الاثنين، 4 أبريل 2011

الثورة تغرق في شبرماء ....لماذا لم يحاكموا ؟؟


"وضعت هذه الصورة للتذكرة فقط هؤلاء هم الذين أهدونا الحرية "


بصراحة مش عندي كلام اقوله لقد سئمت من كل شيء والشيء الوحيد الذي أحبه وأقدره
  هوحديثي هنا معكم " أنا بجد وحشني التدوين وحشني أصدقائي وتعليقاتهم وكلامهم
 حتي مهما أختلفنا برضه غاليين عليه ....
  لا أريد الحديث عن السياسة والأوضاع الأكثر من سيئة التي تمر بهابلدناوبالتبعية نمر بها لا أريد الحديث عن شيء أصبح الحديث عن ما يحدث يؤلمني كثيرآ ويرهقني وهذا
هوالسبب الرئيسي الذي يمنعني عن الكتابة ....
      لا أعلم هل بالفعل قمنا بثورة أم أننا نحلم فقط من طوقنا واشتياقنا للحرية 
وان كنا قمنا بها فأين هي الحرية اين الأمان أين ..........وأين ..........وأين...........
    لا أعلم هل أنا في عالم أخر أحلم فيه بأكتمال الثورة و وأعادة حق الشهداءبالفعل 
      أنا لا احلم وقامت الثورة ولكن لماذالم يحاكموا  ؟؟؟؟؟؟؟؟؟ 
      لقد سئمت من العبارات الرنانة والشعارات الممله التي أجبرتوناعلي حفظها
 "لا أحد  فوق القانون " لا أحد فوق المش عارفه إيه أنا لاشايفه قانون بيتنفذ ولا غيره
 أنا شايفه الناس عايشين حياتهم وزي الفل وبيروحوانادي رجال الأعمال واللي بيأجروا
بلطجية واللي .....واللي حقنا أننا نسأل حق كل مصري أنه يسأل فيييييييييين حقنا ؟؟؟؟
  "كنت بحلم باليوم اللي نسترد فيه حقناومش كنت عارفه ان كل يوم بعده هيبقي حرق 
      دم لنا " كرهتوني في الثورة وفي عيشتي وفي كل شيء حواليه بجد حاسه إني
      عايزة أهاجر .....عايزة أروح بعيييييييييييييد ..........
 عفوآ أيها الجيش العظيم لقد سئمت من بطء السلحفاة لقد سئمت من الجري في المكان
   قمنابثورة مدفوع ثمنهامقدمآ من دم المصريين ولحمهم وشرفهم وكرامتهم وعرقهم
 وأرضهم ......وأنتم لازلتم تمارسون سياسة التنويم المغناطيسي..تقولون أنكم معنا أذن لماذا التباطؤ لماذا يحاكم" العادلي سفاح الثورة" مثلآ بتهمة التربح ولايحاكم فورآبتهمة من قتلهم عمدآمع سبق الأصرار والترصد لماذا لايحاكم مبارك هل لاتنطبق عليه المقولةالشهيرة لا أحدفوق القانون ليتكم تجعلوا فوق مثل تحت ويسير أعلي مثل أسفل ..حتي نهدءقليلآ ونستمتع بالحرية  أماكل كلب يلهث وراء
 مكسب .... لعلمكم فقط هذه التورتة الرائعه التي تتسارعون عليهااليوم نحن من قدمناها لكم هذه التورتة مخلوطة بدم طاهردم شباب مصر ....الذي أختار الحرية مقابل حياته
   هنيئآ لكم اشبعوا بيها ياأحزاب أشبعوا بيها ياأخوان أشبعوا بيها ياسلفيين أشبعوابيها
          ياعصاة الأرض ........... فأن أكلتموها اليوم فلن تستطيعوا هضمها أبدآ
           
 

هناك 31 تعليقًا:

سواح في ملك اللــــــــــــــــــه- يقول...

حمد الله علي السلامة
تفائلي خيرا فلن يضيع الله دم الشهداء هدرا
فقد امهل الله ولكنه لايهمل
تحيتي
افتقدناكي

الميكروباص يقول...

سوف أنسخ لك تعليقي على موضوع في مدونة الدكتوره ستيته حيث كان الموضوع قريب الشبه بما تكتبيه في هذا البوست
_________________
شوفيس
عشان نغلق هذا الموضوع إلى الابد
اللي عمل الثوره هم الناس
واللي عمل الفوضى هم الناس
واللي نزل ملعب ستاد القاهره الناس
وكل شيء بيفعله الناس
فات عليكي وعلى الكثيرين اننا لا نعيش في الجنه وسط الملائكه
شوفي انتي مثلا من أول ما بتصحي الصبح وتنزلي من البيت وتركبي السياره وتروحي وتيجي لغاية ما ترجعي البيت- بتقابلي كام واحد محترم وسط كل دول؟
عارفه ايه مشكلتي وليه الناس مش فاهمين انا موقفي ايه في الفتره الاخيره؟ انا مشكلتي اني مركز في ردود افعال الناس
اجد مهاجمات لمبارك على مواقف- ثم اجد نفس المواقف من أشخاص آخرين ولا اجد تعليق عليها!!! فين المبدأ يا دكتوره؟ هل احنا بنفصل موقفنا بناءا على الشخص نفسه ام بناءا على المبدأ؟
يا دكتوره احنا ناقصين تعليم علم ومعاملات- ليه بننكر كده؟ ليه مش متأكدين ان عندنا جهل؟ هو عيب الاعتراف بالحقيقه؟ هو عيب اننا نقول ان عندنا "غجر"؟ هو عيب اننا نقول ان عندنا ناس ناقصين تربيه؟ انا مش عارف فين المشكله؟ الاعتراف اول الطريق إلى الاصلاح يا دكتوره، واحنا مش عاوزين نشوف المشكله بكل أسف، كل حادثه لها سبب تآمري من اطراف أخرى، مع الأسف الناس مش عارفين أن الشغل كتير وكتير جداجدا والمجهود يجب ان يكون جبار للإصلاح على يد اولادنا، انا شايف ان فيه مشكله تانيه، الناس كانوا فاكرين اننا هانكون ألمانيا بعد شهرين، حتى المتخلف بتاع برنامج "الطبعه الاولى" وقف يقول للناس في برنامجه ان مصر ممكن تتصلح في 12 يوم!!! شفتي وصل الامر لدرجه ايه؟
الحريم اللي بيقعدوا يلطموا امام المحاكم- والناس اللي بتقضي حاجتها في الشوارع- والعالم اللي مش لاقيين شغل لعدم وجود استثمار، ده غير الحراميه واللصوص العاديين -ومنهم كثيرين اعمل معهم شخصيا وأراهم بعيني يوميا- كل ده يا دكتوره عاوز شغل كتير جدا جدا
الامر لا يتعلق بمقوله -الله يرحم ايامك يا مبارك- لأني على كنت على علم أن هناك من سيقول ذلك، لكن انا خلافي الوحيد مع كل الناس أني كنت بقول لهم من فتره طويله ان مشكلة البلد الاساسيه ليست في رئيس الجمهوريه، الرئيس جزء من المشكله يا دكتوره ولكنه ليس صاحب المشكله باكملها كما كان يتوقع البعض، ولهذا صدم الناس عندما طار الرئيس ووجدوا ان الحال كما هو في الوقت الحالي، كانوا فاكرين ان هناك زر سوف يضغطون عليه ويجدون كل الحلول بعد رحيل مبارك، وعندما رحل انتظروا المعجزات بعد رحيله، لكن عصر المعجزات انتهى وكانت المفاجأه كبيره عندنا عرفوا ان عليهم عمل كبير وكثير بعد رحيله لإنقاذ البلد!

ツSmiLeY AnGeLツ يقول...

وانت كمان وحشانا كثير
وافتقدنا لمواضيعك الجميلة
الموضوع الي تتكلمي فيه كانه في لعبة مع اجيش
يعني هم مستنين ايه بعد الثورة
مسكتم القتلة وليه مايحاكموهم
بس ربنا مابينسى حد ولا يضيع عمل حد
ومابينسى الي ماتوا لاجل الوطن لاجل ان يحرروا بلادهم من الظلم والسرقة والفساد
ربنا بيفرجها قريبا وبياخذ لشعب حقة من القتلة
ربنا يحميكم يارب
تقبلي مروري ^_^
سلامي لاجمل واطيب واجدع افروديت.

مدونه ما كفايه بقى يقول...

حبيبتى افروديت

لما نيجى نشيل جذر فاسد من الأرض مش هنشيله بسهوله كده ممكن ادينا تتجرح أو تتغطى بالتراب

اللى اقصده اننا بنشيل جدر فاسد من مصر مش هنعرف نشيله بسهوله صدقينى لازم هنواجه مشاكل لكن لو صمدنا ووصممنا اننا نشيل الجدر ده بكل إرادتنا أكيد أكيد هنشيله

دورك انتى يا افروديت انك دايما تفكرى فى الايجابيات اللى حصلت

شيلنا حسنى مبارك حبيب العادلى وكتير بيتحاكموا إسرائيل مرعوبه مننا بعد ما كنا لعه فى اديها عمر سليمان راح لحاله

اول مره يكون فيه استفتاء والناس تشارك بالكم الكبير ده

أخيرا هنختار رئيسنا بنفسنا بعد مده طالت كثيرا

الجيش فى صفنا مش ضدنا

إذا الشعب أراد فتنتصر إرادته

خليكى متفاءله بل ازرعى التفاؤل فيمن حولك بجد محتاجين التفاؤل والثقه بالله دلوقتى اكتر من اى وقت تانى

يا رب كلامى يكون اقنعك

انا متفاءله :)

غير معرف يقول...

الأخت الفاضلة أفروديت
صدقيني أنا مع حضرتك .. فبمجرد سماع أسمائهم بنتذكر علي الفور كم الظلم اللي كنا عايشين فيه .. لكن ياسيدتي لو جمعناهم كلهم في فرن كبير وحرقناهم .. هل سيكون هناك تغيير لحياة كنا بنحلم بيها من زمان .. أكيد لا .. ليه .. لأن اللي حايجوا من بعدهم سيأتوا من نفس المستنقع البشري اللي أحنا عايشين فيه كما قال الاخ لورانس .. تريسي شوية بل شويتين .. وفكري من خلال مقال كمثل مقالاتك الرائعة في كيفية تغيير سلوكياتنا للأفضل .. بعدها أكيد وتلقائيا سيفرز المجتمع قيادات أفضل .. مع خالص تقديري واحترامي .

Tears يقول...

انتى معاكى حق بس الموضوع اعقد من كده بكتير و اللعبه اكبر و يفهمها اللى بيتابع الاعلام الغربى مش بس المحلى و بيربط الاحداث

شوفى تدوينتى الاخيرة لانى حاولت اوصل المعلومة بس ماقدرتش اقول كل حاجة لكن اكيد الناس ح تفهم و تفكر و لازم نلاقى حل

mrmr يقول...

حمد لله بالسلامه
الثوره تغرق تغرق وانى لا اقدر اتنفس تحت الماء
امور كتيره بقيت صعبه الفهم
لكن حاسه بتشاؤم لان كل يوم بيكون فى جديد من سيئ الى اسوء
ربنا يستر

د.ريان يقول...

سيبقون سيدتي شهداءعلى التاريخ

ودمهم لن يذهب ابدا

سعدت بتواجدي هنا

Unknown يقول...

أنا جايه أسلم و أقول حمد لله على السلامه الناس اللي زيك هما اللي بيدوني أمل في الحياه و في البلد و للأسف هما مش كتير أنا كمان عندي اكتآب و قررت أبعد شويه عن السياسه.
تحياتي ليكي و نورتي يا جميل فضفضي براحتك و احنا مستنينك.

Emtiaz Zourob يقول...

يسعدني اختي العثور على مدونتك ..

الحكاية بدها شوية صبر ،، صحيح هي بطيئة مثل السلحفاة لكن مسيرها راح تمشي ،، القصة مش بسيطة ،انتم نقلتم مصر من مرحلة لمرحلة وكله بياخد وقته .. المهم توصلوا لبر الامان .. خلي عندكم امل وثقة في الله وفي الغد ..

تقبلي مروري وتعليقي.

Tamer Nabil Moussa يقول...

حمد الله على السلامة


انتى وانا وغالبية الناس بتسال نفس الاسئلة ومفيش جواب

بس نصبر ونتفاءل خير لعلى وعسى الايام القادمة نرى فيها ما يسعدنا

مع خالص تحياتى

Unknown يقول...

ليس لها من دون الله كاشفة
الأمل فى القلوب كبير ...وشعب مصر الذى ذاق طعم الحرية بعد طول الظمأ لن يتخلى عنها حتى لوكان الثمن روحه ودمه....

الاحلام يقول...

بجد نورتى وبجد دائما متالقه وهل بعد الغيبه تاتى وانتى متشائمه هكذا فان اختى الكريمه بعد الضيق فرج ان شاء الله كله هيكون تمام
دمتى دائما بخير سعدت جدا اليوم بوجودى هنا تقبلى تحياتى الاحلام

ابراهيم رزق يقول...

انا لسة جاى من ميدان التحرير و بالصدفة لقيت البوست ده اكتئبت اكتر ما انا مكتئب
الروح غير الروح
الوجوه غير الوجوه
المطالب غير المطالب
الثورة غير الثورة
كل ايدلوجية موجودة عايزة تفرض نفسها و السلام

خالص تحياتى

فاروق سحير ( فاروق بن النيل ) يقول...

أفروديت.........
طلقات نارية مدفع رشاش راجمة صواريح
إهدى يابنت شوية إنتى كده حتنفجرى كل حاجة بالهداوة دانتى ماكنتيش كدة أيام خالد سعيد ولا أحمد شعبان ولا ولا ولا
إرحمى نفسك وإرحمينا شوية
صحيح كلامك اللى بتقوليه لكن لو إنك بموقع المسئولية حاتعملى كده ماتقوليليش إزاى المهم إحنا ورا الكداب لباب الدار واللى عملناه حانعمل أكتر منه وبقوة والمرة الجاية بشرم الشيخ حنجيبه من قفاه حسنى الكلب
ولن أقول كلمة محترمة عليه لاهوه ولا حتى اللى بيدافعوا عنه
لكن تهاجرى كنتى هاجرتى أيام النظام السابق ياشاطرة دلوقتى بتديهم التورتة
وتستسلمى ببساطى ياخيبتك القوية
معلش إتخميت فيكى كنت فاكرك أقوى منى
طلعتى زى الهوا ياحبيبى زى الهوا * وآه مى الهوا ياحبييبى وآه مى الهوا

افروديت يقول...

سواح في ملك الله

الله يسلمك وميرسي جدآ علي ذوقك ياسواح

ونعمة بالله
ربنايرحمهم وأن شاء الله يجي حقهم وحقنا


تحياتي لك

افروديت يقول...

لورنس العرب


أتفق معك وأختلف في بعض النقاط فقط

والأختلاف لايفسد قضية يالورنس ولا ود

أعي تمامآ ماتريد أن تقوله
من قام بالثورة هم الناس
ومن قام بالفوضي بعض الناس

منهم الفاسدين والقابضين والجهلة والمحتاجين الغلابة فعلآ

نحن بالفعل نعاني ولكننا كنانعرف مسبقآأنه لن ينتهي الأمربرحيل مبارك فهناك ثعابين تربت وأكلت ولاتشبع منذ سنين ونعلم أنهم لن يتركوا لناالساحة والبلد نفعل فيهامانشاءونطهرهامنهم ولكننابشرنضيق أحيانآونصبرونتحملونبكي ونفرح وهذاما
هوالسبب الرئيسي في كتابتي لهذاالبوست المحبط

أتفق معك يالورنس بأننانحتاج للعلم ومزيدمن الفهم للأمر ولكن هذا بالتأكيدليس نهاية المطاف وأعدك أنناسنظل نحاربهم ولن نيأس

تحياتي لك ولرأيك الذي أرحب به

افروديت يقول...

خواطري مع الحياة /

ميرسي يارشا علي ذوقك وفعلا وحشتوني بجد

لاالجيش نزيه ومحترم ولكني ضقت من التباطؤ


يارب يعم الأمان في كل بلاد العرب ويهدي الحال


تحياتي لكي حبيبتي وميرسي علي مرورك ورقة كلماتك

افروديت يقول...

مدونة ماكفايه بقي

أهلا بيكي ياامل يسعدني أن أجدك متفائله هكذا ويارب دومآ

شوفي الأستفتاء كان أول الوهم بالفعل هناك عددكبير وضخم قام بالمشاركة
ولكن تعلمي أن هناك قوي بعينهادعمت ذلك ووجهت يا أمل

لاتأخذي كلامي علي محمل شخصي فلكل منا أتجاهاته وأرائه وأناأحترم جميع الأتجاهات والأراء واحترمك ايضآ

ولكني لا اري ان الاستفتاء أتي بجديد بل أوضح لنافقط من يمكن أن يتفوق وأن يسيطر

تحياتي لكي تعلمي انه يهمني رأيك

افروديت يقول...

al-sharkawi / أهلا بك

أخي الفاضل لا أختلف معك أومع لورنس في الرأي مطلقآ


ولكن كل مااريد قوله فقط أننابالفعل يوجد لدينا ناس شرفاء محترمين ولن أذكراسماء ولكن هناك بالفعل ناس محترمة وعلي علم ودرايه كافية

ولعلم حضرتك فقط أنه لوحدثت أنتخابات نزيهة وشفافه بالتأكيد سنجدالأفضل ..
وأكرر لوحدثت .

افروديت يقول...

tears/ أعلم مدي المأساه جيدآ ولكني أريد أن أهون علي نفسي لأني لست جبلآ ويكفي ماأشعربه


بالفعل لقدتابعت تدوينتك وهوحقآ مقال رائع وقيم جدآ كسائرمقالاتك

ولكني شعرت بأنني أثقل علي نفسي أكثر بالبحث أكثر تيرز

تحياتي لكي علي تواجدك

افروديت يقول...

mrmr/ ازيك حبيبتي

بالفعل اشعرانهاتغرق وتأخذنامعها

كما قلتي ربنايستر

تحياتي لكي يامرموره

افروديت يقول...

د.ريان /

أشكرك علي تواجدك وكلامك الراقي

تحياتي لك

افروديت يقول...

د.ريان /

أشكرك علي تواجدك وكلامك الراقي

تحياتي لك

افروديت يقول...

شيرين سامي / أهلا بيكي ياشيري

تقريبآ عدوي الأكتئاب منتشرة

أنا قريت البوست الأخير عندك "ديكتاتورية وأفتخر"

كان الله في عوننا

ميرسي علي مرورك وكلامك ياشيري

افروديت يقول...

وجع البنفسج/
أهلا بيكي

ميرسي حبيبتي علي تضامنك وكلامك الرقيق

ميرسي جدآ علي مرورك

افروديت يقول...

تامر نبيل /


ماشي نصبر ياتامر لعل وعسي


ميرسي علي مرورك ياتامر وكلامك

افروديت يقول...

محمد الجرايحي

اتفق معك تمامآ نحن شعب لا ييأس حتي لوضحي بحياته


تحياتي لك

افروديت يقول...

الأحلام /

يارب أتمني أن الأمور تتحسن وتبقي أفضل


ميرسي جدآ علي مرورك وكلامك

افروديت يقول...

ابراهيم رزق

اهلا بيك

بعتذر أني عقدتك بكلامي

ميرسي علي مرورك تحياتي ليك

افروديت يقول...

فاروق سحير " ابن النيل"


لن أقول شيئآبعد كلامك

لن أقول

كلامك جعلني أبكي ولكني فوقت من معاناتي


تحياتي لك يااستاذي تعلم أني أجلك وأحترمك كثيرآ وميرسي بجد لأنك قلتلي كده لأن كلامك قواني وصحي فيه قوتي تاني

تحياتي لك ياابن مصر والنيل