الأربعاء، 2 فبراير، 2011

العسكر مبيرحموش

ألحقيني يامه العسكر مبيحموش ... ألحقيني يامه العسكر مبيرحموش
        ضربونا
بالرصاص الحي ...قومي عدي النعوش
                    سرقوافلوسي ...وقتلواولادي
               نهبوا أرضي....وحرقوا حصادي
           ردي عليه يااامه... ردي عليه يابلادي
             قلتلهم سلميه ...ولسه هاقول "بلادي"
       ضربونابالرصاص الحي...ملحقتش أقول يابلااادي
         دمي بينزف في الأرض ...مش خساره فيكي
      قلبي واجعني عليكي يامصر..أصلي بموت فيكي
        خدعونابالديمقراطية ....وهمونابالحرية
  
    وأول ماقلنا"تحيامصر"....رمونابذخيرة حيه
       احناالشباب ولادك ...عايزين اسقاط النظام
     عايزين وقف الطواريء ....ونفض الأعتصام
         الثورة قامت خلاص قوموهاالشباب
       لا معارضة ولاأخوان ...ولاهماأمريكان
           دول رجالة وعدالة وصوتهم حر

بواسطة: Sama Elshikh

هناك 7 تعليقات:

Amr يقول...

حمد الله بالسلامة ... كفارة :)

Tears يقول...

تصدقى انا كنت ضد مبارك عشان فاكرة انه ديكتاتور بس بعد اللى حصل و قتل 300 بالرصاص الحى بينهم 19 طفل و بعد ما سحبوا الشرطة من كل مكان فجاه و لبسوهم مدنى و بقوا بيسرقوال البيوت و المتحاف و البنوك و يضربوا فى الناس عرفت انه نظام اجرامى

خواطري مع الحياة يقول...

ربنا يرحم الشهداء
لاحولة ولاقوة الابالله
ربنا يحميكم من الحكومة الظالمةومن شرطة تقتل في ابناء شعبها
ويارب يسقط النظام ويتعيشوا بسلام

افروديت يقول...

AMR/ الله يسلمك

هههههههههه

اوك ياعمرو

افروديت يقول...

TEARS/ كان لازم تعرفي أنه نظام أجرامي من ساعة ماأتقتل خالد سعيدوغيره وغيره ومحدش أتسأل حتي

لمارئيس يقبل أنه يطلق المجرمين والبلطجية علي الشعب
يبقي خلصت ولازم يغور

تحياتي

افروديت يقول...

خواطري مع الحياة/ ميرسي يارشا علي تعاطفكم ودعمكم

ربنايرحمنا برحمته

مصطفى سيف يقول...

حسني مبارك اثبت للعالم كله انه مش رئيس دولة بالعكس اثبت انه رئيس عصابة
عصابة من مجموعة بلطجية
النظام قائم على البلطجة
و80 مليون مصري داخلين الجنة علشان قدروا يصبروا 30 سنة على نظام البلطجة