السبت، 22 مايو 2010

أحنا زهقنا من الفول

     أستني متقولش انت                          انا المره دي اللي هقول
وكلامي عني وعن الغلابه                    مش عن وزيرولامسئول
   أحنا زهئنا من الفول                           أحنا زهئنا من الفول 
 أي نعم بيدينا power                      ومصبرنا علي فراق اللحمه
والفراخ المحظوره                           اللي بتعطس مي الأنفلونزا
لكن أحنا برضه بني آدمين                   وزهئنا...يارب الرحمه
مبنطلبهاش من عبادك                         اللي نسيونا في الزحمه
بنطلبها منك يارب                                قادرتسخرلنا اللحمه
وتقرب البعيد                                     وتزورنامره في الحله
بس نحس أنها موجوده                         ونشوفهافي السنه مره
حتي لو مش مقصوده                         مش بس عندالجزار بره
  دامش كلامي أنا                              داكلام ناس غلابه كتير 
كلام ناس تعبوا وشقيوا                      ومي الهم طفح بيهم الكيل 
وبرضه من سوء حظهم                     في ناس معندهاش ضمير
بيبعوالهم لحمه مستورده                       وهي آصلا لحم حمير

هناك 36 تعليقًا:

افروديت يقول...

أذا كنت من المتهورين والمنتحرين ومن البشر اللي ضحوا بمعدتهم "وأكلت فول" أكتب تعليقك ولاتتردد..فمنها واليها نعود.

محمود المصرى يقول...

يا ماما متكتبيش عن الفول لحسن يغلى هو كمان خلى فى حاجه فضللنا نكولها
تعالى شوفى موضوعى الجديد ومتنسيش التعليق
اخوكى
محمود المصرى

ويكا يقول...

ههههههههه

ياعينى يا بنتى

دا العمليه شكلها خلاص ، جابت اخرها

سلام

Pure يقول...
أزال المؤلف هذا التعليق.
ali younes يقول...

اختي الفاضلة
اتقدم لك بوافر الشكر لمرورك علي مدونتي
اما بالنسبة لموضوع الفول اقول لك سيدتي هل تعلمي ان هناك اشخاص يحسدوننا لن الله اكرمنا باننا نستطيع اكل الفول وهم يتمنون ان يأكلوا ولو لقمة واحدة ولكنهم لايستطيعون .
لذا يجب ان نحمد الله ويدمها نعمة
علي فكرة الفول اصبح اكله عالمية
اتمنى لك التوفيق
مهندس
علي يونس

ali younes يقول...

الاخت الفاضلة
اشكرك علي مرورك وتشريفك مدونتي
اما بالنسبة لومضوع الفول احب ان اقول لك يا سيدتي ان هناك اشخاص محرومين بسبب المرض من اكل الفول هذه الاكله الجميلة ونحم الله علي اننا نستطيع اكلها وربنا يدمها نعمة
اتمنى لك التوفيق
مهندس
علي يونس

افروديت يقول...

pure/أحب اعرفك اني ممكن جدآأردعليكي رديخليكي متدخليش مدونتي ابدآ.لكن بصراحه مش عايزه أنزل لمستواكي..ثانيا/احنا مصريين فقرا او اغنيابس عندنا أصل وتاريخ واظن انك تعرفيه .بس عايزه أسألك سؤال وتجاوبي بصراحه لوبنت أبوكي صح..أنتواليه بتكرهوا مصركده..لوعايزه تردي رديبس بصراحه.

افروديت يقول...

محمودالمصري..عينيه مش هكتب عن الفول كفايه ناكله وبس..نورت

افروديت يقول...

ويكا/شكرآعلي تشريفك ..بس شكلك مش بتاكل فول..طالما أعصابك هاديه كده..نورتني

افروديت يقول...

أستاذ/علي يونس..حضرتك اللي نورت وفعلاأنااعرف ناس مكنوش بيقدرواياكلوا لقمة فول واحده..لكن أنا بتكلم ع الناس اللي فاض بيهم..بشكرك ع مرورك

ابن الإخوان والأزهر يقول...

آه يا شعب طماع

ماله الفول

دا حتى الواحد بياكل الصحن من دول ويقف صالب طوله طول النهار ولا همه

و بعدين انتو لو أكلتو لحمة كتير حيجيلكم النقرص ، انتو مش عارفين مصلحتكم ، إنما طويل العمر عارفها يا شعب جاهل

قال لحمة قال

Sharm يقول...

طب يا ريت بيبيعوا لحم الحمير على انها مستوردة , ده في ناس باعتها لحمة بلدي بس ارخص 5 جنيه من السوق

ع نوتة يقول...

احم احم سلاموا عليكم

انا اول مرة ادخل هنا


لكن بجد مواضيع جميلة جدا

والفول دا احسن من اللحمة المصرى


الشعب اول مايصحى من النوم بيأكل اية


اكيد عارفين ( فول وفلافل )

الوجبة الرسمية


جزاك الله كل خيرا .

افروديت يقول...

ابن الأخوان والازهر/بشكرك ع المرور والنصيحه..وريح نفسك الشعب كده كده صااااااااااااايم صيام مفتوح عن اللحمه لأجل لايعلمه الا الله وحده..شرفتني

افروديت يقول...

sharm/أوعي تكون بتكلم جد..بس مفتكرش سلامه الجزارعمل كده هوبصراحه عنده ضميربس مش عارفه ايه رأيه في موضوع الحمير...نورت البلوج والله

افروديت يقول...

ع نوته/بشكرك ع الكلام الحلوومرورك الكريم..

أحــوال الهـوي يقول...

تعرفي
انا نفسي في فول العربيه اللي في الصورة

اول شئ هااعمله لما انزل مصر
اكل طبق فول عربيه بزيت المتور

بس مدونه جميله

تحياتي

افروديت يقول...

أحوال الهوي/طبق الفول هيكون ع حسابي بعد اذنك عشان خاطرقصيدتك الحلوه ..وشكرآع زيارة حضرتك

صباح الخير يقول...

السلام عليكم ورحمة الله وبركاتة

موضوع جميل .. ومدونة أجمل..

لكن سامحينى مش عارف أعلق كما يجب.. واكل رغيف فول مخلى دماغى ذى الحجر
لا حس ولا خبر


سعيد بمرورى لاول مرة
تقبلى مرورى ..

تحياتى وخالص تقديرى

افروديت يقول...

pure/مش هقولك اعتذري لكل المصريين الي شتمتيهم هما وبلدهم من غيرأي سبب وحذفك لتعليقك هوأكبردليل علي رجوعك لصوابك ..نصيحه..بلاش تمشي مع التياروخلاص خللي ليكي رأي مستقل وقوليه بجرأه وقولي أسبابك..وع العموم لوعايزه ترجعي تردي..أنا هحترمك ..سلام ياقمر

افروديت يقول...

صباح الخير/حضرتك تنورالمدونه وعربية الفول بتاعة المدونه ..وبشكرك ع المرور

resalatye يقول...

معلش يا حببتى بكره ان شاء الله تاكلى لحمه لما تزهقى منها وبردو متتحرميش منها وبردو تاكلى فول لان الفول رمز المصرين

افروديت يقول...

رسالتي/هوانتي من المريخ..شكرآوهعمل حسابك في اللحمه أول ما نقبض عليها

الأرمـوطــي يقول...

السلام عليكم
ياريت كان هم الدنيا اكل او يمكن انا بقول كدة لانى مش محروم منة مش عارف لكن عموما فلنرفع سويا شعار لا للفول بعد اليوم
دمتى لمن تحبى

Brots يقول...

لو الفول بيخلى الشعر اصفر كده الواحد هيغطس فى قدرة فول يا اخواتى
ااقرى قصيدة الفول واللحمه لعمنا احمد فؤاد نجم يا افروديت

مدونه لذيذه
سؤال بريئ هو ليه انا عمرى ما شوفت بنوته حلوه بشعر اصفر دهب وحرير وعيون زرقا زى موج البحر ؟
هل ده بسبب الفول ؟
سؤال يطرح نفسه

افروديت يقول...

الأرموطي/ أنت معارض ولا ايه دول كانوا الناس يعملوا اعتصام ويطلبوا محاكمتنا في ميدان طلعت حرب ..يرضيك كده..نورتني بجد وشرفت مدونتي

افروديت يقول...

brots/ماذابك ممنوع منعآباتآ معاكسة صور المدونة نرجو الاحتشام.. شكرآ ع مرورك

افروديت يقول...

prots/احنا سيبونا نموت باللحمه وانتوا تعيشوا وتاكلوا الفول..حلوه اوي فعلا يابروتس عندك حق

سـولــو - QŁρ 7žēŋ يقول...

الــفول وجبتى المفضله :D

افروديت يقول...

qlp7zen_سولو/أنا كمان بحب سندوتشات الفول بس من العربيه وبالشطه.. ميرسي جدآ ياسولو ع مرورك وتواجدك

ويكا يقول...

بطلته يا بنتى من زمان

هى الحكايه ناقصه نهيق

افروديت يقول...

ويكا/ كده أحسن برضه..ياتري بتاكل ايه ياويكا؟ شرفت مدونتي والله

سـولــو - QŁρ 7žēŋ يقول...

يا سلام زى انا مش بكله غير من ع العربيات
اهاااااااااااا اهاااااااااا اهاااااااااا
ده بيساعد ع الزكاء حتى
اهااا اهاا اهااا

فاروق بن النيل يقول...

أفروديت .....
والله إنتى تستحقى جايزة على القصيدة الهايلة دى والجايزة هيا قدرة فول بس من النحاس الخالص ووزنها 100 جرام ومطلية بالدهب طبعا فوق حلة المسند اللى مفتوحة من قدام عشان لزوم النار والسوا أصل مافيهاش فول مدمس فيها ورد وفل وياسمين ونرجس للحلوه "سها" ( أفروديت ) قصيدة جميلة بجد... شعبية مع الزيت الحار والدقة والبدنجان المخلل بدون بصل على فكرة عندى قصيدة فيها شوية فول مدمس

افروديت يقول...

qlp7zen_سولو/فعلآبينمي الذكاء اوي ياسولو ..بس أنت أخدت جرعه زياده ولا إيه ..أناخايفه عليك ايه موضوع اهاااااااا دي..أوعي تسيب نفسك كده..قلقتني ياسولوهههههههههه..نورت

افروديت يقول...

فاروق بن النيل/بجديااستاذرأيك أني أخدجايزه ع العموم أنامتنازله للناس عن قدرة الفول الدهب وجايزتي الحقيقيه هي مرورك عندي والله ..ميرسي علي كلامك الحلوبنتعلم منك ياأستاذ..أسعدني تواجدك