الأربعاء، 2 فبراير 2011

خايفين علي مصر ..ولاتفريط في دم الشهداء

  

"لاتفريط في دم الشهداء..لاتفرييييييييييييييييييط"

   مش عايزة نصائح ولا كلام الدنيامقلوبه هتقولولي حسني ونظامه وبلطجيتهم طالقين
البلطجية والحكومة علي الشباب في الميدان هقول لكوا قلبي موجوع علينا وعلي مصر
          "خايفين علي مصر" أتحدواوحدوارأيكم أنزلوامن بيوتكم أتكلموا  
أنامش يهمني دلوقتي حسني يمشي ولايستني تهمني مصر يهمني أخواتي واهلي اللي في الميدان يهمني ابن خالي اللي في المستشفي بين الحياه والموت بعدماضربوه بالرصاص
يوم 25 بجد كده حرااااااااااااااااااااااااااااااااااااااااااااااااااااااااااااااااااااااااام وكتييييييييير 
أسرائيل ع الحدود وأمريكابتخلص مهمتهافي جنوب افريقيا هنلاقيهم هنا والله العظيم
    قريب أوي هنلاقيهم عايزين ننزل يوم الجمعة كلنا عشان خايفين علي مصر 
سيبكوامن البرادعي اللي بيطلقواعليه الزعيم السياسي وهوميعرفش حاجة عن السياسة
سيبكوامنه ومن المعارضين الفشلة اللي مقدروش يحققوا اللي أحناعملناه في يومين
سيبكوامن بتوع الفضائيات اللي شغالين عمال علي بطال وهما في بريطانيا وهناوهنا
أنتواعارفني كويس انالامع حسني ولانظامه أنا هموت من الرعب علي مصر
هموت من الخوف لوحصل مصيبة أكبرمن اللي بتحصل أناهنزل يوم الجمعة عشان مصر وبس ...ولازم يامدونين يامحترمين كلناننزل ونخاف علي مصر وبس أن ضاعت مصر فمن بعدهاالطوفان
أسرائيل لن ترحم أحد وأمريكاتسجد لها ...أنتبهواااااااااااااااااااااا

هناك 25 تعليقًا:

افروديت يقول...

مين هينزل معايااا

عشان مصر وبس


وهيغور يعني هيغور

باحث عن حب يقول...

افروديت
دم المصريين اغلى من مبارك
وعيلته

ツSmiLeY AnGeLツ يقول...

ربنا معاكم
زينصركم يوم الجمعة
ربنا ينصركم.

Tears يقول...

صراحة انا مافهمتش منك يعنى عايزة الناس كلها تنزل عشان مبارك يرحل و لا عايزة تنزلى تأيديه؟؟

عموما على مدونه خالد ابو النجا فيه كلام يستحق القراءه و رسائل بصوته بتوضح حاجات مهمة

http://kalnaga.wordpress.com/2011/02/02/arabic-in-ltn-el-nas-ele-ba2alha-esbou3-fl-share3-3ashan-ana-wenta-n3eesh-bani2admeen/

افروديت يقول...

محمود باحث عن حب /

أكيد أغلي وأطهر كمان

افروديت يقول...

خواطري مع الحياه/ ميرسي بجديارشا علي متابعتك وأهتمامك بجد تستحقي الشكر

لأنك محترمه وبتحبي شعب مصر

افروديت يقول...

tears/ ههههههههههههه

هوأنتي تعرفي عني أني من مؤيدي مبارك ونظامه

مفتكرش أني شكرت فيه مرة واحده في مدونتي "ماعلينا"

أناهنزل الميدان وبدعي الناس تنزل عشان مصر

وأكيد هقرا ميرسي ع اللينك

eng_semsem يقول...

تحيه لكل من ضحى بقطرة دم من اجل حرية الشعب تحيه لمن فارق الحياه ولم يفارق حياتنا
دم الشهداء في رقابنا ولا تفريط في حقهم الذي استشهدوا من اجله
ولعنة الله على الظالمين
انا معاكم بقلبي لاني مش في مصر

Tears يقول...

طمنتينى جدددددددددعه

لازم كل اللى بيقولوا خلاص حرام سيبوه ح يصلح يترد عليهم و يفهموا الحقيقة

بنت الصالحين يقول...

لا


لو بتحبي مصر وخايفة على اخواتك بجد يبئى مننزلش

مش علشان مبارك

مش علشان ابن اخوكي ولا اخوكي ولا ابن عمك


علشاننا كلنا


بالله عليكي بلاش نمشي ورا مخططات يهودية


مش هنقف مصري قدام مصري

مش هنقف تاني


ولو قريت الللي بيتقال واللي بيتعمل في العربية وغيرها

البرادعيعايز يقعد على كتاف المصريين على كتاف شبابنا اللي طلع وكسف تعديلات كلللللل المصريين كان بيدور عليها بقالو 30 سنة


مش هنسمح له انه يطلع على كتاف المصريين كلنا هنمسك في ايد بعض


لو خرجنا وفرطنا هيبئى عاااااااااار علينا كلنا

افروديت يقول...

eng_semsem/ اسامة لوموجود كنت هتنزل .....



أناحزينه مصر بتتدمر ادامي بجد

افروديت يقول...

tears/ ومين قالك أننا مش فاهمين

وللأسف فهمت كمان وأتأكدت أن امريكابتنشرالسم واسرائيل مرعوبة علي الابقاء علي معاهدة السلام
وأخيرآ بان كي مون بيعرض علينامساعدة أمريكا
مصربتتدمرويهمني مصلحة مصر وبس مصر أولآ ومش هنفرط في دم الشهداء بس الصبرحلو

افروديت يقول...

عاشقة الفردوس/ أعلم ماتقصديه وأدركه جيدآ
هذه أول مرة تعلقي في مدونتي ومرحبآبكي بالطبع ولكنك لاتعلمي مدي حبي لمصر وللناس الشعب أقصد

الشعب الذي رأينادماءه تتناثرعلي الشاشات هناوهناك الشعب الذي رأيته بنفسي يموت ويصاب دون أسعاف حتي
تعلمي لقدتهجم علينا البلطجية في منزلنا واناوامي بمفردنا تعلمي لقد ظلمنا هذا النظام 30عام وكان سيستمر دون رجعه أوشفقة بنا أوعلينا
صدقيني أريده أن يبقي لأنتهاء فترته وكلما أري دماء أخواتي أفيق
"بان كي مون" يعرض علي مصر مساعدة امريكا واوباما يطلب منه التغيرالفوري وتعلمي ماذا يعني هذا واسمعي لهيلاري اللعينة ايضآ
أسرائيل وامريكا يتربصون الأن وينتظرون لحظة السهو لكي ينقضوا علينا
أعلم كل هذا أختي ولم أغفله ..
وليس الرادعي فقط هومن يريد اعتلاء الكتاف بل كل المعارضة والأخوان أيضآ وكل من له مصلحة ولكن لايمكن أن يتسلقواهؤلاء علي الثوار وثورتنا مهمافعلوا أبدآآآآآآآآآآآآآآآآآآ
ربنايحفظ مصروشعبها من كل سوء وشر ويحرق الظالم بظلمه

Carmen يقول...

هفضل اقول كفاية دم وجوع وفقر ودبح
ربنا يسترها ويعديها علي خير

mrmr يقول...

لو مخربتش مش ح تعمر
الشباب دول على قدر ما انا سعيده بيهم على قد ما قلبى بيتقطع على كل نقطه دم سالت منهم
دمهم مش ح يروح هدر
والليل لابد وليه نهايه
ربنا يحمى مصر وشعب مصر ويكتبلها السلامه

ghada يقول...

حفظَ اللهُ مِصرَ وشعبَ مِصر ..فنحن مِنكم وأنتم مِنا

ربنا معاكم ويحميكم
بجد اللي بيحصل ده شيء مش سهل
" صعب جدااااااااا "

والظلم عمره ما بيدوم

وإن شاء الله تعدي الايام دي على خير والأمور تستقر

eng_semsem يقول...

تحياتي ليكي وانت عمرك ما هتقلقيني اكتر ما انا قلقان ومش على اهلي بس عليكم كلكم على كل الشباب على كل قلب لسه فيه الروح وعنده ضمير وعزه و واقف في ميدان التحرير يتحدى الخوف ويقول انا هنا ومش هسيبك تسرق تاني وتقتل تاني ارحل يا رئيس التعذيب ارحل من ارضي ومن وطني
صدقيني انا معاكم ثانيه بثانيه وما ترهقوش نفسكم مين هيمسك بعده هو يمشي وبعده هتيجي انتخابات وكل واحد يختار براحته.

فاروق سحير ( فاروق بن النيل ) يقول...

أفروديت........
معلش إتأخرت عليكى لسببين:
1- كان النيت مقطوع
2- كنت وياهم الشبان الأبطال وقولتهم ياشباب النيت العظيم ياشباب 6 إبريل الرائع ياشباب الفيس بوك المحترم ياشباب الشهيد خالد سعيد الأبرار ياشباب حركة التغيير ياشباب البلوجز الأبطال .........................
هل تقبلوا شابا معكم فيه كل المواصفات السابقة لكنه فى الرابعة والستين فقالوا مرحبا بك فقررت أن أهتف معهم وأؤلف هتافا جديدا فقلت:
يامبارك ياجبان .. إرحل إنت وسليمان
ورددوه معى ونحن نحمل علما كبيرا طويلا جدا لمصر وأنا أسفله معهم ندور حول ميدان التحرير يوم الثلاثاء 1 فبراير 2011م وظللت معهم لليوم التالى ولولا مرضى وإحتياجى لدوائى الذى ذهبت لآخذه
لما تركتهم أبدا شكرا لكى
"حاكموه .. حاكموه... إوعو تهربوه "
" موش حانمشى... هوه يمشى...."
يامبارك ياخسيس .. دم المصرى موش رخيص
الشعب يريد إسقاط الرئيس
الشعب يريد إسقاط النظام
أحمد نظيف .. باطل .. فتحى سرور .. باطل .. زكريا عزمى .. باطل .. أحمد عز .. باطل .. صفوت الشريف .. باطل.
جمال مبارك.. باطل.. مفيد شهاب .. باطل .. النظام .. باطل .. مبارك .. باطل.. الحزب الواطى .. باطل ...

افروديت يقول...

carmen/ بحترم رأيك طبعآ

واحب اقولك ان سبب الدم والفقروالجوع

هوحسني مبارك ونظامه اللي دمر بلدوشعب بأكمله

أوعي تفتكري أن الأصرار جاي من فراغ
الظلم بيولدالأنفجار وساعتهايبقي لازم فيه اصرار

تقبلي تحياتي ياكارمن التدوين

افروديت يقول...

tears/ هيمشي ياتيرز هيمشي

مين كان يتخيل أن كل ده يحصل ويتغيرفي يومين

تحياتي

افروديت يقول...

mrmr / ربنا يقبل منك يامرمر
اللي خرب مش الشباب دول البلطجية اللي وجبوامع الحزب في انتخابات الكوسه ماأنتي عارفه كل حاجة

ربناهينصرنابأذن الله

افروديت يقول...

ghada/ ميرسي جدآ ياغادة

علي ذوقك ودعواتك ياحبيبتي
ربنايسمع منك يارب

افروديت يقول...

eng_semsem/ بصراحه ياأسامه

مين هيمسك دي قلقاني أوي

بس أن شاء الله نختار اللي فيه خيرلمصرولشعبها لأن معظمه شعب محترم وفي حاله

أن شاء الله خير

افروديت يقول...

فاروق بن النيل/ مش تقلق ياأستاذنا
كانوا فاكرين أن فصل النت هيفرق الناس ناسين أن ظلمه وشهامتهم هتجمعهم وفعلآ دااللي حصل

الشعارات دي حقيقية أوي احساس جميل اوي لماتحس أنك بتحارب اسطول ظلم

ألف سلامه عليك وربنايخليك لينا يارب
ومش يحرمنا من أحلي القصايدفي حب مصر اللي بتكتبها ياأستاذنا
أناأن شاء الله هنزل الميدان علي يوم الجمعة لوقدرت تيجي تعالا
تحياتي لك

ذو النون المصري يقول...

اسرائيل اهم دولة يهمها بقاء مبارك للابد اذا استطاعوا و ما اري هذه التهديدات الحكومية باسرائيل الا وسيلة من وسائل الفزع التي اعتادت الحكومة استعمالها لالهائنا عن مطالبنا
سابقا كان الاخوان و اليوم اسرائيل
يلعب غيرها