الجمعة، 14 يناير، 2011

تصريح مواطن ميت

                           


           صرح مواطن مجهول                       في أحدالعشش بالقبور
              بأنه قداخذ حقه                        من الفقروالجوع والخضوع
            وبدأيحكي الحكايه                           لناس مجهولين زيه
         كان بيحكي عن ضحايا                       هومنهم وملايين زيه
         أل في يوم تعب شويه                           خدوه ولاد الحلال
          ودوه علي مستشفي                           وسابوه في الاستقبال
         وبعدشويه جاله دكتور                          مالك ياعم المجهول
       تعبان..يابني ومش قادر                       وحاسس أن قلبي مابيدور
         وطلع كده سماعه                              وعراني أدام الجماعه 
      وقلب فيه شمال ولمين                         وقاللي عندك زايده يامسكين
      طيب يابني ماتعملهالي                               ينوبك فيه ثواب
     دنافي رقبتي كوم عيال                             وحاجات والله ماتنقال
       طيب استني شويه                            هو أنامش هخلص في الليله ديه
      وآخرتهايعني باخدايه                                ياألف حسره ع المهيه
  معلش يابني عشان خاطري                              يعني هي جت عليه
       وهنا جت الحكيمه                                  قالت لي/ياعم بقولك ايه
       روح وردللخزينه                                     حوالي 250  جنيه
   صرخت وقولت ليه ياست                                 ايه..بتقولي ايه
     دناعايش في الأرافه                                  ومش لاقي حتي الجنيه
   ودي مستشفي "حكومه"                            مش دي حكومه برضه ولا أيه
    بقولك متضيعش وقتي                                  في ناس غيرك تعبانه
  ودي مبئتش "حكومه"                                باعوها وبئت استثماري كمان
   وخد الراجل الكلمتين                                    في جنابه ياعيني  وأاام..!
      الكلام اللي سمعه                                        وجع جنابه أكتركمان
 ودموعه نازله علي خده                                بيصرخ يابلدي عليكي السلام
 مبأش فيكي مكان للفقرا                                         سواء سليم أوعيان     

دا أول بوست نشرته تقريبآمن حوالي 10شهورو جاني عليه7 كومنتس مش كان لسه في أي وجودلمدونتي ولاحديعرفهاأصلآ
قررت أنشره تاني بعد قراروزيرالصحة بتحويل المستشفيات الحكومية الي خاصة وتحميل المواطن جميع نفقات العلاج حتي الهوا
اللي هيتنفسه داخل المستشفي هيدفع تمنه يعني هيدفع تمنه .

هناك 31 تعليقًا:

افروديت يقول...

تحية لصاعق الخنازيرالأول في مصر
تحية لوزارة السكروالضغط والذي منه

علي فكرة من يومين كنافي الشارع لحدالصبح بنلف مصركلهاعلي حضانه فاضيةلطفل عنده 3 أيام مات عشان مستشفيات الحكومة رفضت تستقبله
تحيةلجزارين مصر

مصطفى سيف يقول...

حاتم الجبلي كل همه ازاي يحقق اكبر ربح لمستشفاه الخاصة دار الفؤاد زي اي وزير ورجل اعمال في نفس الوقت
لا يهمه مصلحة الناس ولا الشعب
المستشفيات الحكومية بتعاني من الاهمال علي مدار السنين وده بدل ما يقضي علي الاهمال بيحولها لخاصة حسبي الله ونعم الوكيل
هي الناس لاقية تاكل؟
بس علي فكرة انتي عرضتي قضية الاهمال والاستغلال بصورة جميلة وخفيفة
اسلوبك حلو اوي
تحياتي

هبة فاروق يقول...

ابدعتى يا افروديت فى تصوير حالة المواطن الفقير ومدى عجزة فى تحقيق طلب من المفروض انة متاح ومكفول وهو العلاج على نفقة الدولة
وتصوير حال المستشفيات الحكومية التى اصبحت استثمارية والدكاترة وحالة البرود التى اصابتهم من كثرة ما يشاهدون من الام
بجد تسلم ايدك عجبنى جدا كلامك رغم شدة حزنى من اوضاع بلدى
تحياتى لقلمك النابض بالحق

محمد الجرايحى يقول...

السلام عليكم ورحمة الله وبركاته
تصوير واقعى ومؤلم لمأساة بنى الإنسان فى بلادى...
الفقراء ليس لهم مكان فى الدنيا ..الفقراء يدخلون الجنة شهداء على أيدى الحكام ....
حسبنا الله ونعم الوكيل
تدوينة رائعة وتظهر مدى تأثرك بمشاعر اخوانك من الفقراء وإن كانت شعب مصر كله سائر إلى هذا المصير...
تقبلى خالص تقديرى واحترامى
وبارك الله فيك وأعزك

ويكا يقول...

انا فعلا يا افروديت خلاص ما بقتشى مستحمل

وما عنديش كلام اقوله

انا طلعت شوية الكبت الزياده اللى عندى مابارح خلاص فى البوست
ورجعت لقواعد كبتى سالماً

مش قادر انفجر تانى بجد خلاص

انا تعبت بجد


عموما عودا حميدا وما تغبيش كتير كده لانى فعلا كنت بفكر من يومين وبقول هى البنت دى كل حبه بتغطس فين؟

خواطري مع الحياة يقول...

السلام عليكم
اخبارك ياقمر؟
اولا انا كنت عايزة اعلق على موضوع صدام حسين رحمة الله لكن ماقدرت
مش عارفة ليه مارضى يفتح عندي التعليقات
كنت كل يوم ادخل عايزة اعلق اطمن عليك لكن مافيش فايده
لما اليوم شفت الموضوع حقك دخلت بسرعة عشان اعلق واطمن على القمر
ثانيا
ربنا كبير وبيلطف بعباده
لكن الناس عبيد الله مش قادرين يلطفوا
حتى على الصغير
ارحموا من في الارض يرحمكم من في السماء
كل واحد من المسئولين يهمه نفسه
يعني انت يافقير موت عشان انا اعيش عيشة فوق
وانت عادي موت عشاني
استغفر الله ولا حولة ولاقوة الابالله
يمهل ولايهمل
تقبلي مروري
سلامي للقمر الي منور البلوجو كله.

شيرين سامي يقول...

للأسف الضمير بقى عُمله نادره و لما تيجي في منطقة الطب و العلاج بيبقى كمان مفيش ريحة الانسانيه أنا مش عارفه الفقير يعمل ايه يشرب مجاري و ياكل خصار مروي بالصرف و يعيش في وسط الزباله و المفروض كمان ميعياش!!!
البوست هايل و كلماته مُعبره جداً تسلم ايدك

سواح في ملك الله- يقول...

حد قاللة يعيي ياافروديت
معهوش فلوس بيعيي ليه
دي غلطته برضه
اعوذ بالله من بلد نزعت منه الرحمة
تحياتي ياافروديت

carmen يقول...

عندك حق جدا
اسلوبك جميل افروديت
تسلم ايدك حبيبتي

Tears يقول...

انا ح اعيط يا بنتى

هو احنا صابرين على الذل ليه؟ و مستنيين فرد واحد يقودنا ليه؟ و نخاف من العسكر ليه؟ لو استشهد مننا ناس من اجل الوطن ح يحصل ايه؟

احنا اقل من العشرة مليون تونسى ليه؟

انا بنزل المظاهرات و نفسى اموت فى سبيل الحرية بس ننزل كلنا و نقعد فى الشارع زى تونس عشان دمنا ما يروحش هدر

افروديت يقول...

مصطفي سيف/فعلآ كلامك صحيح دابيزنس
والفقرامش وراهم غيرالهم يبقي هيفتكروهم ليه أصلآ...

أحناأهدرناحقوقنابسكوتناوبكرة كمان يهدردمنا بخوفنا

ميرسي ع كلامك ومرورك يامصطفي

افروديت يقول...

هبة فاروق / ميرسي ياهبة كلناأكيدشايلين الحزن دا في قلوبناومش بيفارقنالازم نتعلم ناخدحقوقناكمان

مبسوطة أنهاعجبتك لكن بجد أنتي اللي عينيكي حلوه

ميرسي ع مرورك ورأيك ياهوبتي

افروديت يقول...

محمدالجرايحي / ميرسي جدآلحضرتك من ذوقك بجد ودول فعلآ أخواني زي ماحضرتك قلت وأخواناكلنا بمعني أصح وطبقآلتصورك المستقبلي هنبقي كلنافي نفس المركب

سعيدة بوجود حضرتك ورأيك مهم فعلآ

افروديت يقول...

ويكا/ أخبارك أيه

مدونتك حيرتني بتقفل في وشي ياويكاتخيل

مش بتخاف من الأكسبلورأبدآ كان نفسي أقراالبوست والمقال الموجود لكن هحاول تاني

شوف الملل صايبناكلناوالكبت من تردي اوضاع بلدنابس هقولك أيه ...
يمكن في يوم نتغير ونفوق ..

أماعن بغطس فين هههههههههه
الطيب أحسن مابلاش يبني عشان مقولش لطنط سويسراأنك بتسلم عليها
نورت ياويكابجد

افروديت يقول...

خواطري مع الحياة/ حبيبتي ميرسي بجد علي أهتمامك أنتوا بجد بتوحشوني كلكواجدآ
لكن أنالمابوصل لدرجة الغليان بفضل الصمت ...لأني عصبية وعصبيتي ممكن تعمل قفلة ههههههههههه

أنتي أخبارك أيه وحشتيني بجد "يارب بخير"
فعلآ المدونة دي تعبتني أناكمان كنت بحاول ومش عرفت هحاول قريب أعملهانيولوك يارب بس تعجبكوا

مفتكرش يارشافي عندكم أهمال للمرضي الفقراء كده
أنتي عارفه أنامش مبسوطة أني بنشرعن الأوضاع السيئة دي عن مصراللي بعشقهالكن دي قرارات مسئولين ولابدمن نقدلها
تحياتي لأرق رشا نورتي بمرورك

السُـلطانة يقول...

السلام عليكم ورحمة الله وبركاته ..

ما أكثر المواطنين المجهولين الذين لم يجدوا أطباء الهم إن المجهول هذا أمه بتحبه وربنا راضي عنه إنه لاقى دكتور !!!!

وإنت كمان وحشتيني أوي يا حببتي وربنا يديم المحبة في الله والمعروف بينا وربنا يسع\دك يارب اللهم آمين

افروديت يقول...

شيرين سامي/ فعلآ ياشيري عندك حق في اللي قلتيه

ميرسي علي مرورك ورأيك

افروديت يقول...

سواح في ملك الله/ علي رأيك حدقاله يعيي وبعدين مايموت أحسن يريح ويستريح برضه

ميرسي علي مرورك ورأيك ياسواح

افروديت يقول...

carmen/ ميرسي ياأرق كارمن علي مرورك ورأيك

افروديت يقول...

tears/ ههههههه ليه بس ؟

شوفي ياتيرز أنتي أيجابية فعلآ بتنزلي المظاهرات لكن المظاهرات دي بتحقق أيه بتغير أيه

عارفه نفسي في أيه المظاهرة تبقي ثورة ساعتهانقدرنحقق ونغيربجدونبقي زي التوانسه وأحسن

ياريت ياتيرز ياريت

افروديت يقول...

السلطانة/ أهلآبيكي وحشتيناياسلطانة المدونات نورتي البلوجر بجد بعودتك

هولاقي دكتور بس مش لاقي رحمة خالص عندحد


تحياتي ليكي وبلاش تغيبي تاني

نورتي

مدونة رحلة حياه يقول...

السلام عليكم
هى كلمات جميلة ومعبرة ومؤثرة
بس هى جت على وزارة الصحة ما الدنيا كلها متظبطة حاولى تكتبى عن حاجة واحدة لكل وزارة شوفى هتوصلى لكام
تقبلى مرورى

سلسبيل يقول...

يسلم قلمك أفروديت حبيبتى
بجد كلمات معبرة وواقعية
حسبنا الله و نعم الوكيل
تحياتى لك و لقلمك

ذو النون المصري يقول...

الله يلعنها اخبار

و يخرب بيت اللي صنعوها

الاحلام يقول...

بلدنا الان اصبحت مثل زمان نتتكون الناس من طبقتان طبقه فوق لايمكن المسماس بها وطبقه تحت لا يمكن الا عتناء بها فى بلدنا انتهى عصر الطبقه الوسطى
النموزج الموجود فى كلماتك كثير جدا وكثيرا منا يموت لعدم مقدرته على العلاج .
المستشفيات جزء من اشياء كثيره فى بلدنا تحتاج الى مراجعه تحتاج الى ضمير
اشكرك على كلماتك مع انها فيها مراره لاكنها واقع حقيقى نعيشه الان تقبلى مرورى واسف على المرور دون استئذان وتقبلى تحياتى الاحــــــــــلام

افروديت يقول...

مدونة رحلة حياة /

هوصل لكتير أوي يامحمد عارفه ان الدنيا مليانة هم والحكومة زفت

بس لوتلاحظ أن وزارة الصحة أي قرار فيهابيأثرمباشرة علي المواطنين اللي بيتعاملوامعاهاوأنت عارف مصربقت معظمهافقراومحتاجين للعلاج وادي البيه خصصها

تحياتي ليك

افروديت يقول...

سلسبيل / ميرسي ياقمر علي مرورك وكلامك الحلو

ربنايكرمك يارب وتنجحي ياسلسبيل وتجيبي لي حاجة حلوة هههههههه

افروديت يقول...

ذو النون المصري /

يخرب بيتهم ميت مرة
ولسه ........

ياماهنشوف من حكومة نظيف


تحياتي لك

افروديت يقول...

الأحلام / فعلآ صدقت

الطبقة الوسطي لم تكن موجودة أختفت بالكامل

البلدكلهامحتاجة لأصلاح ..وهتاخدسنين اللي أتعمل فيهامش قليل

تحياتي لحضرتك ويسعدني مرورك في أي وقت لاداعي للأسف

تحياتي لك

فاروق بن النيل يقول...

أفروديت........
عملتى طيب إنك نشرتيه عشان أقراه وأعرف كمان وكمان!ليهاشعبنادايماعيان
وليه الغلابة كتروا!وليه فى كل حى غلبان
وليه الناس طهقانة!وليه الشباب جعان
وليه الحى بيحسدالميت! وفين راح الإنسان
عشان حاكمنا ريس!يوصف بأنه أكبر جبان
ظالم شعبه من منوف*لإسكندريةوحتى أسوان
وليه الشاب مذهول!وليه العاقل بتوهان
الحكومة دايماكسبانة!والشعب هوه الخسران

فاروق بن النيل يقول...

أفروديت........
عملتى طيب إنك نشرتيه عشان أقراه وأعرف كمان وكمان!ليهاشعبنادايماعيان
وليه الغلابة كتروا!وليه فى كل حى غلبان
وليه الناس طهقانة!وليه الشباب جعان
وليه الحى بيحسدالميت! وفين راح الإنسان
عشان حاكمنا ريس!يوصف بأنه أكبر جبان
ظالم شعبه من منوف*لإسكندريةوحتى أسوان
وليه الشاب مذهول!وليه العاقل بتوهان
الحكومة دايماكسبانة!والشعب هوه الخسران