الثلاثاء، 1 يونيو 2010

لوممسكتش العياااااااال دي ... بالنار هطخ..!

إفتوا ياشباب الفيس بوك                            إنتوا وبتوع التدوين
 كل واحد يقول رأيه                              وأل أيه هتحرروا فلسطين
 كل واحدشايف نفسه                                إنه هيبقي صلاح الدين
 أحناحكومه الكترونيه                           نظيفه ..نظيفه .. وميه ..ميه
 إيه يعني الناس جعانين                         ومش لاقيين ..حتي الطعميه
 مالكوا إنتوا ومال بلدنا                            داأحناالحكومه ...الذكيه
وذكاوتنا بالصلاة ع النبي                          بنستوردها من الأغبيا
 بس في السرقه شغاله                            وفي النصب ولاد محتاله
ومين إنتي كمان ياحلوه                             إنتي أيه "أفروديت"
 هتعملي نفسك زعيمه                              وأنتي مجرد حتة بت
أوعي أسمع صوتك تاني                        و"أناحره" دي مش تعباني
  مناقايل مي الأول أن                          في ديمقراطيه بالأسم "فهماني "!
ومين أنت كمان ياسي "شارم"                   بتقول هتحكم فين ياخويا
هأ.هأ.هأ.دا بينه "ضايع"                          ركزفي كلامك يابن أبويا
 اللي مش هيفتح مخه                                 وهيمشي ...جوه الحيط 
هنططه.... وأشعطته                             وعلي وراالشمس ..أوأبوالغيط
واللي هيركزفي الأغاني                           ومش هيقول "لأ" دي تاني
وينسي البلد واللي فيها                             مين سرق .. ومين نهب فيها
  هنغنغه .... وادلعه                                وأن حدفني بطوبه .. هعديها
  خلينا ماشيين كده                                      إحنا مالنا .... كويسين
الميه ... هياخدوها منا                             والغازبتاعنا .. في مكان آمين
 صهاينه .....صهاينه                             يعني مالهم دول مليارات وملايين
دي مصالح .. ودي مسالك                           وسكك مايعرفها الشياطين
   الله ...يحرقكم بجاز                                  إنتوا والصهاينه الملاعين.

هناك 36 تعليقًا:

افروديت يقول...

الدنيا بقت صعبه أوي واحنا فيهابنتفرج علي بيلعب بالبيضه والحجر وع اللي الناس فيه بتدحرج ..هنعيش لحد أمتي ساكتين كده ..يارب أرحمنا مي الظلم ده"أحنااتخلقناعشان نعيش مش نموت بالحياه كده ".

-_- يقول...

الله يحرقهم

أحمد الصعيدي يقول...

افروديت



أتفق معك

مابين مطرقتي النار والحكومة تتبدد الأمال

كل ما نرجوه أن يصلح الله حال العباد ولنبدأ بمن نعول


يارك الله لك

واضح احساسك بالموضوع جامد

Alaasalim2 يقول...

كلام جميل والله وصحيح مية في المية
ربنا يلعن الصهاينة وأتباعهم في كل مكان

هتشوفوا يقول...

وانتي كمان شدة حيلك على عفروتو, جميل ان التعبئة العامة تبقى كلها في اتجاه عفروتو

Amr Essam يقول...

لقد هانت علينا أنفسنا يا صديقتي حتى صرنا بلا ثمن .. نحن يا صديقتي نكره الكيان الصهيوني ولكن أكثرنا يتمنى أن نكون بنفس القدرة والتنظيم .. نحن صرنا للأسف أمة مهلهلة تمزقها الصراعات وعدونا منظم بشدة .. نحن نكافح من أجل (لقمة العيش) فى زمن صارت المادة هى شعاره الأول .. وحينما تكون (لقمة العيش) حلم صعب المنال هيهات أن يفكر العقل في شئ سواها .. نحن من إعتاد أن يحيا مقهوراً ومجبوراً على أمره لأننا إعتدنا أن نحيا في وطن يحكم بالحديد والنار ..
لقد هانت علينا أنفسنا فهنا على الآخرين .. وكما قال الشاعر الرائع سميح القاسم .. وبكينا يوم غنا الآخرون !!
تقبلي مروري.

أم الخلود يقول...

سلمت الأنامل غاليتي وشكرا كثيرا على مشاعرك الرقيقة وسؤالك عني وأجوا أن أكون عند حُسن الظن وإذا أردت أن تتعرفي على قصدي أكثر أرجوا الإطلاع على مدونتي الأولى الشجرة الأم لتعرفي ماذا أقصد بقولي وتحية صادقة من القلب لك وبارك الله فيك

UncŁē Sam يقول...

بصى مش هيحصل تغير غير مننا احنا بس
واحنا مجرد كلام مش اكتر لكن مش فعل
وحكومتنا دى حكومه جميله لطيفه
ظريفه
عارفه انا نفسي اداره امريكيه تمسك بلدنا
بس شرط ان يكون وفائها لينا

خالد يقول...

مدونة جميلة وفيها أفكار هادفة
وموضوع الشعر العامي ده بيديكي خصوصية مميزة عن باقي المدونات

مافيهاش تكرار ممل ولا فيها تكلف زي بعض المدونات اللي هدفها دخول اكبر ناس لكتابة تعليقات ومجاملة
العبرة مش بزيادة العداد والتعليقات والمجاملات ولكن سيدتي كوني انتي كما تحبي ان تكونين من غير تكلف او بحثا عن مجاملة او شهرة زائدة
ولكن الامر مايسلمش من بعض النقد
من الملاحظ ركاكة بعض الالفاظ وخاصة اللتي لها اصل في اللغة العربية او منها حروف معروفة
مثل حرف القاف يكتب لكن في العامية يقرأ همزة ولكن لا تكتب
ودي كلها حاجات بسيطة ممكن تداركها حتى لا يحسب عليكي خطأ املائي او لغوي
اعذريني لاني رغم تقصيري في حق اللغة العربية الا اني من عشاقها
وانتي حتما تعرفين ان نقدي هذا لمزيد من تقدمك وليس المقصود منه الاحباط اطلاقا
وفقك الله يا أفروديت يا شاعرتنا القادمة
اخوكي خالد

خالد يقول...

اقتراح
من المفيد جدا قراءة تاريخ أعداءنا ومعرفة جذور العداوة المتبادلة بيننا حتى لا يكون حماسنا وليد لحظة انفعال يستمر لفترة ثم يخمد ولكن ادعو للمعرفة لانها تبني في أنفسنا رأياً صلبا لا ينحني أمام الرياح ولنعرف من هو عدونا حقا ونعرف أساليبه التي يستخدمها لصرف أنظارنا عن المشكلة الأساسية
خالد

momken يقول...

بالومه ينفع كده اول مدخل البويت الاقى حد بيعمل اتفو عليا

الله يكرم اصلك

وبعدين تعالى هنا
كالو الاستاذ احمد نظيف بتغلطى فى الاسياد ولا ايه

كلى عبش حاف يابنتى واتكلمى على اد مرتيك

البلد حلوة والديمقراطيه خنقتنا
والفلوس كتير
والبطاله وحشتنا
والفساد مش عارفين يعنى ايه
والتعليم زى الفل

والاستاذ شارم عاوز يحكم يحكم هو حر لس بقرا الاول الماده سته وسبعين ولو فهمها يبقى يحكم

الا صحيح فين فلسطين دى؟؟؟؟؟؟

تحياتى

(ست* جنى* الحسن) يقول...

سلامو عليكو..
احييى اسلوبك الساخر واللى للاسف حقيقة وجزاك الله كل خير على احساسك باللى حواليك.
لك تحياتى
برجاء قبولى صديقة للمدونة

dr.lecter يقول...

احنا شباب الهيء والميء لازم طبعا نغير الكون

مدونه ما كفايه بقى يقول...

كلامك جميل اوى يا افروديت وجاى على الجرح تمام
بس احنا الشعب اللى عملنا كده فى نفسنا احنا لو مكناش سكتنا للحكومه من الاول مكنش زمان ده بقى حالنا بس احنا اهو جعانين وساكتين عاطلين وساكتين مسروقين وساكتين هنعطش وبرده ساكتين مهاجرين وبرده ساكتين
يا رب ننطق بقى الواحد اتخنق بجد

تقبلينى صديقه لمدونتك

Unknown يقول...

الاخت الجميلة
ابعث اليك بارق التحية والتقدير علي كل ما تجودين يه ومش هاقول كلام جميل لا دا كلام واقع لانة بيتكلم عن ما بداخلنا جميع
ولك كل التوفيق

مدونة الحُجَّةَ_ابْنَ_عَائِشَةَ_alllprooof@ يقول...

احببت المرور على مدونتك و القاء السلام عليكي ,,,
ما شاء الله فعلا مدونه جميله ,,,
و كلمات معبره ,,,
و كله كوم و الفول كوم ,,,
مدونتك ممتعه جدا و فيها احساسيس صادقه ,,,
عسى الله ان يوفقك في جهدك ,,,

افروديت يقول...

أحمدالصعيدي/ان شاء الله ياأحمدربنايصلح الحال لانه حالنا وحال ناس غلابه فعلآ ليهم حقوق مش ليهاأول من اخرومش عارفين ياخدوها..ميرسي ياشاعرناياكبير ع مرورك الكريم.

افروديت يقول...

sharm/ الريس شارم بذات نفسه لا مش ممكن .. بس خللي بالك ياريس أنامعارضه.. معارضه..نورت ياشارم وربنايسمع منك.

افروديت يقول...

علاء سالمAlaa_ salim / مش احلي من كلامك ياعلاء انت بجدشاعرموهوب وعندك احساس راقي ..وميرسي بجدع مرورك وربنايقبل مننا يارب عشان نرتاح منهم

افروديت يقول...

هتشوفوا/ طبعاياطارق وهتستمرلحدمايرحل ويارب تجيب نتيجه .بشكرك ع المرور ونورت بجد

افروديت يقول...

Amr ESSAM/ عمروانامعاك في كل كلمه كتبتهاوده مش جديدعليك أنت انسان حساس ومدرك لمانعانيه ..وفعلآ سكوتنا وقلة حيلتنابتشكل اكبرجزء من المشكله.. نورت في مكانك ياعمروواسعدني وجودك.

افروديت يقول...

أم الخلود/ حبيبتي ومن أغلي الناس علي قلبي ..وجودك اسعدني كثيرآ وكنت أعلم إنك ستعودي وقد عدتي بالفعل بالله عليكي لا تفعليهامره أخري .. فمن الصعب أن نجدناس نحبهم دون أن نراهم ..نورتي يااحلي دندنه وشرفتيني بجدياقمر.

افروديت يقول...

QLP7ZEN_سولو/ليه كده بس ياسولو عايزتجيب لناعفاريت هناكمان مش كفايه الافيها.. يابني أوعي تقول كده وعمرماهيكون في اي أداره وفائهالحد مصرمطمع لناس كتيروبالذات دول دي امريكاياسولو أللي دبحت صدام زي خروف العيدواللانسيت.نورتني ياسولووذاكركويس..

افروديت يقول...

خالد/ شرفني وجودحضرتك وسعيده بكلامك وملحوظاتك بس للاسف أناطول عمري بليده في النحوومفتكرش بعدمااخدت بكالوريوس هعيده تاني.. نورت يااستاذي الفاضل

افروديت يقول...

خالد/ سعيده جدآ باقتراح حضرتك وبالتاكيدسأعمل به قريبآ .. ميرسي ع زيارتك المفيده وكلامك..اسعدني تواجدك

افروديت يقول...

MOMKEN/هههههههههههههههه.. "أفتوا" يابني اتعلموهابقي..مكنتش اعرف اللامنك ياممكن ان نظيف من المبروكين ..بركاتك ياشيخ نظيف نفسي ترحمنامنهابقي.ولعلمك "شارم "اناهرشحه وأنت كمان يبقي كده ضمناصوتين وهنكتسح..نورتني ياممكن.

افروديت يقول...

(ست * جني * الحسن)/ طبعاانت صديقه للمدونه يامامت جني القمروالحسن والجمال ..ونورتي مدونتي بجدوميرسي علي كلامك الرقيق.

افروديت يقول...

DR_Lecter/احناشباب وبنات جدعان وحتي لو مش غيرناالكون ممكن نغيرحاجات بسيطه للاحسن..ميرسي يادكتور ونورت مدونتي المتواضعه بجد.

افروديت يقول...

مدونه ماكفايه بقي/ فعلاعندك حق وان مش كنتي قلتي الكلام ده كنت هتاكدمن صدقك في البوست بتاعك واحسن انك قلتي كده عشان اتاكدانك موجوعه بجدزيناوأن الناس فهموكي غلط..طبعآانت صديقه للمدونه ولصاحبتهاكمان.نورتي ياقمر

افروديت يقول...

Ali younes/أخي الفاضل بشكرك ع كلام حضرتك وده كتيرعليه يابشمهندس أحناعايشين فيها وبتاعتناولازم نحس بيهاغصب عننا..نورت يابشمهندس وشرفت

افروديت يقول...

alllprooof/مرورك ع مدونتي شرف لي واتمني تكراره ..وبشكرحضرتك ع كلامك الجميل ودعوتك ربنايوفقناجميعآيا أستاذ..نورت المدونة

أحــوال الهـوي يقول...

صباح الخير

ايه الكلام النار ده
ابيات قوية ديناميتيه و للاسف اللي المفروض يسمع اطرش

صور جليه مجسمه من الواقع و للاسف اللي المفروض يشوف اعمي

لكن الحمد لله اللي المفروض يتكلم و يعترض لسه بيصرخ وان شاء الله صوته يعلي لحد ما يسمع الاطرش

تسلم ايدك

مدونه ما كفايه بقى يقول...

افروديت
اولا تحياتى لكى
ثانيا انا اكيد موجوعه زى اى مسلم عنده قلب
البوست اللى قلته كان له سبب وجيه
ادعوكى لمعرفه السبب وقراءه البوست الجديد
وده الرابط http://itwasmyhope.blogspot.com/2010/06/blog-post_04.html

تحياتى لكى حبيبتى

افروديت يقول...

احوال الهوي/ميرسي جدآ علي الكلام الحلوالكتيرعليه..وفعلاعندك حق ..بس تفتكرحدهيسمعناياأستاذي ..حقآلاأظن..أسعدني تواجدك

افروديت يقول...

مدونه ماكفايه بقي/أختي الفاضله بداية لم أقصدأي شيء سيء وكلامي واضح..واعلم منذالبدايه أنكي ماكتبتي هذاالبوست الالسبب وبالفعل قدتحققت غايتك واعلم انكي تحبي فلسطين وتغاري عليهامثلناجميعآوأن كانت صديقتك قالت هذافيجب أن تقولي لهاحقيقة الامروتكوني بهذاقدفعلتي ماعليكي..سلام أختي الغاليه ويسعدني تواجدك ومشاركتك الهادفه.

محمود المصرى يقول...

اللهم امين بس تعرفى يا افروديت يا اختى اننا نسلط حكومة نظيف على اْسرائيل وهى هتجيب اجلهم اقتصادياَ وفكرياَ وعسكرياَ واساْل مجرب
انا زعلان منك لانك لاغايت دلوقتى مشتركتيش فى مدونتى مع انى اول واحد مشترك عندك ومتخفيش الاشتراك ببلاش
اخوكى
محمود المصرى