الأربعاء، 1 ديسمبر 2010

أم الصبايا والجدعااااااااان

  مصرالحلوه ياام الصبايا والجدعاااان  
                                           
                                           لا شيله همي ولاشايفه ليه فيكي مكان
   خدوكي بالوراثه ... خدوكي بالعصايه
                                   
                                                وبالضرب ..تحت الحزام 
  خدوكي يامصر منا وطلعوا عينا وعينيكي   
                                             
                                             خدوكي غصب عنا ولعبوا بينا وبيكي  
     بيقولوا في أنتخابات وبرضه مزوره 
                                           
                                          قلتلهم شعبك ...مات  ...ودا اللي جايبنا وراا
     بحبك ..اه مش بنكر ...أناروحي فيكي كمان

                               بحبك غصب عني ..بحبك برضايا..بحبك من زماااان   
 
                 بيقولوا اني ... لاجيء   ......      بيقولوا اني ... ضعييييييييييف
           ماليش فيكي ... عيشه    ......            ولا ليه فيكي ... رغيف  
            مش عايز الرغيف      ......               بس أنا مش ضعيف 
          هعيش خفيف .. خفيف    ......          بس صوتي ميتمحييييش   
           أنتي مش بتاعتهم        .......                أنتي ملك الناس 
           اللي... دمهم              ........             مخلوط بترابك وبس  
      اللي دافعوا عنك في سينا   .........            وخلوكي مش حزينه
        رجعوكي للعذريه         ..........           مش عايشه في وحل وطينه  
      مع أني دلوقتي شايفه     .............              الوحل رمز ..... لينا   
        وبقينا غرقانين          .............             من ساسنا لراسنا طينه   
        قادرين نستحمي        ..............              طب ليه مش بنستحمي  
     ولا خدنا الوحل ستر       ..........                 وخدنا الطينه  زينه    
       ياناس فوقوا بقي            .......            دول اللي ماتوا صحيوا تاني   
    وأنتوا لسه غرقانين            ......            في الكبسه والبانجو والأغاني   
   مبأش في عندي شعر         ...........          مبأش في عندي كلااااااااااام 
   بكلم ناس مسطوله            ............         وناس غلابه ونيااااااااااااااام 
   بس كلمة أخيره               ............                 هقولهالك كمان     
   زي ما كلوا غيرك          ..............                    في الغابه   
                                   بكره ياكلوك أنت كمان  
  

هناك 49 تعليقًا:

افروديت يقول...

مبروك علينا حزب الخراب الديوقراطيييييييييييي

ياشعب يا ................

باحث عن حب يقول...

لآ
مجلش الشعب الوطنى
وحسبنا الله ونعم الوكيل

سواح في ملك اللــــــــــــــــــه- يقول...

عاشقه مصر افروديت
الله عليكي ياافروديت
انتي فعلا حره ووطنيه
بس مين يسمع
الظاهر فعلا ان بتكلمي
اموات
نحيتي الحاره جدا
ودمتي لنا اختا فاضله

BNT ELISLAM يقول...

الحمد لله
كلمه الشعب اكيد حير لينا
يارب
ياما تاخدهم ياما تاخد لشعب والله انا زهقت معدله حلالها كلمه واحدهننطق نتكلم
نتجرا
لسانتتنا عاليه بس فى الخاقات وفى البوت وفى شتايم لاكن فى حقنا ناخد على افانا

معلشى اعزرينى
بس بجد حاجه تخنق عارفين الحرامى وبنبةس ايده عشان يسرققنا
تسلمى على التوبيك الجميل

mrmr يقول...

هههههههههه
حزب وجع القلب
بالزمه انت بنتوته ذى السكر

-_- يقول...

لا حول ولا قوة الا بالله

مدونه ما كفايه بقى يقول...

أفروديت

انا اختنقت بجد من الكلام فى الموضوع ده

اعذرينى مش هقدر أعلق

انا بس حبيت أمر عليكى وألقى التحيه الطيبه

السلام عليكم

Tarkieb يقول...

...دا بيقلعه الجزمة اللي بيضرب بيها عز ٨٠مليون ...جزمة بركة

momken يقول...

بصى بقى والكلام لمصر

لو عاوزانى اشيلك فقلبى لازم تكونى تسحقى ده
عاوزانى اقول انى مصرى لازم تكونى اد ده

اسمعينى يا مصر هل انتى تستحقينى ولا انا كتير عليكى

تعبت ايوة تعبت كتير علشانك..انتى بقى قوليلى عملتى ايه علشانى

سيبك من اسطوانه التعليم والعلاج والكلام ده ..انا اتعلمت بفلوس اهلى..ولا دخلت مدارس حكومه ولا رحت مستشفيات حكومه
ملكيش عندى حاجه
مشوفتش منك حاجه
اعملى حاجه تخلينى اكمل علشانك مش هفضل اقدم وانتى تاخدى وخلاص ززززهقت

والى بقوله ده انتى عارفه انه من وجعى الى انتى مش حاسه بيه

تحياتى

مدونه ما كفايه بقى يقول...

ربنا يصبرنا

ذو النون المصري يقول...

مبروك علينا بقاء الحزب لاجل لا يعلمه الا الله

Carmen يقول...

اول زيارة لي عندك
كان نفسي اشوفك في ظروف احسن من كده ^_^
مدونة جميلة تسلم ايدك

فكرة من الزمن ده يقول...

افرو الجميلة
وحشتيني اوي يابنت انتي
كل مرة اجي اقول البت دي اتقفشت
ربنا يستر
يابنتي ده حمادة عزو عايزاه يوطي يقلع الجزمة اخص عليكي
ربنا يخليه لمصر مصر هي مامته
ضحكني اوي تعليق تركيب
جزمة بيتضرب بيها 80 مليون جزمة بركة اكيد

فكرة من الزمن ده يقول...

وكمان عجبني كلامك ياممكن ومعاك حق فيهقوي

افروديت يقول...

محمود باحث عن حب/ أهلآ بيك


نورت واسعدني تعليقك ..وفعلآ حسي الله ونعم الوكيل في كل ظالم

عباس ابن فرناس يقول...

بالمناسبه وقبل ما انسى
مبروك لحزب الحكومه
ومبروك لحكومة الحزب

وبالمناسبه برضو
هوا مين الواطى اللى موطى تحت احمد عز
اعتقد انه عز جديد جاى فى الطريق
تقبلى تحياتى
ومرورى

افروديت يقول...

سواح في ملك الله / ميرسي ياسواح ده من ذوقك .....

وفعلآ انا بكلم أموات منهم اللي مات من الظلم ومنهم اللي مات من الفقر وتعددت الأسباب والموت واحد ولكن علموني أن كل صمت يعتبر موت


تحياتي ليك

افروديت يقول...

bnt elislam/ أهلآ بيكي

أتكلمي هنا براحتك وعلي حريتك مش في بأيدينا غير الكلام ودي أقل حاجه هنحرم نفسنا منها.... مفتكرش

وعلي فكرة أنتي عندك حق في كلامك يابنت الأسلام نورتي وشرفتي

افروديت يقول...

mrmr / والله يامرمر أنتي اللي عسل وبيعجبني فيكي قوتك ع الأحتمال بجد عجباني جدآ ونفسي أكون كده

نورتي ياقمرايا

افروديت يقول...

sharm/ نورت ياشارم

"أن الله لايغير مابقوم حتي يغيروا ما بأنفسهم "

صدق الله العظيم

افروديت يقول...

مدونه ماكفايه بقي / وعليكم السلام ورحمة الله وبركاته


أسفه حبيبتي اذا كان أزعجك كلامي وشكل عليكي عبئآ نفسيآ ولكني حقآ مخنوقه مما حدث وما سوف يحدث أقولك ربنا يتولانا برحمته


نورتي ياكفايه وبقول معاكي كفاااااايه

افروديت يقول...

tarkieb/ ههههههههههه ...ماهوده من ضمن الأوليا اللي في المولد ويمكن كمان أهم ولي فمابالك بجزمته بقي بس المفروض تكون دهب خالص مش مستواه جزم الشعب... ياتركيب

افروديت يقول...

momken/ شوف ياممكن تعليقك أستوقفني عارف ليه لأنك الوحيد اللي قدرت توصل لنقيض كتابتي وقدرت تواجهني برافو عليك ....

أنامش سلمت بسلبياتهااللي خلاص خنقتنا بجد وأودت بحياة غيرنا أنت واجهتها وقلتلها علي كل حاجه وحشه عملتهافينا وقلتلها خلاص أحناهنبطل نديكي عشان أنت مش بتدينا بتاخدي بس

كفااااااااااااااااايه

أنا متفقه معاك في كل كلامك بس بجد أنابحبهاوزعلانه منها

تحياتي ليك ياممكن

افروديت يقول...

مدونه ماكفايه بقي / يارب يصبرنا ويبدل حالنا وحال بلدنا بأحسن حال

تحياتي ليكي ليس لناملجأ ولا منجي غيرالله سبحانه وتعالي

نورتي وربنايكرمك يارب

افروديت يقول...

ذو النون المصري / أن شاء الله ربنايزيح الغمه ويرحمنا من أكلي لحوم البشر دول


نورت وشرفت ياأستاذ أسعدني تواجدك

افروديت يقول...

karmen/ أهلآ كارمن

الحقيقه هي مش ظروف خاصه دي عامه وشامله كل حد بيحب مصر

نورتي وميرسي علي ذوقك ومرورك

افروديت يقول...

فكره من الزمن ده / وحشتيني يافكرتي بجد ليه بتغيبي يابنتي

دا بقي سي حماده عزو اللي الشعب أتربي في عزو " يخرب بيت باباه"

فعلآ تعليق" تركيب" عجبني لأنه في محله ومش مبالغ فيه

أماتعليق" ممكن " فخلاني أعيد تفكير في حبي ليها وأقول لها هاتي زي ما بتاخدي عمرناوشبابناوأرواح ناس بريئه كل ذنبهم أنهم فقرا

نورتي يافكرة وبلاش تغيبي تاني

eng_semsem يقول...

من اكتر الحاجات اللي كانت بتتعبني وتحسسني بالاهانه في ذكرى اكتوبر المجيد بقعد افتكر هو اللي مات وراح شهيد عشان خاطر نوصل لكده والله عيب اللي بيحصل في مصر بقى كده يروح دمه هدر وانا ابويه اخد شظيه في عنيه وعمل عمليتين عشان يعيش كده ويعيش ابنه كده حرام بجد تعبنا وزهقنا ودفعنا كتير هنقبض امتى

شريف القاضى يقول...

رغم أنى مش من هواة الشعر ..
الا أنى قريته ...
ورغم أن دى أول زيارة ...بس أن شاء الله تتكرر ...
وأحلى حاجة عجبتنى الصورة بتاعت
رحلتى من التزوير الى التوريث ..

فشكووول يقول...

شوفى يا افروديت
طول ما احنا بنقول بنحبك وهى بتضربنا بالجزمه .. لازم تشوف العين الحمرا مننا .. طب يا فرحتى اضربنى يا حبيبى بالجزمه بس ما تنساش انا انا بحبك.. يا فرحتى

كلام على بلاطة يقول...

التزوير حقيقة واقعة لا محالة
وكلنا مسئولين فيه
وللاسف كل اللى قادر يزور بيزور

افروديت يقول...

عباس بن فرناس / أوأبنودي المدونات

فعلآ حزب الحكومة وحكومة الحزب

وكمان بقي مجلس الحزب فقط

أما الشخص اللي وصفته بالواطي فهو أكيد غصب عنه محتاج مضطر متحامي فيه

أنابعتذر أنك وصفته بالكلمة دي أنابرفض أهانه أي أنسان حتي لوكان هو اللي سبب الأهانه لنفسه
أكيد ياعباس محدش هيكون مبسوط لما يفضل واقف مخصوص لغيره شايل له جزمته وكمان بيساعده في قلعها ولبسها .....مفتكرش بجد

سعدت بمرورك ورأيك

افروديت يقول...

eng _semsem/ كل حاجه بتحصل بتحسسنا بالأهانه والضعف عارف ليه لأننا فعلآ ضعفا جدآ والظاهر أننا أتعودنا منطلعش راسنامن الرمل مهماكان الوضع سيء

ميرسي علي مرورك ورأيك

افروديت يقول...

شريف القاضي / أهلآ بيك

شوف الشعر اللي بكتبه بيوصف حاله عامة وأنت بتقول الي مش ليه في الهم يبقي يابخته وأناشعري بتكلم فيه عن هم أزلي لشعب غلبان يبقي ياتري أنت من أنهي ناس اللي تحب تقرا وتشارك ولا الناس اللي مش عندهم هموم

نورت ياشريف وأسعدني رأيك الصريح

افروديت يقول...

فشكوول / طبعآ أنت رأيك أساسي ومهم عندي

أنابحبهابس مش بنكر أني زعلانه جدآ منهاولو جت لي الفرصه اني أسيبها هسيبها

شفت الناس اللي راموا نفسهم في حضن أسرائيل أهم مبرارتهم سواء كانت كذب أو حقيقه وأظن أنها حقيقة أن المصري مالوش أعتبار ولا أحترام في بلده لكن بيحترموه جدآوهو حامل أي جنسيه تانيه

نورت يافشكووول وأسعدني رأيك

غير معرف يقول...

السلام عليكم و رحمة الله و بركاته أتمنى أن تقبلوني ضيف خفيف في مدونتكم

تقبلو سلامي و تحياتي و مروري اخواني الأعزاء

ويكا يقول...

استااااااااااااااذ

:)

المدفعجي يقول...

حزب الحزن الوطني والله اللي بيمشي ورا حياخد وزر كبير

Beram ElMasry يقول...

اللاخت العزيزة افروديت
تحياتي لصدق احساسك بما نحن فيه من ملرارة وكدر حفظك الله من كل مكروه. واشكر لك تشريف مدونتي
تحية ولام ولاسلام مع بني اسرائيل

Unknown يقول...

كلماتك وجعت قلبي
ربنا يرحمنا و يرحم بلدنا
تحياتي الخالصه لكي

افروديت يقول...

مدونة الأمل / مرحبآ بك

ولكن أسم مدونتك جعلني أتساءل هل هناك أمل في أي شيء

ميرسي علي مرورك ومرحبآبك في أي وقت

افروديت يقول...

ويكا / هو مين اللي أستاااااااذ

عز باشا

ياعم دي البشويه حتي أتلغت من زمان

حمدآ لله علي سلامتك

نورت ياويكا وشرفت

افروديت يقول...

المدفعجي / أهلآ بيك

أكيد اللي هيتبعه هياخد أوزار كمان مش وزر واحد بس صدقني سياسه عايز أكون أقوي بتجذب الناس لأنهم يتبعوه

لأني لا أري سواه قويآبالبلطجة والتزوير

ميرسي علي مرورك ورأيك

افروديت يقول...

beram elmasry/ اهلا بيك

انت بتكتب اروع من كده بمراحل

كلامك ده من ذوقك بجد

نورت واسعدني تواجدك

سلام ولا سلام مع بني اسرائيل ومن والاهم

افروديت يقول...

شيرين سامي / اهلا بيكي

سلامة قلبك ياقمر ان شاالله قلبهم هما

ميرسي علي مرورك وكلامك

ويكا يقول...

انتى اللى استاذ ياحجه

فاروق سحير ( فاروق بن النيل ) يقول...

أفروديت ........
الله عالكلام الموزون والله رائعة وعجبتنى بس آسف عالتأخير كنت عيان ومسافر ومشغول عندى حاجات كتيرة أخرتنى وشكرا لكى وماتزعليش منى

افروديت يقول...

ويكا / ميرسي يابشمهندس من ذوقك بجد

الكلام مش نافع ولافي حاجه هتنفع في البلد دي خالص

ميرسي علي رأيك ومرورك

افروديت يقول...

فاروق بن النيل / مفيش داعي للأسف ياأستاذنا

ولايهمك تيجي تقرافي اي وقت تنورطبعآ


وميرسي علي مرورك