الاثنين، 7 فبراير 2011

نعم ..... سأنزل الميدان


يشرفنا أنكم تنزلوا معانا اللي يحب ينزل معاناياريت يكتب لي في الكمنت اسمه ومكانه
الشهداء دول يستحقوا أنكم تيجواعلي نفسكوا وتنزلوامن بيوتكوا
المطلوب منكوا مشاركة
انمادي ناس شاركت بدمهامش بالنزول وبس 










              تنصحني أمي بعدم الكتابة عن الوطن
         تقول لي :  أن الحريه في الوطن تعني ....كفن
                نلتف فيه ويلتف بنا ....في شجن 
            وندفن في أعماق الأرض بدون صلاة  
               ياوطني ... لقد سئمت هذا الكفن
                      لقد سئمت نوم الثرا
       باعوك بأبخس ثمن... وعصا فوق قبري العصاه
      سأصرخ ..بأعلي صوت ..أين الحريه في الوطن  
                لا أخشي طوارق الليل ياأمي  
               لا اخشي العذاب كله في سجني  
                   فأنا أردت أن أكون حره 
                وللحريه ... في وطني ثمن  
           دموعي لن تجف علي شهداء الحريه   
         رأيت الأشلاء والجثث .. وقنابل مدويه 
    رأيت عيونآ تبكي وتنطق الشهادة وقلوب نقية أبية 
       هل تريديني ياأمي ..أن لاأكتب عن الشرعية 
           هل تريديني أن أقول " وداعآ مصر" 
     هل تريديني أن أنتظر حتي ينهشنا كلاب القصر
     أريدك أن تعلمي " أن الحاكم لايموت في مصر" 
      إلا بعد أن يشيع الجنائز ..... ويحرق الحرائق 
        هو وزبانيته  ................. نواب القصر 
          إلي متي ياأمي ... سنتجرع  الهوان  
            إلي متي ياأمي .... سنظل نيام 
      أعدك ياأمي أن لا أكتب في السياسة بعد الأن 
                 لأني .. سأنزل الميدان 
              نعم ... سأنزل الميداااااااااااااان 

           
                                                                                                           
                                                           سما الشيخ

هناك 48 تعليقًا:

افروديت يقول...

كتبت هذه بعد نصيحة أمي لي
بأن أتوقف عن الكتابه بعدما رأت ماحدث لأقاربي ولغيرهم
التعليقات مفتوحه

عشان لومش رجعت

تدعوالي .........

وتدعوا لشهداء مصر
اللي ماتواوهما بيدافعواعشان حرية مصر .

" للحريه ..في وطني ثمن "

hasona يقول...

السلام عليكم

من اجل مصر -لن نعطي فرصة لكلاب القصر

نجعلها ثورة حقيقة- تبني وتغير كل شئ الي الاحسن - دستور رئيس نظام - حتي الاحساس في قلوب الناس

لا نقبل مساومة في حقوق الشعب ولن يستجدي الشعب حقوقه

الموسوعة الحرة يقول...

تحية طيبة...
كنت اتمنى ان ابقى ازور المدونة وان تكون ضمن المدونات المفضلة لدي...ولكن مع الاسف الشديد وجدت ليس فقط التناقض الواضح بين الادعاء بالثورة وبين ان تمجدي معتوها مجرما لا مثيل له مثل صدام وكأن عشرات الملايين من العراقين وبقية الشعوب المجاورة بلا ادنى قيمة!
سوف اكتفي بهذا الرد قد يعيد الوعي لك وتعتذري ...او لا الاصرار الذي يسبب اثما وعدوانا!!

غير معرف يقول...

مش عارف
احيانا اعتقد ان المظاهرات السلمية لن تجدي مع امثال هؤلاء الذين لا يحسبون للشعب حساب
ولكن من ناحية اخري انا اكره العنف ولا اجده وسيلة لتحقيق اي هدف
اه
أه يامصر

Carmen يقول...

لا ياحبيبتي مش للدرجة دي
خاطرة قوية وكلنا بنرددها بقلبنا
تسلم ايدك افروديت ويارب دايما مبدعة
ربنا يحمي مصر وتفضل دايما حرة وقوية بينا

Tears يقول...

احيكي على شجاعتك فى هذا الموقف الذى يتطلب حسم

جدعه يا افروديت

Unknown يقول...

ان شاء الله ترجعي و في اديكي النصر
قلوبنا معاكي و دعواتنا ليكي
تحياتي لأشجع أفروديت

ツSmiLeY AnGeLツ يقول...

اكثر شي بحبه فيكي اصرارك عزيمتك
عدم خوفك من المجهول
ايوة انزلي وان شاءالله ربنا بيحميك انت وكل الشباب
قل مايصيبنا الا ماكتب الله لنا
وما بيحصل لك شي الا اذا كتب الله هذا
ربنا معك ويوفقك وينصركم ويحميك يارب

د.ريان يقول...

صباحكم خير وطيبة

مدونة جميلة ورائعة

فاروق سحير ( فاروق بن النيل ) يقول...

أفروديت..........
لقد أبكيتينى بنيتى لا أقوى لإلا أن أقول يسلم قلمك وتسلم أمك من كل شر وأنتى فدائية لست بالكلام ولكن بالحق ربنا يبارك فيكى ويقويكى ويزكيكى

ALLELIO- موطنـــــــــــــــــــــــــــى(ma patrie) يقول...

كلامك صحيح الى حد ما

بس مش مشكلة مصر لوحدها

دى مشكلة وطن عربى

بالنسبة لمصر فالحرية اكثر قليلا من كل البلدان العربية

الحرية اللى كفلت للناس تتجمع وتتظاهر واللى لوحصل شبهها هنا او اى دولة اخرى اعتقد كان المجموعة دى نست اهلها الى الابد


فى اعتقادى ان مبارك لم يكن سيئا بالدرجة الكافية ولو كان سيئا لما غير الحاشية لكن خطاة انة اتخذ من اطفال اعوان واعطاهم السلطة فعملوا ازمات انتهت بازمة احمد عز

البوست جميل واحيكى علية

محمد التركى يقول...

افروديت

يارب تكونى بخيييير يارب

كلمه راجل مش بتتقال للرجاله وبس
لالالالا بتتقال لكل حد ليه موقف رجولى
موقف يحسد عليه
ولو بنت زايك تعمل المواقف دى اللى كتيييير رجاله بشنبات قعدين زاى قلتهم
يبقى لازم اقول انتى بميت راجل

ربنا يسترها معاكى ومعانا
ابقى طمنينى عليكى ارجوكى
لا اله الا الله

محمد التركى

ذو النون المصري يقول...

كان نفسي انزل مصر اجازة طويلة علشان اشارك
لكن نزلت نص السنه تسع ايام بس و رجعت تاني للسعودية امس
نزلت يوم واحد في الشهر و رجعت يوم عشرة
خسارة جدا جدا لي اني مش موجود
تحياتي لكل مخلوق علي ارض مصر الطاهرة

ツSmiLeY AnGeLツ يقول...

مبرووووووووووووووووووك عليك يامصر
مبرووووووووووووووووووك عليك ياشعب الاحرار يابطال
بكرة يوم جديد امل جديد حياة جديده
الله يحميك يامصر ويحمي شعبك

فاروق سحير ( فاروق بن النيل ) يقول...

أفروديت..............
70 مليار مبـــــــــــــــــــــروك
ياحبيبة ياعزيزة يابطلة تستحقوا آجى
آباركلك بهروب حسنى مبارك الساعة السادسة مساءيوم مولدى 11 فبراير

Casper يقول...

مبروك لمصر
ويارب احفظها واحميها

eng_semsem يقول...

انت فين يا بنتي رحتي فين
عايزين نحتفل كلنا ونبقى موجودين مع بعض
اظهري وطمنينا عليكي

الاحلام يقول...

صدقينى كان فى زمن قريب جدا امك عندها حق كان من الممكن ان تلاقى ما لاقاه غيرك
لاكن الان ادعوها هيه بان تنزل الميدان ميدان الحريه وليس ميدان التحرير
ادعوا ان تنزل كى تعرف ان الدنيا تغيرت من حولها احييكى واتمنا لكى الحريه الدائمه
تقبلى تحياتى الاحـــــــــــلام

mallouk يقول...

ألف ألف مبروك لشعب المصري العزيز
وعقبى لباقي الشعوب المضطهدة
تحيتي ومودتي

سواح في ملك اللــــــــــــــــــه- يقول...

الجميلة افروديت
اشكرك ياعاشقة مصر
تحيتي

محمود المصرى يقول...

ربنا يرجعك لينا بالسلامة مع اْنى مختلف شويه معاكى اْنما يارب ترجعى ليا يا اْجمل صديقه واْجمل اْخت واْحلى اْنتيمه لدوده يارب ينجيكى ويرشدك الى طريق الحق
فاللهم اْهدنا للحق واْرزقنا اْتباعه
واْرنا الباطل واْرزقنا اْجتنابه
اْخوكى الخايف عليكى جداَ
محمود المصرى

هبة فاروق يقول...

حبيبتى افروديت اتمنى ان تكونى بخير وصحة وسلامة
كنت فى انتظار ان تكتبى بوست عن النصر وهذا ما قلقنى عليك يا ريت تطمنينا عليكى
من اختك هبة

غير معرف يقول...

ثقافة الهزيمة .. أنها حقا عائلة محترمة

فى 6 فبراير 2011 نشرت شبكة الأخبار الأمريكية كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى
www.ouregypt.us

افروديت يقول...

hasona/ وعليكم السلام ورحمة الله وبركاته ...

الحمدلله ... انتصرنا انتصرنا

وربناكرمنا

افروديت يقول...

openbook/

يسعدني طبعآ تشريفك لمدونتي ويؤسفني ان بوست "تمجيد صدام" لم يعجبك

ولكن لي أستفسار اذا سمحت مامعني كلمتك "الأدعاء بالثورة" ألا تري أنهاثورة وحقيقية وشعبية نحن لم ندعي شيئآ نحن نفخربثورتناوبثوارنا وشهداءنا

ولعلمك فقط مادام بوست صدام لفت نظرك وأثارغضبك فلماذا لم تدقق فكنت ستري اني لم امجدصدام بالرغم من حبي لهذاالرجل الشهيد فعلآ ولكن مجده أحد العراقيين المحترمين وتناول تمجيدي له ظروف استشهاده فقط التي كانت مهينة للجميع ولكل عربي مسلم اومسيحي
ألست عربيآآآآآآآآآآآآآ ؟!
وللعلم هذاليس خطألكي أعتذرعنه
صدام مثله مثل سائرالبشرله أخطاء
ومن منابلاخطيئة
تحياتي لك

افروديت يقول...

ماشي بنور الله/ انتصرنا والحمد لله

وأعتقد انهالولم تكن سلمية لغرقنافي الدماء
يكفي ماسال يا أخي

تحياتي لك

افروديت يقول...

carmen / ميرسي ياكارمن أنتي رقيقة وجميلة
الحمد لله انتصرناوربناكرمنا

ربنايرحم الشهداء ويرحمنا

افروديت يقول...

taers / ميرسي تيرز
تحياتي

افروديت يقول...

شيرين سامي/
ميرسي يااجمل شيري

تحياتي ليكي

افروديت يقول...

خواطري مع الحياة / ميرسي ليكي يارشا
كلك ذوق حبيبتي

وميرسي كتيييييييييييير ع لامك الأكثرمن حلوبجد

تحياتي

افروديت يقول...

د/ريان

ميرسي علي ذوقك

تحياتي لك

افروديت يقول...

فاروق بن النيل/ دموعك غالية اوي يابشمهندس

بس الحمدلله اخيرآآآآ أنتصرنا

تحياتي لك

افروديت يقول...

ALLELIO-عليــــلـــيـــــــــــــــــو /


الحمد لله أرتحنا أخيرآ من النظام الفاسد
وك مايشغلني الأن هوالنظام الجديد كيف سيكون

تحياتي لك

افروديت يقول...

محمد التركي/


ميرسي جدآ يامحمد ميرسي بجد

اطمن انابخيرمادام مصربخير

تحياتي وألف مبرووووووووووك

افروديت يقول...

ذو النون المصري / مش تزعل ولاتندم علي حاجة
قدر الله وماشاء فعل

الحمدلله انتصرناوالنصرللجميع

تحياتي

افروديت يقول...

خواطري مع الحياة/ ميرسي ياقمر

ميرسي علي تهنئتك الرقيقة اوي
ياارق ملكة يارشا

تحياتي

افروديت يقول...

فاروق بن النيل / الف مليوووووووووووووون مبروك يااستاذنا الحمدلله اخيرآآآآآآآآآ عملنا المستحيل

وحققنا الحلم

افروديت يقول...

casper/ يارب ياكاسبر
والف مبروك

افروديت يقول...

eng_semsem/ مبروك ياأسامة

قول لملك القمر ان كل ده عشانهاهي والأمارات اللي زيها

اطمن مش تقلق انابخير

افروديت يقول...

الأحلام / ميرسي جدآ ع كلام حضرتك
وهي أكيد في صفناومعانا بس اي ام كده زيها بتقلق وتخاف

الحمد لله اننا انتصرنا وحققنا هدفنا

تحياتي

افروديت يقول...

mallouk / ميرسي جدآ علي التهنئة
وربنايسمع منك ياااااارب

تحياتي

افروديت يقول...

سواح في ملك الله/
علي ايه
كلنا مصريين واخوات

تحياتي

افروديت يقول...

محمود المصري/ ميرسي يامحمود علي كلامك الحلو ده وانافعلآ بعتز بأخوتك وصداقتك لانك جدع ومحترم


تحياتي ليك

افروديت يقول...

هبة فاروق/ميرسي حبيبتي علي سؤالك ياهوبتي وانتي فعلا اكترمن اخت

اطمني والف مبروووك لينا

افروديت يقول...

غير معرف / اهلا بك وبتقاريركم

تحياتي

الموسوعة الحرة يقول...

تحية طيبة...
اختصرت لكي الرد في مدونتي للاطلاع..
واذا رغبتي المزيد فاتركي الايميل للمناقشة وسوف احذفه بعد ذلك...
مراجعة الارشيف على الرابط:
http://freebook.maktoobblog.com/

♥نبع الغرام♥♪≈ يقول...

مبرووووووك علينا حبيبتى النصر

وعاوزين اللى جاى يكون احسن من اللى راح

تقبلى مرورى يا قمرتى

ايناس

افروديت يقول...

نبع الغرام / الله يبارك فيكي ياقمر

وميرسي علي مرورك الرقيق