته الواسعه"

افروديت يقول...

mrmr/ أحلي مرمر كلامك صح وأتفق معك ومع أ/ علي يونس ولكن هل تظني أن كل زوجة أو بعضهن ستوافق علي ماقلناه ..لاأظن ..فالزوجة تعتبر الزوج ملك وحكرلها وتفضل خيانته لهاعلي أن يتزوج بأخري..أمابالنسبة لموضوع الأخت أو البنت عامة عندماتشعربالحزن أو الغيرة لزواج الأخرين فالعادي أنهاتشعربهذا لأنها أنسانه ومن حقها ده لكن لازم زي مابنؤمن بربنا لازم نؤمن أن كل حد بياخدنصيبه اللي ربنا كتبه ليه وبس مش أكتر ولا أقل الأيمان والثوابت لا تتجزأ..والله يامرمر أنا بشوف ناس بيندموا ع اليوم اللي أتجوزوا فيه وبيلعنوه ..أحسن حاجة يكون الناس عندها وعي وتصبر وربنايكرمهم باللي بيتمنوه ..تحياتي ليكي يامرمرونورتي في مكانك بجد.

افروديت يقول...

Alaa salim / ربنايقبل منك ياعلاء ويرحمنا برحمته..الدنيا بقت صعبة أوي بجدأحنا جيل حظه سيء.نورت ياعلاء ليه بتغيب علينا كده.

افروديت يقول...

Ali younes/ طبعآمرمر بتشجع وانا كمان لأن ده مذكور في القرأن..بس متهيألي يابشمهندي علي أن الموضوع ده الحكومة مالهاش يد فيه ..الزوجات هم من يرفضون ..تحياتي ليك

افروديت يقول...

كلام علي بلاطة /حضرة الناظر نورت المدونة ولو أنك مش بتسأل إ لا كل فين وفييييييين ..لن اجدبعد كلماتك كلمات لاقولهافقد ذكرت الأسباب التي تجبر البعض علي التضحية بحياته ..ربنايرحمها..أسعدني تواجدك

فكرة من الزمن ده يقول...

افرو
ربنا يرحما ويسامحها
مش عارفة ازاي انسانتهون عليه نفسه كده
مش معقول
يمكن بيكون الالم النفسي شديد لدرجة لايتحملها فبيكون الحل اللجوء للالم الجسدي يمكن يخفف من المه النفسي
ويمكن في الحالة دي يكون ربنا رحيم انه مايحاسبش شخص مريض نفسيا
ربنا يرحمها واكيد هي لو كانت سمعت كلامك واقتنعت بيه
اكيد الناس مش هتسيبها في حالها
وخصوصا اهلها لما يضغطو عليها توافق على كل واحد عشان كتر الرفض وحش في حقها وكان ذنبها انها بيتقدم لها ناس للجواز وهي مش لاقياهم ناسبين او ممكن تحب حد فيهم
تحياتي

افروديت يقول...

فكرة/ طبعآكلنابنتمني ربنايرحمهاوأن شاء الله ربنايقبل..أكيد إللي دفعهالكده أنها وصلت لمرحلةشديدة من الضيق والملل والتعب وإلا مفتكرش أنهاكانت تضحي نفسها بالطريقه دي لاي سبب مهما كان..نورتيني يافكرة وأسعدتيني.

Amr Essam يقول...

أسلتي دمعى يا صديقتي .. لن أخجل أن أعترف بذلك .. ولن أستطيع أن أعلق على الموضوع إلا بجملة واحده ..(الله يرحمها).

افروديت يقول...

AMR ESSAM/ ربنايقبل منناياعمرو وبتمني لك ليهامن قلبي بجد لأنهابالنسبة لي ماتت مئات المراتقبل انتحارهاوبعده"يارب أغفرلهامافعلته بنفسهاجبرآ".

وتمضى الايام يقول...

الله يرحمها فعلا بس يعنى تعيش عانس ولاتموت وهى مخالفة شرع الله ومنتحرة ياريتها لاحظت كم الستات اللى عايشين مع ازواجهم بس عشان الاسم متجوزين مازالت ثقافةالزواجوالطلاق ببلدنا محتاجة اعادة صياغةفالعانس ياعينى والمطلقة نبعد عنها والارملةشرحه لامتى هنبص للناس بنظرة سطحية تقبلى تحياتى واسفى على الاطالة