الثلاثاء، 7 ديسمبر 2010

اسرائيل .... هي أمي !!!

                                      "اسرائيل الحلم "  
       " براءة ورجولة وشجاعة وطفولة لم أراها في عين أحد قط سو افي عيناكم .. حقآ بكم سننتصربأذن الله "                   
    أسمع بين الحين والأخر ضبط عدد من المتسللين لأسرائيل ويأخذني هذا
       الخبر الي أفكار عدة لماذا يفعل هؤلاء هذه الفعله ........ ؟
       لماذايهرعون الي أسرائيل هربآليلقوا بأنفسهم في أحضانها ......؟
       لماذا يهون علي الأنسان نفسه وكرامته الي هذا الحد ........؟
   ولكنني حقآ صدمت حينما علمت بأن معظم من يعيشون هناك غيرنادمون بل  
   ويفتخرون وتساءلت حقآ ما الذي يجعل هؤلاء يحبون قتله الأطفال والنساء والعزل
  ما الذي يجعلهم يتكلمون بنفس اللكنه الصهيونيه ... ماالذي يجعلهم يعتبرون اسرائيل وطنهم الأول وملجأهم ويدافعون عنها جملة وتفصيلآ 

                           
             هذه الفتاه التي كل عمرها 16عام تدافع عن أسرائيل, وأبوها يدافع
                          باستماته عن المايوه  .....  " لا تعليق مني " 
                                  سوي أنها بجاااااااااااااااحه بجد         
                                       
                                                                  
   وهذا المنحط لا تعليق مني علي حديثه سوي أنه تجرع الصهيونيه حتي أصبح يتكلم
                       بها وبلكنه الصهاينه أمثاله ويتكلم عن أسرائيل كأنهاأمه 

                

                       هل هناك شباب مصري يخدم في أسرائيل ؟

         فقد نشرت منذ أيام أنباء عن وجود 13% من حجم العمالة المصرية العاملة
       في أسرائيل ألتحقوا للعمل في وظائف مدنية ملحقة بالجيش الأسرائيلي الأمر
      الذي يطرح سؤالآ مهمآ ...........
                       لمن يكون ولاء هؤلاء في وقت الحرب اذا دارت ؟  
                               هل لبلدهم مصر أم أسرائيل           
                                            
            
               وأخيرآ أحب أن أقول رأيي علي مثل هؤلاء فهم حقآ ليسوا بشر  
           ولن أتكلم عن الأنتماء ولا حب الوطن ولا سأغني لكم مصر هي امي  
        ولكن يكفي أن أقول أن من ماتوا ومن يموتوا ومن سيموتوا هناك أبرياء ولم 
         يقترفوا أي ذنب فابا لله عليكم لاتقنعوني بالتطبيع ولا تبرروا لهم خيانه            
           اللهم دمر أسرائيل وأضرم فيهم النار من كل جانب نار لاتطفأ أبدآ 
                 لا بأمكانيات الصهاينه ولا بمساعدات سي حسني وغيره                                              

          

هناك 28 تعليقًا:

هبة فاروق يقول...

بجد حاجة تحزن وتخلينا نبكى على ولادنا
المصرين الشباب اللى من المفروض انهم يضحو باخر قطرة من دمائهم فى سبيل مصر
لكن بيضحو بكل شىء ويبيعو بلدهم ويسافرو لاسرائيل من اجل المادة
نسيو بلادهم وارضهم واهلهم
الله يسامحهم
مشكورة افروديت موضيعك ذات قيمة
سعيدة بمعرفتك ومتبعاكى واتمنى متابعتك لى وشكرا

محمود(باحث عن حب) يقول...

السلام عليكم
والله صدمتينى
وفعلاا
مش لاقى كلام اقوله
غسيل مخ تمام
فعلا
فعلا
ليه هما بيحابونا
عاوزين ايه مننا
مصر مطمع من الكل ليه
والناس كرهاها ليه
مع شعبها الفقير العريان
الجعان
عاوزين ايه منها
احنا ناقصين تعب قلب
صحيح
بلد مفهاش رجاله
دخلوة وادبحوا بعد كده
يولع
تولع
نولع
محدش حاسس ولا شايف
لا ارى لااسمع لااتكلم

Amr يقول...

اليأس يعمل أكثر من كده

أيه اللي يخلي الشباب يرمي نفسه في البحر و يركب مركب صغير معرض نفسه للموت علشان أمل الهجرة لأوروبا وهو عارف أنه داخل من غير تأشيرة و ممكن يتقبض عليه في أي لحظة ، و كمان بيبيع اللي وراه و اللي قدامه علشان يعمل كده ... يبقى مش غريبة عليه أنه يهاجر لإسرائيل أو لأي مكان في العالم

مدونه ما كفايه بقى يقول...

موضوعك جه فى آوانه والله

كلامهم مستفز جدا

ربنا يهديهم هما وكل اللى زيهم

مقدرش أقول غير كده

سمعتى عن المسلمين اللى تحولوا للداسانه اليهوديه مقابل العمل فى إسرائيل ولما سألوهم ازاى تعملوا كده قالوا الاسلام فى القلب؟

شيرين سامي يقول...

للأسف اللي بيعمل كده أكيد مش بشر و مالهومش أي عذر ده لو بيشحت في بلده يبقى أحسن
تحياتي ليكي

Tears يقول...

ايه رماك على المر؟

karmen يقول...

عذرا , فقد ضاع زمن الوفاء والانتماء
بوست رائع تسلم ايدك
تقبلي مروري

محمد الجرايحى يقول...

اسرائيل .. وهم جعلناه بعجزنا واقعاً نخشاه ونرهبه.

سواح في ملك الله- يقول...

افروديت
بسم الله الرحمن الرحيم
((لتجدن أشد الناس عداوة للذين آمنوا اليهود والذين أشركوا...))صدق الله العظيم

افروديت يقول...

هبة فاروق / أهلآ بيكي

شوفي في مصريين كتيرعندهم نخوة ورجوله وشفت أفقر فقير بيكره وبيلعن أسرائيل

بس في ناس مكبره دماغهاوبتقول يالا نفسي وهمادول اللي أقصدهم

أناأسعد بيكي ياهبه ورأيك تمام فعلآ
أسعدني مرورك وكلامك سلميلي ع القمر

افروديت يقول...

محمود باحث عن حب / أهلا بيك

مقدره أنفعالك اللي عكسه تعليقك

ودي حاجه مش تصدم دي حاجة بقت عادية جدآ وزي مافي ناس بيفتخروابالتطبيع في ناس برضه بيفتخروا بعيشتهم هناك والجنسية الأسرائيلية

تحياتي ليك يامحمود ميرسي علي مرورك ورأيك

افروديت يقول...

amr/ اليأس يخلينا نروح اسرائيل مفتكرش بجد

تعرف ياعمرو بالرغم من اني لحددلوقتي مش مع الشباب اللي بيركوا القوارب دي ويهربوا فيهالأيطالياولغيرها بس عندي كده أرحم بكتير

أسرائيل غيرأي مكان في العالم وأنت عارف كده كويس

ميرسي علي رأيك ومرورك

افروديت يقول...

مدونة ماكفايه بقي /

اه سمعت عنهم وعن جماعات التكفيروالهجرة وعن المسلمين اللي بيتحولوالديانات تانيه عشان الفلوس

مرتدين والله أعلم بهم

تحياتي ليكي وميرسي علي مرورك ورأيك

افروديت يقول...

شيرين سامي / أهلآ بيكي

عندك حق وياما شحاتين هناولوعرضتي علي حدمنهم يروح اسرائيل كأنك أهنتيه وسبتيه دي ناس عندها دم وكرامة مش ناس رافعه شعار مصلحتي أولآ

ميرسي علي مرورك ورأيك

افروديت يقول...

tears/ تيجي نعكسها.. أناشايفه أن هناالمر وهناك اللي أمر منه

وأنتي متأكدة ان عيشه المصريين دول وغيرهم في أسرائيل ليهاعواقب وخيمة حتي أن لم تظهر الي الأن

ميرسي علي مرورك ورأيك مهم تيرز

افروديت يقول...

karmen/ اهلآبيكي

صدقتي .....

ولكن هؤلاء لايعرفوامامعني الوفاء والأنتماء أصلآ

وكل مايعرفونه كيف أحصل أكبر كم من الأموال

لكي يأتي هنابعدذلك ويبكي علي حبه لوطنه

ميرسي علي مرورك ورأيك

افروديت يقول...

محمدالجرايحي / أهلآ بك

هذارأيك ولكني أري أن اسرائيل ليست وهم أسرائيل حقيقة وموجودة وأرجوأن لاتعتبررأيي هذا كاعتراف مني بأنهادولة ولكنه أعتراف مني بأنهامغتصبة لأراضينانحن

أسرائيل أستطاعت أن تأخذمناأراضيناوأولادناولاأعلم ماستقدر علي فعله في الأيام المقبله حقآ لعنهاالله

تحياتي لك ورأيك يحترم

افروديت يقول...

سواح في ملك الله /

ميرسي ياسواح علي رأيك ومرورك
وأريدك أن تعلم فقط أن لكل واحد دينه والهه الذي يعبده "لكم دينكم ولي دين" صدق الله العظيم

ربناالواحدوالذي لاأله غيره لم يأمرنابأن نجبرأحد علي أعتناق الأسلام وأمرناحتي يكتمل أيماننا أن نعترف بالأديان السماوية الثلاث
ولكن لم يأمرناأبدآبالتطبيع معهم وأقول لك نحن نكرههم بالفطرة حتي لوتركوافلسطين

تحياتي لك

أنا حرة يقول...

أفروديت
أنا دخلت أقولك كل عام وأنت بخير (يارب نكون بخير فعلا) بمناسبة العام الهجرى الجديد
وطبعا مررت على البوست
تفسيرى الوحيد زى ماقلت للك قبل كده ..معطم الناس تهمها الحياة الكريمة يعنى تأكل كويس وتلبس كويس وتعيش كويس وده حق لكل البشر ..فإذا فقد الناس كل ده ومعاهم كمان الكراة والآدمية ..لا يمكن يكون فيه إنتماء ,, الحقيقة نظامنا أستاذ فى الممارسات التى تضيع الإنتماء
طبعا أنا لا ألتمس الأعذار ولكن أتكلم بواقعية ..أما من يموتون على مبادءهم مهما حدث فهم قلييييييييييييييييل جدا سلامى

عباس ابن فرناس يقول...

الواحد مش عارف يضحك ولا يبكى
وخصوصاً البنت اللى قالت انها رايحة علشان توصل رسالة ههههه

لاحول ولا قو الا بالله

Sharm يقول...

مين السبب ؟؟

دايما في ناس نفوسها ضعيفة ..

في الحرب كان اللي يرجع مننا يضربوه بالنار فالباقي يقول اموت شهيد ولا اموت خاين ..

يعني القائد كان السبب اكثر من الجندي ..

ايه اللي يخلي شاب يسافر و محدش يعبره الا اذا كان الموضوع بقى عادي

محمد التركى يقول...

السلامو عليكم

لالا مصر هى الى امى وابويه وكل حياتى
يلعن ابو اسرائيل على اللى يتشددلها
ده هو اللى حقير والله العظيم

فكرنى بفيلم اولاد العم
لما شريف منير بيقول لمنى زكى احنا بلد مفهاش محسوبيه بلد الحريه
ههههه

والله العظيم شغل أفلام تلقيه الكلب ده وزقوق من الكلاب الصهاينه
ربنا يرحما بقى من الاشكال دى

تحياتى

محمــد التركــى

افروديت يقول...

أناحرة / ميرسي ياحبيبتي من ذوقك "كل سنه وانتي طيبة وبخير"

عندك حق وأناعارفه أنك مش بتبرري ليهم بس أسرائيل غيرأي مكان في العالم

وده هيفضل رأيي علي طول

تحياتي لكي وميرسي علي مرورك ورأيك

افروديت يقول...

عباس أبن فرناس / أهلآ بيك

رساله مهمة جدآلأسرائيل بالمايوه وخالية من الأثارة والأفعال الفاضحة

ميرسي علي رأيك ياعباس شرفت ونورت

افروديت يقول...

sharm/

فعلآ ياشارم بس مش معني أن القائد يقبل بالهزيمة يبقي نمشي وراه

شوف بلدنا بتطبع ومن زمان بس هل معني كده أن كلنابنطبع ؟

مفتكرش ياشارم

ميرسي علي رأيك ومرورك

افروديت يقول...

محمد التركي/ أصدي المصري الجدع أوي أوي ... مصرأحنابنحبها جدآآآ

بس هي أسيه أوي علي ناسها ودااللي بيخلي الناس ترمي نفسهافي أحضان اسرائيل الملعونه

وفعلآ باين عليه صهيوني مأصل

ميرسي علي رأيك ومرورك

فاروق بن النيل يقول...

أفروديت ......
ليه بتستغربى ؟
هوه مافيش فى مصر خونة لينا من الحكومة وبيعملوا فينا وفى ولادنا بالسجون أكتر من كده وبرضه موش فيه ناس بتصنع وتبيع مسكرات وفيه بانجو وأفيون وحشيش وماريجوانا وماكس ..إلخ
الشاب اللى عنده إستعداد يخلى أخته أومراته تمشى بالشاطئ بالبكينى يعمل أى حاجة لأنه ماعندوش دين ولاكرامة ولانخوة هوه ده نتاج الحزب الفاشى الفاجر

افروديت يقول...

فاروق بن النيل / أهلابيك

مش مستغربه بس قرفانه وزعلانه بجد


أنامعاك في كل كلامك بس حتي الكلام ده مش سبب للخيانه بالنسبه لي

ميرسي علي رأيك ومرورك