الأربعاء، 9 مارس 2011

بجد ..بجد موضوع بقي سخيف وبارد وأوووووووووووف

              بداية ياجماعة أقر وأعترف أنه من حق كل مواطن مصري
       تتطابق عليه الشروط وموادالدستور الترشح للرئاسة ...وخوض التجربة
     وأيضآ من حق كل مواطن مصري أن ينتخب من يراه صالحآللبلد وله ولأولاده
 بدون ضغط أو أجبار أووهم ودعاية لكل من هب ودب لأن الموضوع بقي ممممممل
          وسخييييييييييييييييييييييييييييييييييييييييييييييييييييييييييييييييييييييييييف 
     
"عمرو موسي "  

أمين عام الجامعة العربية الذي ينوي الأستقالة من منصبه الحالي والتفرغ لخوض أنتخابات الرئاسة وهذاحقه

                                      د/محمد مصطفي البرادعي          
         " كلنايعلم من هوالبرادعي ...وهو أيضآ سيكون من المرشحين للرئاسة
                              حتي وأن لم يصرح بهذاحتي الأن "
                                               
                                            "د/ أيمن نور "          
 "سبق وترشح لرئاسة الجمهورية وتم إخفاقه في هذاالأنتخابات وكلنايعلم من كان وراء 
                   هذا الأمر ..وينوي الترشح للرئاسة بعد الثورة " 
                                      
                                 "العالم المصري د/ أحمد زويل " 
 "كان له العديد من التصريحات أثناء الثورة وبعدهاوأظنه ينوي الترشح "     
                                           

                                                                         
                                                                       
                                                                  " الفريق احمد شفيق "     
  " رئيس الوزراء السابق ..الذي برغم من أختلافي معه أحترمته لأنه أحترم ذاته
                  وخشي علي كرامته وذهب وكان هذاأفضل له ولنا "





                              " المطرب المعروف / شعبان عبدالرحيم "   
  أظن أن من حقه الترشح لوتطابقت عليه الشروط ...وأخشي أن أجد اليوم أو غدآ 
  جروب علي الفيس بوك أودعوة علي تويترأو منشور علي" ورقة بفرا " بيقولوا  
  فيه " أنتخبواشعبان أبوصوت جنان " بجد اللي حاصل حاليآ غير لائق بالمرة    
    اللي بيحصل مهزلة كبري مسرحية لايشاهدهاسوي الكراسي الفارغة فقط 
  ماكل هذه الجروبات والدعوات والكلام الفارغ نحن أصبحنافي عصرلايصلح أن يأتي فيه رئيسآ لمصرإلا بأرادة شعب مصر "أرادة وأختيار مطلق" لايجدر بأحد علي الأطلاق أن يفرض عليناهذاأو ذاك مع خالص أحترامي وتقديري لكل الشخصيات 
 ولكن مصر الأن في حاجة لرجل يعرف قيمتهاويقدر شعبها ويكون لديه برنامج واضح  وقوي جدآ لكي يعبربناالي بر الأمان أيآ كان الرئيس القادم ممن وضعت صورهم أم لا...فقط يهمني مصر والحرية والعدل ومراعاة ارادة الشعب لاتستهينوا بنا فنحن ممن 
        حطمواالقيود ولن نتردد في تحطيمهاألاف المرات اذا تطلب الأمر ذلك                                      

هناك 28 تعليقًا:

افروديت يقول...

أنا ضد غسيل المخ ..
وكروت الأرهاب ...

والناس اللي فاهمين نفسهم أذكيا

الشعب أثبت أنه ذكي أيهاالأغبياء

مدونه ما كفايه بقى يقول...

حتى شعبان عبد الرحيم عايز يرشح نفسه دى بقت مهزله فعلا

الموضوع أخد أكبر من حده يا ألإروديت مش ناقص الا شعبان كمان

اووووووووووف بجد

سواح في ملك الله- يقول...

طيب ايه المانع ان اي حدشايف
نفسه مناسب يرشح نفسه
وانتي قولتي الشعب اثبت انه زكي
يعني هيقدر يفرز الجيد من الردئ
وافترضنا انه مش هيطلع مناسب
اكيد مصر مش هتبقي اسيرة 30 سنة
هما اربع سنوات ويخلع
شرط تكون الانتخابات حرة
انتي ناسية ان رونالدو ريجان رايس امريكا
السابق كان ممثل
تحيتي ياافروديت

المدفعجي يقول...

مدونه رائعه وكلام اروع

Tears يقول...

التعديلات الدستورية لا تسمح لزويل بالترشح لان كده سيدة مصر الاولى ح تبقى سوريه و الدستور بينص على انها تبقى مصرية و مش حاصلة على جنسية اخرى و كمان زويل نفسه حاصل على الجنسية الامريكية و مستشار الرئيس اوباما و التعديل الدستورى بيقول لا يكون سبق للمرشح الحصول على جنسية اخرى

شفيق جزء من النظام و لم يحترم نفسه و يستقيل بل اقيل و تقدرى ترجعى لما قاله بلال فضل بعد مقابلة المثقفين مع المجلس العسكرى و كان موجود لحماية بقايا الفساد و لهذا اول ما اتفاجئوا باقالته بدأ امن الدولة فى فرم المستندات و احداث فتنه طائفية من خلال مخبرين له كما شهد قمص كنيسة اطفيح

عمرو موسى مشكلته انه قبل الثورة بشهر واحد كان بيشكر فى سياسة مبارك و بيؤكد ان صوته له و ده موجود على يوتيوب كما انه كان جزء من نظام مبارك عشر سنوات و لم يحدث ان عارض الفساد بل اندمج فيه و كوفىء بجامعه الدول العربية ليصبح سكرتير ل 22 ديكتاتور بدلا من واحد بعد ما رسخ اهدار السفارات المصرية لكرامة المصريين

Tarkieb يقول...

انا مع البرادعي هو اللي عمل حركة في البلد...اول من قال لازم تغيرو نفسكم قبل من نغير....ماذا عمل عمرو موسي لنا؟؟؟؟؟؟؟ اكذوبة كبرى....نفسي حد يقول انجاز واحد غير انه فاتح قهوة للامة العربية

شيرين سامي يقول...

معاكي حق بوافقك في كل كلمه أنا ممكن أرشح بابايا هههههه
تحياتي ليكي

افروديت يقول...

مدونة ماكفاية بقي /

هوشعبان لسه مش صرح بأنه هيرشح نفسه
بس توقعي وأهلي نفسك لأنك أحتمال تسمعي الخبر داقريب


عشان ساعتهامش يغم عليكي ياأمل

ميرسي ياقمرع مرورك

افروديت يقول...

سواح في ملك الله/ أنامش معترضة أن اي حديرشح نفسه خالص دامن حقهم طبعآوالبوست بيقول كده كمان

واناضدالمليون ألف جروب اللي بيهللوا
فيهم لأي حد يعني انامعترضة علي فكر الناس دي فهمتني ياسواح

رونالدوريجان مفتكرش انه في ثقافة شعبان خاااااااالص ياسواح
شكلك هتروح تصوت لشعبولا

تحياتي

افروديت يقول...

المدفعجي/ ميرسي جدآ من ذوقك

افروديت يقول...

tears/ بالفعل أعرف هذا تيرز ولكني رغبت أن أعرض أشهرالوجوه التي تسعي للترشح للرئاسة بدون ماأشعرالقاريء إني متحيزة لأي طرف .

أراكي في صف البرادعي ياتيرز
وأن كان البرادعي يصلح والأنتخابات نزيهة هيكون رئيس .

تحياتي

افروديت يقول...

tarkieb/
رأيك يحترم ياتراكيب ...

ولو أنه مخالف لرأيي البرادعي لم يقم بشيء يؤدي الي الثورة التي حدثت والدليل أنه لم ين موجودآفي مصر حينهاوأنت تعرف هذا

البرادعي لازم ليه حاجات كتيييييييير أوي عشان يصلح أنه يكون رئيس لمصر
لأنه رجل لايجيدالسياسة ولايجيدالحديث مع الشعب ...
دابيكلم المصريين أنجليزي يامرسي حرام عليييييييييك .
تحياتي

افروديت يقول...

شيرين سامي/ خلاص ياشيري باباكي يعرض برنامجه ونشوووووف


ميرسي لمرورك ياقمر

افروديت يقول...

"عمرو مصطفي "
يعلن عن عزمه إنشاء حزب سياسي


عشان محدش يتكلم بأسم الشباب

ههههههههههههههههههههههههههههههههه


أيه رأيكم بقي في الموضوع ده؟؟؟؟

سلسبيل يقول...

شعبان كمان
دى مهزلة بجد
اكيد الشعب الى عمل الثورة
هو يعرف يختار الى يمثلة

مصطفى سيف يقول...

شعبولا لو عرف يجيب 30 الف صوت من 15 محافظة بحد ادنى الف في كل محافظة يبقى اكيد من حقه
وتغيير في تغيير بقى انا هاصوتله كفاية وجوه سياسية قديمة تغيير في تغيير خلينا نتغير :)
في النهاية ان شاء الله تكون الانتخابات نزيهة وايا كانت النتيجة اكيد هتبقى مرضية علشان الشعب هو اللي هيختار صح
تحياتي

هبة فاروق يقول...

تصدقى بالله ولا واحد منهم داخل دماغى باستثناء الحج شعبان ارشحة وبقوة دة انا عملت بوست بحالة عنة ههههههه
تحياتى لاجمل افروديت

خواطري مع الحياة يقول...

على حلاوة
شعبوله يرشح نفسة
ده بيغير الدستور كله
ويخليه مقاطع من اغانيه
بكرة تامر حسني يرشح نفسه
وينزل دستور كله اغاني شبابيه رومنسية رقيقة
ههههههههههه
ناس تشوف فيها العجب
تقبلي مروري ياقمر
سلامي لاجمل واجدع بنوتة.

Amr يقول...

مع كل أحخترامي للاسماء .. لكن من رأي إن الإنتخاب هيكون على اساس البرنامج اللي هيقدمه كل مرشح و الآليات اللي هينفذ بيها البرنامج بتاعه .. يطلع بقى عمرو موسي ، يطلع شعبان مش هتفرق اللي هيفرق معايا هتعمل أيه و إزاي

Tears يقول...

ماعنديش مشكلة مع البرادعى او ايمن نور او هشام البسطويسى بل اود ان يعمل الثلاثة مع بعض و معاهم زويل و فاروق الباز و اخرين فى مجموعه اى ان كانت المناصب لتستفيد مصر من كل ابناؤها

و لكنى لا اريد اى حد جزء من النظام البائد

افروديت يقول...

سلسبيل / أزيك ياقمر

شوفي شعبان مش بيفكر دلوقت ومش طموحه رئاسة خالص بس يعني لوأتحايلناعليه شوية يمكن يوافق ياسلسبيل


أيه رأيك تكلميه ليناكده وتضغطي عليه هههههههههههه

تحياتي

افروديت يقول...

مصطفي سيف / شعبولا ليه شعبية جامدة ويحصل اصوات اكترمن كده بكتيييييييييييير يامصطفي وبعدين مشجعينه بتوع الحاجات اللي ......
كتير جدآ ناجح علي بركة الله أدبس ياشعب مصر


طبعآأن شاء الله هنتوفق في الأختيار يادكتور وربنايكرمنا

افروديت يقول...

هبة فاروق/ ههههههههههه برافو ياهبة

بس ابرنامج بتاعه تفتكري هيكون ايه
وبعدين لوقلناله فين برنامجك ياشعبان هيقولناثواني افتح لكواالتفزون

تحياتي

افروديت يقول...

خواطري مع الحياة / ههههههههه
اه يارشا هيهيص الشعب غناواييييييييييه وربنامصرهتتظبط هههههه اناعن نفسي بحبه وبحب ستايله

ميرسي علي مرورك ياقمر

افروديت يقول...

amr/ منابقول كده برضه ياعمرو

انازيك يهمني البرنامج وبس وازاي هيتنفذوفي اد ايه


ميرسي ياعمرو ع رأيك

افروديت يقول...

tears/وأنامثلك لاأريد أي أحدمن النظام البائد يكفي ماذقناه والثمن الذي دفعناه


ويهمني جدآ مصلحة مصروخاصة في المرحلة القادمة


ميرسي علي رأيك المهم تيرز

لورنس العرب يقول...

المفترض أن كل واحد يقوم بتقديم برنامجه الانتخابي -حتى شعبان عبد الرحيم- ويقول اول سنتين هايعمل ايه وثاني سنتين هايعمل ايه

افروديت يقول...

لورنس العرب/ أنامتفقه معاك يالورنس

ويهمني جدآالبرنامج والفترة اللي هينفذه فيها وأن الأنتخابات تكون نزيهة وعليهااشراف قضائي ولجان شعبية كمان
تحياتي