الأحد، 21 نوفمبر 2010

اشطه عليكي يابلد

                                                                "خالد سعيد ..قتيل الطواريء"



"أحمد رجب قتيل بلطجة ظابط"
 
             اشطه عليكي يابلد                من أمتي فيكي الظلم أتولد 
          دا الظلم مش أتولد وبس           دا كبر ورعرع وبقي مرض
           أنطق ياخالد ياسعيد                     أنطق وقول ياشهيد 
             مين خلاك قتيل                        بقينا في زمن العبيد 
          الجلاد بيقول مش أنا                     وأيديه غرقانه .. دم 
        وادي غيرك قتلوه وأترمي               وفين حقكوا بلا ..هم 
           ياناس يابشر ياخلق                     ردوا عليه فهموني 
        في شرع مين يتقتل قتيل                 ونعيش في ذل فهموني 
        الله يخرب بيت السكات                    اللي ودانا في داهية 
      خلاص يابلدي ضميرك مات             قطعتي ولادك من سكات 
       عارفة يابلدي مبقتش بحبك                 وبقيت بكره طغيانك 
         بكره الجلاد والحاشيه                     وحواريكي وأركانك   
         من كتر أسوتك عليه                   خساره أموت لحظه عشانك  

                                  

هناك 16 تعليقًا:

Tears يقول...

الظلم يدمى القلوب

بس ارجع واقول الشعب ساكت و خانع و بيفرعن الفرعون و الله لا يغير ما بقوم حتى يغيروا ما بانفسهم

سواح في ملك الله- يقول...

حسبنا الله ونعم الوكيل تحيتي لكي

قلــ"بـــلال"ــــــب فارس يقول...

بقينا في زمن العبيد
الجلاد بيقول مش أنا وأيديه غرقانه .. دم

محمد الجرايحى يقول...

دولة الظلم ساعة...
ولابد لكل ليل مهما طال من نهار

محمود(باحث عن حب) يقول...

بدون تعليق
واللهتعبت من الكلام
يا
افروديت

محمد التركى يقول...

السلامو عليكم

ابسطى ياستى انا كمان جاى اقولك انا اسف على التأخير
ههههههههه

معلش غصب عنى والله شغلى صعب وكله سفر بغيب كتير بس غصب عنى

المهم كلامك جميل والظلم والزول ده احنا السبب فيه
لاننا شعب غلبان مخلوب على امره
لقمت العيش هى سبيلنا الاول والاخير
ربنا يارب يرحم كل شهيد الظلم
ويرفع الظلم عن الاحياء قبل ما الدور يجيى عليهم

تسلمى اختى العزيزه ويسلم قلمك وشجعتك واحساسك

تحياتى لقلبك الجميل

محمـــد التركـــى

خواطري مع الحياة يقول...

السلام عليكم
انا اول مرة ادخل المدونة بتاعتك
بجد مواضيعك عجباني جدا
ربنا يرحمهم ويسكنهم فسيح جناته واكيد هياخذ لهم حقهم
يمهل ولا يهمل
اصل نحن عايشين بغابه القوي يقتل الضعيف وعارف انه مفيش حد هياخذ له حقة لكن مااعمل حساب ان ربنا هياخذ للناس حقهم
استغفر الله
(لاتقنطوا من رحمة الله)
تقبلي مروري
سلامي ليكي.

Casper يقول...

لابد للظلام من نهاية
ولابد الليل من رحيل

وحتما ستعم شمس الأمان إن شاء الله

=======

كلمات جميلة رغم الحزن والاسى الطاغيين عليها

تقبلي مروري
Casper

mrmr يقول...

لازم يجى اليوم اللى الظلم ح ينتهى
واحنا عايشين على هذا الرجاء
فغدا باذن الله سوف يكون افضل

افروديت يقول...

ميرسي جدآ علي مروركم وتعليقاتكم

ولأني عندي برد مش هقدر أردعلي كل حد علي حدا أرجو أن تقبلوا عذري

tears /عندك حق طبعآ

سواح / شكرآليك

قلب بلال/ شكرآ ليك

محمد الجرايحي/ مفتكرش مفيش عدل ع الأرض

محمود "باحث عن حب" / في مليووون تعليق بس بلغة الغضب والرفض


محمد التركي/ولا يهمك حمدآلله ع رجوعك

ميرسي علي ذوقك وخلاص مفيش حقوق لحد


خواطري مع الحياة/ أهلآ بيك... وفعلآ يمهل ولايهمل نورت وأسعدني مرورك


casper/ ميرسي علي ذوقك بس أنت متفائل أوي يا أسامة والله مفتكرش بس أتمني من ربنا أن الحق يجي تحياتي ليك


mrmr/ أتمني يامرمر والله ... بس اللي أناشيفاه أن عدد القتلي هو اللي بيزيد ومفيش ردع ولا حق راجع ميرسي ياقمر علي مرورك

مدونه ما كفايه بقى يقول...

حسبنا الله ونعم الوكيل

الشعب ساكت يا افروديت

امتى هنخلع توب السلبيه بقى ونبقى ايجابيين

سؤال: هى السليبه صفه من صفات الشعب المصرى من قديم الازل؟

انا بدأت اقتنع بكده

Casper يقول...

المحيطين بيا دايما عارفين ان شحنة تشاؤم ^_^

لكن بجد لما ببص للحياة بنظرة تفاؤل بلاقيها بتتحسن بعكس لو ببص لها من الناحية التانية هلاقيها دايما ماشية غلط

تقبلي مروري ثانية

فاروق بن النيل يقول...

الله عليكى وعلى القساوة اللى بدأت تدخل قلبك وكأن الظلم حولك لإنسانة تانية عندك حق ليه نموت عشانك يابلد وإنتى بتظلمى فينا قصدك ليه نموت فيكى يابلد وحكامك وزمانك اللى عايشينه بيظلم فينا
حانستنى شوية لما الظلم ينزاح بعدين نعود بنى آدمين زى ماجينا
موش قصدك كده برضه ياغاليه علينا
ولاقصدك نحرق الطلم والقسوةوأهالينا

افروديت يقول...

ما كفايه بقي / كلامك صح وسؤالك في محله...
أحب أقولك أن السنين دي السلبية في ابهي صورهاوأزهي عصورها في ظل حكم الحاكم بأمره الناس زمان مش كانواسلبيين كده بدليل ثورة 19 وحرب أتوبر كان في ناس دمهاحامي وقلبهاجامد بس الحكومة عرفت تضحك ع الناس بالسكر اللي غالي والطماطم المجنونة خلت الناس تفكر في لقمة عيشها وبس

نورتي ياقمر وشرفتي واناعارفه أنك فاهمه

افروديت يقول...

casper/ عندك حق التشاؤم في حدذاته بيأدي للأكتئاب وأحناشعب طفح أكتئاب

بس تفتكر أننالوأتفاءلناهيحصل أيه عارف التفاؤل هيفدنافي حاجة واحدة أننا مش نموت مي القهر أما أنت عارف ياأسامة ان معظم الشعب عنده سكر وضغط وفقردموأمراض جديدة جاري الأستعلام عنها

خنقتك مش كده

بس هقولك ايه عشان انت مصري لازم تعاني

تنور وتقول رأيك في اي وقت

افروديت يقول...

فاروق بن النيل/ نورت وشرفت واناعارفه انك بتقرا كلامي وبتفهمه وتحسه كويس لأنك شاعر

بس أنا اصدي نحرق الظلم بصناعه يعني باللي عملوه وخلوه يعلم فيناوفي قلوينالحدما أسودت من الكره

أيه رأيك؟