الخميس، 6 مايو، 2010

تصريح مواطن ميت

      صرح مواطن مجهول            في أحدالعشش بالقبور
        بأنه قداخذ حقه              من الفقروالجوع والخضوع
      وبدأيحكي الحكايه                 لناس مجهولين زيه
    كان بيحكي عن ضحايا             هومنهم وملايين زيه
    أل في يوم تعب شويه                خدوه ولاد الحلال
    ودوه علي مستشفي                 وسابوه في الاستقبال
  وبعدشويه جاله دكتور                 مالك ياعم المجهول
 تعبان..يابني ومش قادر             وحاسس أن قلبي مابيدور
   وطلع كده سماعه                  وعراني أدام الجماعه 
وقلب فيه شمال ولمين              وقاللي عندك زايده يامسكين
طيب يابني ماتعملهالي                   ينوبك فيه ثواب
دنافي رقبتي كوم عيال                وحاجات والله ماتنقال
 طيب استني شويه                هو أنامش هخلص في الليله ديه
 وآخرتهايعني باخدايه                   ياألف حسره ع المهيه
معلش يابني عشان خاطري              يعني هي جت عليه
 وهنا جت الحكيمه                    قالت لي/ياعم بقولك ايه
 روح وردللخزينه                      حوالي 250  جنيه
صرخت وقولت ليه ياست                ايه..بتقولي ايه
  دناعايش في الأرافه                  ومش لاقي حتي الجنيه
 ودي مستشفي "حكومه"          مش دي حكومه برضه ولا أيه
 بقولك متضيعش وقتي                في ناس غيرك تعبانه
 ودي مبئتش "حكومه"            باعوها وبئت استثماري كمان
  وخد الراجل الكلمتين               في جنابه ياعيني  وأاام..!
 الكلام اللي سمعه                     وجع جنابه أكتركمان
 ودموعه نازله علي خده         بيصرخ يابلدي عليكي السلام 
 مبأش فيكي مكان للفقرا                سواء سليم أوعيان     



دا أول بوست نشرته تقريبآمن حوالي 10شهوروالكومنتات دي جاتني عليه مش كان لسه في أي وجودلمدونتي ولاحديعرفهاأصلآ
قررت أنشره تاني بعد قراروزيرالصحة بتحويل المستشفيات الحكومية الي خاصة وتحميل المواطن جميع نفقات العلاج حتي الهوا
اللي هيتنفسه داخل المستشفي هيدفع تمنه يعني هيدفع تمنه .
             

هناك 7 تعليقات:

الشنكوتي الكبير يقول...

وقالك كمان يا عيان
لو كنت يعني غلبان
روح موت في بيتك في امان
هو في احسن من اللمه
وولادك يشموا فيك اخر شمه
عايز عمليه ليه
هو انت فاكر نفسك بيه
وسرير يحطوك عليه
امال البهوات يعملوا ايه
عايز تعيش مرتاح وسليم
والمرض موت عبد الحليم
يعني سعادتك هتبقى مشهور
والبنات هترمي نفسها من عاشر دور
بس انت موت وشوف هنعمل ايه
اخلص بقى علشان اقفل الكوبليه


سلااااااااااااااااااام

Amr Essam يقول...

آه يا سيدتي .. إنها حقاً بلد العجائب .. أرض طيبة وشعب مكسور .. نقسو عليها والعيب فينا .. سعيد بقراءة حروفكِ سيدتي .. تقبلي مروري

افروديت يقول...

الشنكوتي الكبير/أخي الفاضل ايهاب بالطبع اتشرف بكلماتك المعبره التي كتبتهاوأشكرك ع المرور وأتمني منك دوام المتابعه

افروديت يقول...

ملك الرومانسيه الحزينه تعلم أن مرورك يسعدني... ولكن ليس كلنا نقسوعليهانعم نكرههاونحبها في آن واحدولكن هناك الكثيرمن أهلهالايقووا حتي علي القسوه بالرغم من شده الظلم/أشكرك

دندنة قيثارة الوجد يقول...

المواطن لازم يكون ميت في الحكومة وإلا سيسحق من كتر الموت .. مأساة مواطنه كادت أن تموت من الأسى على حالنا.

افروديت يقول...

دندنه الجميله بالفعل كلامك صحيح وملموس علي ارض الواقع للشعب الغلبان ..بس ياتري الي متي يفترض بنا الصمت فزمن العبيد انتهي من قديم الازل

محمود المصرى يقول...

تعالى شوفى موضوعى الجديد عشان اْنا محتاج اْفاده من راْيك
اخوكى
محمود المصرى