" صوت أحد شهود علي واقعة مقتل مصطفي عطية علي يدالمخبرين "
فيكي أيه ياأسكندرية بقول عليكي ساحره وصبيه
واتاريكي لامه شويه وحوش
وناس غلابه مبيفقوش
من جرايم البلطجية
الأول كان خالد وبعده كان أحمد شعبان
وانهاردة مصطفي وكلهم ماتوا بأسفكسياكمان
ماهم مش بلطجية وبس دول معتادين أجرام
مخبرين أكيد فاجرين هماواللي مشغلهم كمان
أمتي بقي هنفوق مي الهم ونبطل شغل النعام
يامصرلسه لابسه أسود عليه ولا قلعتيه شويه ...شويه
بس المرة دي مش عشاني عشان فيه قتيل تاني
غيري أنا وأحمدشعبان مصطفي كان مواطن أنسان
كان فاكر انه ليه حقوق وقتله كان من ضمن الحقوق
بس ..بس صراخ وعويل مصطفي ..مش أخر قتيل
لسه في بعده كتيييييييييير وكله مي الكاس ... هيدوق
هناك 36 تعليقًا:
قطعتى قلبى لما قريت الكلام ..حاجة تحزن شباب زى الورد يروح هباء
معنديش حاجة اقولها غير انى اترحم عليهم واقول انا لله وانا الية راجون
بجد حزنت جدا
طبعا كلماتك معبرة عن الحالة المأساوية
التى نعيشها الان
مشكور حبيبتى
ياعينى عليكى يامصر
ربنا ينتقم من الظلمه
معنديش كلام اقوله
افروديت
عاشقة مصر
عايز اعرف اشمعني اسكندرية
اللي بيحصل فيها الكلام ده
بجد ده تساؤل محيرني
تحيتي الطيبة
لا حول ولا قوة إلي بالله
معلش
أصل حسني مبارق بقي ناهب البلد
مبقتش بلد يا عالم
مبقتش بلد يا بشر
وهدنها لابسه اسود لعند لما الحزب ينشال من الحكم
السلام عليكم
والله ماعندي كلام اقوله غير حسبيه الل ونعم الوكيل
يمهل ولايهمل
بيجيك يوم ياظالم
تقبلي مروري
سلامي لاجمل وارق افروديت.
رائعة انت دائما
هدف جميل منك
تحياتي العطرة
ما ادري ماذا أقول
غير أن أدعو لهذه الامة بان يرحمها الله
==========
خالص تقديري واحترامي لقلمك وفكرك
تقبلي مروري
Casper
مصر بقيت فيها حاجات ولا اللي بيحصل في فلسطين من اسرائيل بس احنا اللي ساكتين ومتكتفين ومربوطين كلنا في ساقيه ويغمو عينينا كلنا بس احنا مش هنسكت وهنفضل نتكلم وربنا معانا
تقبلي تحياتي على كلماتك
لغاية امتى ح نفضل كده ساكتين؟ فاضل ايه تانى يحصل؟
السلامو عليكم
والله بيجيلى حاله غريبه قووى لما بسمع الكلام ده ولما بعرف انه احنا لسه عيشين جوه بلدنا زى الشعب المحتل كأن الشرطه دى محتل واحنا عدوها الاول
بيجيلى حاله فوران فى جسمى ببقى مش طايق هدومى
ولو شفت منظر قدامى مش عارف ممكن اعمل ايه اكيد هودى نفسى فى داهيه
بس عادى بقى ما احنا رايحين فى داهيه رايحين
يبقى نروح بفايده بقى
انا معنديش تعليق خير انى اقول
حسبى الله ونعم الوكيل
السلام عليكم و رحمة الله و بركاته
ان شاء الله تمام أردة ان أدعو كل أصدقاء مدونتكم المتواضعة لزيرة مدونتي و المشاركة في الموضوع الجديد الدي عرضته
في انتضار زيارتكم تقبلو مني فائق الاحترام و التقدير
سلام
تسلمى حبيبتى لعى البوست
حسبنا الله و نعم الوكيل
فى كل ظالم يارب
تحياتى لك
شهوه القتل بقت متنشره في الداخليه
كل اللي بيحصل ده بيسرع من عداد النهايه
متتفاجئوش لو حد تاني مات الاسبوع الجاي
كل ده بيزود العد التنازلي
تخيلى ان النظام الجبان
مجند حوالى اتنين مليون عسكرى امن مركزى
علشان يحارب بيهم الشعب الغلبان
حاجة تقرف وتدعو للغثيان والأشمازاز
ولازال استعباد الشعب مستمراً
أفروديت .........
تصدقى لو قلتلك أنا قرفت خلاص كلما أتيت مدونتك أجد شهيدا عندك تواسيه بالشعر والغريب من إسكندرية يسلم كلامك ولو لبسن إسود على اللى بيموتوا من الظلم يبقى حانودع اللبس العادى للأبد رائعة كما أنتى دايما
وبأعتذر على قطع قصيدتى ( سيبونى أعيط شوية ) فقد كتبتها فى بورسعيد الجمعة وأثناء إرسالها حدث قطع للنيت ( USB) وعندما عدت للقاهرة وجدتها أرسلت بيت ونص فقط وهى حولى 12 بيتا وقد إستكملتها وشكرا لكى على تعليقك عليها
اخبار تسود الوجه
هبه فاروق/
ميرسي ياهبه أحنافي أبتلاء عشان ساكتيييييييييين ومش بنثور وخلاص أخدناع الوضع وكأنه عادي لدرجة أنه أتكرر وهيتكرر
تحياتي لرقه قلبك ياهبه وميرسي علي مرورك وكلامك
مدونة ماكفايه بقي/ أهلا بيكي
ربناعلي كل ظالم
أكيد في ...... أمل
مش كده
نورتيني
سواح في ملك الله/ أهلا بيك
تصدق أناكمان بسأل نفس السؤال
أسكندريه ليه؟
شوف ياسواح التعذيب ده بيحصل في كل السجون واي حجز حتي
بس دول اللي أتعرفوا
أو تشوف حد يقولنا اشمعني اسكندريه
ميرسي علي مرورك
أشبال أون لاين / أهلا بيك
أكيد رأيك صح أنامتفقه معاك أنها بقت خرابه ومليانه عفاريت
وأولهم الزعيم
ميرسي علي مرورك ورأيك
مدون فارس / اهلا بيك
أنسي .. لسه أدامك خمس سنين ربنايديناالعمر ونعيش ....
ميرسي ع مرورك ورأيك
خواطري مع الحياه / أزيك حبيبتي
ميرسي علي أحساسك بالغيروتضامنك معانابكلامك الرقيق ربنايكرمك ياقمر
تحياتي ليكي يارشا أنتي روحك حلوه أوي
karmen/ ميرسي ياكارمن
علي كلامك وربنايخليكي
تحياتي ليكي
casper/ أهلا بيك
ميرسي ياكاسبر علي دعوتك ليهم بالرحمه
ربنايرحمناجميعآويرفع الظلم عنا
ميرسي علي مرورك وكلامك
eng_semsem/ اهلا بيك
ميرسي يابشمهندس علي مرورك وكلامك وأكيد مش هنسكت وهنفضل نتكلم
وبصراحه نحن لانملك الا الكلام فلايمكن التخلي عنه
تحياتي ليك
tears/ أهلا بيكي
فاضل أنه يطلع قرار بتصفيه الشعب وهذامايحدث الأن ولكن علي نطاق ضيق
ميرسي تيرز علي مرورك ورأيك
محمد التركي / وعليكم السلام ورحمة الله وبركاته
لا.. لا مش عيزاك تتهور خليك عاقل دول مش بيرحموا حد
الموضوع لن يحقق نتائج بجهود فرديه
لابد من عمل جماعي
تحياتي ليك وميرسي علي مرورك يامحمد
مدونة الأمل / أهلا بيك
ميرسي علي الدعوة وأكيد زيارة المدونة شرف ليه لأنهاجميله فعلآ
ميرسي ع مرورك
سلسبيل / أهلا بيكي
ميرسي علي كلامك وزيارتك
تحياتي ليكي
dr_lecter/
بجد أنامش هتفاجيء
بس العد التنازلي ده لمين يادكتور
تفتكر ميلودي هتعرض في حملتهاالجايه فيلم" نهاية شعب مصر "
الأنتخابات بتقول انهابدايه ومتأسسه كويس أوي
ميرسي علي رأيك ومرورك يادكتور
عباس بن فرناس /
بصراحه ياعباس أول مرة أعرف بس مخبرين مش أي كلام أيدهم والقبر
تحياتي ليك ياعباس علي معلومتك
ويكا / أهلا بيك
فعلآ ياحج ووهيفضل لأمد بعيد والله أعلم
ميرسي ياويكا علي مرورك
فاروق بن النيل /حمدلله علي سلامتك
أنا أسفه بجدلو البوست ضيقك بس هي دي الحقيقة ودا اللي حصل وبيحصل وهيحصل ولا يمكن تجاهله أبدآ
تحياتي ليك ياشاعرنا
ولا داعي للشكر تعلم أني أحب قراءة قصائدك لأنهاحقآتستحق القراءة مرات ومرات
ذو النون المصري/ أهلآ بيك
الأخبار دي حقيقه وواقع
حضرتك مسافر وأيآكان البلد اللي أنت موجود فيهاحاليآ
فكل مكان في سلبيات وبتختلف وبتتنوع حسب المكان
لايجوز أن لانذكرهم حتي ولوبكلمات قليله خلي الناس تعرف أن ده نظام فاشل في حمايه الأبرياء
تحياتي ليك
إرسال تعليق