الأربعاء، 23 يونيو 2010

لاوالنبي ...ياعبده...!





أنقل إليكم هذاالخبرالأخبرمن مصرناالمنكوبة فقد شب حريق هائل في سوق التونسي والمعروف" بسوق الجمعة"وأسميه أناسوق الفقراء والمعدومين في هذاالبلدالذي تورمت عيناه من البكا علي حالناولم نبك نحن علي أنفسناوأن بكينانحرص أن يكون بكانافي صمت حتي لايحدث لنامثل ماحدث لخالدسعيدوتمحي ملامحناوأسامينامن علي وجه الأرض...وكالعادة لم تأتي سيارات المطافي إلابعدماتمكنت النارمن كل شيء وعندماوصلت أول سياره كانت فارغه أو بهاعطل ماوتعلمون جميعآأن هذاعادي جدآوالغريب أصلآفي بلدناأن تأتي سيارة المطافي والأغرب أذاكانت بهاماء أوليس بهاأعطالوكالمعتادأعتمدالناس علي جهودهم الذاتية التي باءت بالفشل لأن النارقدوصلت لكشك به أسطوانات الغازالمخزنة للبيع وبدأت النارتتوهج وحدثت فرقعات وانفجارات والمهم وصلت أخيرآباقي سيارات الأطفاء والتي تمكنت من السيطرة علي الحريق..ولكن الحقيقية أنامش بحكي الموضوع لمجردالموضوع أوأني اقول خبرأكيدسمعتوه أنابحكي لأني أضطريت خلال متابعتي للمصيبه دي إني أسمع رأي المحافظ "عبده" الله لايسامحه أكتشفت حاجات غريبة في تصريحاته منهاأن الناس الفقراإلا بيبيعوافي سوق الجمعة مش ساكنين هناك زي ماقالواوأنهم بيقولواكده عشان ياخدواتعويضات من الحكومةوأنهم أساسآغلطانين لأنهم قاعدين في السوق في أيام غيريوم الجمعة إلا هويوم السوق يعني وبصراحة غيرت القناة قبل ماأسمع كمان أن الناس البياعين بتوع السوق هماإلاكانواسايقين العربية الملاكي وقلبوهامن فوق الكوبري بس الشهادة لله الراجل الأميرلن يقل شيئآيذكرعن الكوبري وسوء بناءه وعمله وبصراحة أول مرة اشوف كوبري بالشكل ده    .                       
           
ودي صورة الكوبري النموذجي وهوشبه منحرف         
  وأخيرآأحب من مدونتي المتواضعة أوجه رسالة للشعب الفقري واقوله "نفض لنفسك لتتبهدل دي حكومة قادره يامدهول"...وأحب أقول كمان لمحافظ الأهرةيكبردماغه مش مهم يعوض الناس الفقرإلا الناربذات نفسهامش قادرة عليهم ومتحرقوش برضه وبفضل الإهمال بضاعتهم إتحرقت إطمن ياعبده إلا مامتش في الحريقه هيمووووووت من الجوع وداقرارذكي مش فيه رجوع وأقول للناس أن المحافظ عبده مش هيقطع نفسه كفاية عليه المدينة الرياضية إلابدأ يعملهاوهتكلفه بلايين عشان ترفهوا عن نفسكوافيهايعني تضربواالفول وتجرواعلي المدينة الرياضية تلعبوا جيم وسلة وتنس وتروحواأخرالليل تنامواعلي أنقاض العشش المحروقة. الراجل ده هيجننننننننني...!                    

                           

هناك 36 تعليقًا:

افروديت يقول...

ياجمااااااااااااعة ..لوغبت عنكواتعرفواإني في سويسراياإمافي مدينة عبده الرياضيه بليييييييييزبلاش من العيش والحلاوة واللي هيجاملني يجيب حواوشي وبيتزاويكتب إسمه ع الشنطة عشان أردهاله في ال........!

ويكا يقول...

طيب انا راضى ضميرك

اعلق على ايه ولا ايه ولا ايه؟!!!

على الخبر بتاع الحريقه ، ولا الميدنه الرياضيه ، زلا الكوبرى ، ولا عربيات المطافى ، ولا المسئول اللى مش مسئول خالص؟!!!!1

خدى بالك انا ذكرت اللى البوست بس ، لسه بقى الباقى .

لاحسن مصر خلاااااص ، بقت عباره عن بوكس من البلاوى الزرقه .

بجد
انا جوايالفظ ابييييييييييييييح خالص.
لو سمحتيلى بيه هبقى اقوله الحلقه الجايه .

لاحسن خلاص بصراحه شكلها ما بداهاش بقى

-_- يقول...

الفيديو اتنشر على اتحاد مدونات العالم

www.worldub.blogspot.com

تــركــي الــغــامــدي يقول...

بعض الحوادت تكشف لنا إلى أي مدى وصل الخلل في الأجهزة التي يُفترض أنها تكون على أهبة الاستعداد ومجهزة كما يجب لمواجهة أي حادث أو كارثه ، لكن للأسف الحوادث تقع والكوارث كذلك التي منها تلك الأجهزة .

راجل أديم يقول...

أفروديت الجميله

الناس ف أى مكان ع الأرض المصريه اللى شايلين بطائة هويه مصريه
حكومة العبابده جمع "عبده"
مسئوله عن تأمين حؤوؤهم ف سكن آدمى
ف فرص عمل شريف بعائد يحمى آدميتهم
فى تحئيئ أمن يليئ بآدميتهم
فى اتاحة فرص تعليم حئيئى
فى تأمينهم صحيا
حتى لو مش ساكنين هناك والبيوت اللى شوفناها والناس اللى اتكلمت ع القنوات دى زغللة عنين ولخبطة طبلة ودان
فالمصريين أيا كان مكانهم مسئولية حكومة مصر ياعبابدة مصر

سودى لون شعر البنوته وخليها تسمر وانا اجيبلك 9 ترغفه حوواشى بلحمة "عبده"

Haytham Alsayes يقول...

حسبنا الله ونعم الوكيل

لا تعليق

hend anwar يقول...

طيب يا ستى

تروحى وترجعى بالسلامة

Amr Essam يقول...

لا أجد ما أقوله إلا أن أدعو الله سبحانه وتعالى (اللهم لا تؤاخذنا بما فعل السفهاء منا).
تقبلى مروري !

افروديت يقول...

ويكا/لالالا لفظ أيه بس أنت عايزهم ياخدونابقانون الطواريء أناوأنت والمدونة..لاء أناأتأثروأزعل اوي ع المدونة ياوئام..نورت وربنا

افروديت يقول...

sharm/ بتطمني أن الدنياكلهاعرفت بالنكسة طيب قولي أهم حاجة صورة الكوبري النموذجي في الفيديوولا لاء..ميرسي شارم ع مرورك.

افروديت يقول...

تركي الغامدي/حضرتك بتتكلم ع المفترض واشعرإنك تتحدث عن دول أوربية وليست مصرالتي تريدحكومتهاان تتخلص من الشعب..ميرسي ع مرورك شرفت

افروديت يقول...

أنتخ/أنت أكيدمش بتتكلم ع الحكومة الألكترونية الذكيه ..أبعدعن صورة البنوتة ياأنتخ عشان قانون التحرش الجديدجايب من الأخر..ههههههه..ميرسي ع مرورك

افروديت يقول...

Haytham alsayes/ بشكرك ع مرورك الكريم شرفت.

افروديت يقول...

sun of free dom /الله يسلمك..ميرسي ع مرورك.

افروديت يقول...

AMRessam/ صدقت ..وميرسي جدآع مرورك.

Tears يقول...

البلد عايزة ثورة

لو الشعب لم يثور يبقى يستحق

mrmr يقول...

انت وجعتى قلبى زياده ما هو موجوع
بس عايزه اقولك ان ده مش جديد على البلد
كل اللى انت ذاكرتيه ده بيتكرر كتير قوى جدا
فمبقناش نستغرب بس بنحزن على الناس اللى مش لاقيه متوه ولا خرم ابره تنام فيه
عمتا تروحى يا حبيتى سويسرا وترجعى بالسلامه ومتخفيش مش ح اجبلك عيش وحلاوه
لان الحلاوه بقيت غاليه
ماله شندوتش الفول او الطعميه....
ياللا ربنا يكرمك

فشكووول يقول...

بنتى العزيزه افروديت
السلام عليكم
عادى اللى بيحصل .. ما هى بلد ما لهاش صاحب بيحصل فيها اللى يخلى الناس كلها تستقيل وبرضه ما حدش بياخد باله ولا حد بيقول انا غلطان .. الحقيقه ان احنا السبب وان احنا اللى ما اتحرقناش بالناس عشان احنا ما عندناش دم ولا عندنا عرض .. اصل احنا اصلا ما بنعرفش نتحكم كويس .. وهما يا عينى بيحكموا شعب ابله ولا بيفهمش ولا بيعرف حاجه .. هما اصل الحكمه واصل المعرفه واحنا جهلاء اغبياء

فى الحقيقه يا افروديت انا حـ اغيب شويه كتير والعمليه مش مصيف ولا حاجه .. هو احنا لاقيين الدقه لما حـ نروح مصيف ولا حتى نطلع من بيوتنا .. العمليه ان انا زهقت شويه من التدوين وعمالين ندن فى مالطه ولا حد سامعنا .. فقلت يا واد يا فشكول وفر صوتك ووفر مخك شويه وكبر الجمجمه على رأى العيال بتوع اليومين دول كبر الج ومش عارف ايه فى الدى .. بس خلاص
والى اللقاء بعد الفاصل

افروديت يقول...

tears/ عندك حق طبعآودي أمنيتي بس خليني أقولك مش كل الناس بتفكر زي وزيك في ناس كتيرغلابة وثقافتهم محدودة جدآميعرفش ولاوزيرولاحتي محافظين محافظتهمولايعرفواحاااااااجه خالص وفي اس تانين بينتظرواالفلوس إلابتتوزع في الأنتخابات عشان ياكلوابيهاصدقيني لازم وعي ولازم صحوة..وثورة..ميرسي ع مرورك تيرزشرفتي.

افروديت يقول...

mrmr/ سلامة قلبك يامرمرأنتوامضحين بيه أوي كده وبعدين تستخسري فيه ساندوتش الحلاوه هوالفول وراناورانا..مكنش العشم.ميرسي ع مرورك

افروديت يقول...

عموفشكوووول/هههههههه..طيب ع الله الفاصل ميطولش وترجع بالسلامه ع طول وتكون مبسوط ومرتاح نفسيآشويةوربنامايحرمنامن تواجدك أبدآ..هستناااااااك.

العلم نور يقول...

جزاك الله خير الجازء غاليتي أفردويت وراح أصلح التعليقات ..

وربنا يعينكم فكل أمتنا منكوبة ليس مصرنا فقط.

وبالنسبة لما طرحته .. فهو واقع أمة محمد ككل المفكك والمتآكل حتى النخاع ..
ونعتبر نحن المدونين النخبة وطوال مدوة سنة ونصف علاقاتي بأحدهم مستمرة في عالم التدوين للآن .. ورغم ذلك الأمر .. والثقة المتبادلة .. إلا أنه تجرأ علي ونعتني بالنكرة !!!

وإذا كان حال النخبة هكذا فمال بالك الأقل مننا .. فلم نعد أصحاب الفكر الحر الجديد .. وبالتالي أصبح فكرنا مشوه وبشع إلى القلة القليلة.

هل اتضخت لك الصورة؟؟

بارك الله فيك

TWEETY يقول...

ازيك ياطانت
انا جيت ازور حضرتك
هو حضرتك عاكلة ايه يارب تكونى كويسة
هو انت مبتجيش تزورينى ليه
انا هكون مبسوطة ما تيجى ماشى
مع السلامة

UncŁē Sam يقول...

هى جت بس ع الحريقه
ده احنا بلد بتزيد تقدما فى الفشل

العلم نور يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

محمود المصرى يقول...

دى كارثه من كل النواحى حكومه مهمله وناس غلابه مش لقين حد يدافع عن حقوقهم وناس تانيه ماشيه على الكوبرى بالعربيه وفاكرين نفسهم مايكل شماخر فى النهايه حسبى الله ونعم الوكيل
متنسيش موضوعى الجديد وهاتى معاكى كورة كفر تحياتى
محمود المصرى

مدونه ما كفايه بقى يقول...

الضمير اتعدم يا اخوانا

باحث عن حب يقول...

حسبنا الله ونعم الوكيل
ربنا يبارك فيكى يارب
احنا فى محنه كبيره جدا جدا
اختى العزيزه
والله مش لاقى تعليق
منه لله كبير العيله
منه لله

مدونه هنا السناهره يقول...

حسبنا الله ونعم الوكيل

افروديت يقول...

أم الخلود/ أحلي دندنة في عالم التدوين بجد..أولا سبق وقلت لكي لاتهتمي بمثل هذه التفاهات لكي لاتزيديهاشهرة وأهتمام..ثانيآمن ناحية ألدعاء أناعن نفسي بدعي وربنايشهد عليه بس نفسي تكون عندنا حلول تانية ..تعلمي جيدآ أن وجودك يزيد المدونة نورآ وجمالآ.

افروديت يقول...

qlp7zen سولو/طبعآ عندك حق ياأسلام بس الناس دول أغلب من الغلب نفسه بصراحة حاجة صعبة جدآربنايعنهم..نورت ياسولو في مكانك.

افروديت يقول...

TWEETY/ أناكويسه ومبسووووووووووووطه اوي أنك جيتي ياأيثارومش تزعلي مني أنامش كنت أعرف أن في بنوتة قمرزيك بتدون ..وطبعآلازم أزورك فورآاااااااااا..ميرسي ياأحلي بنوته.باي

افروديت يقول...

محمود المصري/ ربنايرحم إلا ماتوا ويصبرإللي عاشوا يامحمود..أجيب كورة وكفركمان ماااااااااشي ياعم نحضرحالآ..نورت يامحمودوانت عارف أنك نورت

افروديت يقول...

مدونة كفاية بقي /أنتي لسه واصلك خبرأنعدام الضميربس دلوقت دا من زماااااااااان اوي..نورتي ياجميلة.

افروديت يقول...

محمودباحث عن حب / وأناأكررنفس كلامك منه لله بس بلاش كلمة كبير العيلة دي"من غشنافليس منا" فمابالك بمن سرقناوجوعنا وقتلناووووووو..نورت يامحمود وأكيد مقتنع بكلامي صح

افروديت يقول...

مدونة هناالسناهرة/بشكرك طبعآعلي وجودك المحترم وبكررنفس دعوتك علي كل ظالم.نورت