السبت، 5 مارس 2011

إنتوا عايزين إيه بالظبط ...؟؟؟؟؟؟

                                                             
                                            إنتوا عايزين أيه بالظبط ؟؟؟
         ياريت كل حد يتكرم ويقول أيه الطلبات التي لم تنفذ أناأعرفها ولكن أتساءل
                  عن أي طلبات أخري لم تنفذ من قيام الثورة وحتي الأن
        وماهي الطلبات الأخري التي تريدوها وهل هي حتمية واجبة أم من الممكن
   الحديث فيها ياريت تتكلموا أنتوا شوية عن اللي عايزينه لأني تعبت والكيبورد أشتكي
  مني .... كل واحد زي الشاطر يتفضل يملي برغباته هنا وياريت نمتنع عن طلبات
                 الكنتاكي المشبوه والأجندات اللي حبسواسميروعلي بسببها  
              ماله كشري أبو طارق مش عارفه أنا إياكوا يكون حدرمي طوبة
                                        علي محل الراجل
                     عايزين إييييييييييييييييييه بالظبط؟؟؟؟

هناك 30 تعليقًا:

افروديت يقول...

أحلم براحتك ..

مفيش سقف ..

شلنااااه خلاص

وبقي مننا لل سما علي طووووووول

مصطفى سيف الدين يقول...

مادام مفيش سقف وبقينا خلاص في عهد السموات المفتوحة
هاقولك عايز ايه
انا عايز ادوق البتاع ده اللي اسمه سيمون فيميه (يا رب اكون كتبت الاسم صح) هههههههههه
طبعا المطالب الفئوية المشروعة هي اللي فاضلة وكمان الحد الادنى من الاجور والحاجات دي بالذات الا لما ترجع الحياة لطبيعتها ومش هترجع الحياة لطبيعتها في ظل الاعتصامات
خلاص بقي يلا نبني مصر مع بعض كل واحد يؤدي الدور اللي عليه
هيفضل قانون الطوارىء وده ان شاء الله قريب يتلغي
تحياتي واشكرك

مدونه ما كفايه بقى يقول...

عايزه كل المحبوسين ظلم يطلعوا يعيشوا فى الحريه لأنى مش حاسه بطعمها من غيرهم

عايزه فلوس مصر ترجع

عايزه العادلى يتعدم فى ميدان عام

عايزه أشوف فلسطين أتحررت قبل ما أموت

عايزه اشوف مصر بتجمع شتات الوحده العربيه

عايزه أشوف إسرائيل بتمد إديها تشحت من العرب وأحنا نقطعلها إيديها

عايزه أشوف أمريكا كلها بتقع زى ما برجها وقع

عايزه ولادى ( فى المستقبل ) يشاركوا فى الجيش اللى هيحرر فلسطين علشان كده مهتمه بالرياضه علشان ولادى جسمهم يبقى قوى

عايزه مصر تنضف من الفساد

عايزه أصلى فى المسجد الأقصى وأبوس تراب أرض فلسطين

وبعد ما كل ده يتحقق عايزه أموت شهيده

قولى يا رب

الميكروباص يقول...

بصفتي واحد من خارج الثوار أقول لك مطالبي
أولا: الكف عن حالة الغرور الشديده الموجوده لدى الثوار والتي دفعت بعضهم إلى التحدث إلى الآخرين على أنهم (ناس تانيين) وأحيانا "ليسوا رجالا" لن هذا ادي إلى مشاحنات بين الاخوات في البيوت وبين الاصدقاء في العمل وهذا اراه يوميا بعيني
ثانيا: الكف عن الحديث الغير معقول عن ثروات الوزراء لنها لن تأتي كما يعتقد البعض والكف عن ذكر الارقام الفلكيه التي يتحدث عنها الناس وكأن كنز علي بابا في الطريق
ثالثا: أرجوكم كفى كلاما عن مبارك ونترك الامر للتحقيق فقط، ونفكر ماذا سنعمل في المستقبل لأنه من الواضح انه لا أحد يعلم او مخطط ماذا سنعمل مستقبلا
رابعا: كفى طلبات غير منطقيه، مثل حل امن الدوله كمثال، لا ادري أي بلد تعيش دون جهاز امن دوله وكاننا في السوي او الدنمارك -تابعيني في حلقة الميكروباص ساتحدث عن هذه النقطه بالتحديد- ولنترك الناس يعملون
بما اننا وضعنا ثقتنا في مؤسسه عسكريه، إذن علينا ان نتركهم يعملون، فما آراه الآن ان مصر يتم إدارتها من الشارع وليس من جانب المؤسسه وهذا أمر غريب

مدونة رحلة حياه يقول...

السلام علكم
افروديت اتمنى لو عرفتى الناس عاوزة ايه تبقى تعرفينى اصل انا قربت اتوه

باحث عن حب يقول...

اللى انا كنت بحلم بيه اتحقق وخلاص امن الدوله رعب الدوله ذل الدوله الحمد لله
تنفست هواء الحريه تلوقتى يا افروديت

Unknown يقول...

أنا عايزه ميبقاش فيه روتين و اللي يعطل حد يتجازى و نفسي ميبقاش فيه وسطه و اللي مؤهل لحاجه يحصل عليها نفسي التعليم يتغير و الناس تحب العلم و تتفوق فيه نفسي الثقافه تبقى في كل بيت زي التلفيزيون كل واحد تبقى له مواهبه و ابداعاته و يلاقي اللي يشجعه نفسي مشوفش حد بيشحت و لا بيسرق نفسي مصر ترجع بلد زراعي نفسي مسمعش عن حد عايش في المجاري و لا في عشش نفسي كل الناس يبقى عندها مرافق الحياه الأساسيه نفسي محدش يبقى جعان نفسي الشوارع تبقى نضيفه نفسي الناس تسوق بقواعد و السواقين يلتزموا نفسي المواصلات متبقاش زحمه و الشوارع متبقاش واقفه نفسي اللي يغلط يتحاسب خصوصاً لو كان غلط في أرواح و فلوس المصريين نفسي المستويات المعيشيه تزيد و يبقى سهل ان حد يتجوز أو يدفع مصاريف مدرسه أو يشتري عربيه أو حتى يتفسح!
حاجات كتيييير يا أفروديت نفسي فيها بس كفايه كده عشان مطولش عليكي
تحياتي ليكي يا جميل

هبة فاروق يقول...

انا مش عايزة حاجة الا ان مصر تبقى بخير وحرية وتتغير للاحسن
تحياتى لافروديت الحرة

سواح في ملك اللــــــــــــــــــه- يقول...

في ظل العدالة
تتحقق كل الاشياء
عايز العدالة ياافروديت

ツSmiLeY AnGeLツ يقول...

انا عايزة
ربنا يحقق كل امنياتكم في الحكومة الجديده
وان شاءاله ماتطلع زي الحومة الاولى واخس
تقبلي مروري ^_^
سلامي لاجمل افروديت.

افروديت يقول...

مصطفي سيف / أوك يامصطفي بس ايه الداخلة الجامدة دي بقي انااقول لاش كنتاكي تقولي سيمون دي حتي بطلت تغني
ويطلع ايه سيمون فيميه دايامصطفي نوع سجايرجديد ههههههه
طبعآلازم المطالب الفئوية تتحقق قريب
والطواريء يتلغي كمان عشان يبقي فيه أمان للناس أنامعك ياللابينانبني مصر

وأوعي المرة الجاية تطلب كافيارولا سيمون بوليفار
ميرسي علي مرورك ورأيك

افروديت يقول...

مدونة مصرحره / أستقري يابنتي ماكفاية بقي ولامصرحره عشان أنااتجننت
عجبتني جدآ طلباتك وأمنياتك ياأمل وخللي عندك أمل في ربناكبيييييير أننانقدر نحقق اللي بنحلم بيه

وأن شاء الله يكتبلك اللي فيه خيرليكي
حبيبتي

افروديت يقول...

لورنس العرب /

أولآ/لماذاتقول انك لست من الثوار يالورنس
ليس كل من نزل الي الميدان كان من الثوار هناك من نزلوالأهداف أخري منهامشاهدة ومعرفة مايحدث أومحاولة منهم للعيش في هذاالجو الذي توقناأشتياقآله
ثانيآ/يتحدثون عن مبلغمن 40:70 ملياردولار وأنالاأشك لحظة في أنهم يملكواهذاالمبلغ وهومن قوت الشعب المطحون وأنت تعلم ذلك .
ثالثآ/ لاتستطيع أن تطلب من الشعب وأغلبية عظمي من الشعب
السكوت فهؤلاء سكتواثلاثون عامآ فيكفي هذانريدأن نعمل ونبني ونصلح ماأفسدوه ولكننالايمكنناكبت هؤلاء في زمن الثورة التي فجرت كل الحرية .
رابعآ/ هناك الكثيرون ممن طالهم هذاالشرالمسمي بجهاز أمن الدولة لذلك يطالبون بحله وهذاحقهم ولكن هناك اخرين وانامنهم يطالبون بأعادة أحلاله وتجديده وتحديدصلاحيته وأظن أن هذاحل يرضيك .
وأخيرآ أضم صوتي ليك فأناأثق في القوات المسلحة وأتمني أن نتجاوز جميعآهذاالأمر في أسرع وقت .
بالـتأكيدأتابع كل حلقاتك الهادفة ولكني أيضآ أريدأن أعلق وبحرية دون أن أفسدالودوالقضية
خليك ديموقراطي يالورنس
تحياتي

افروديت يقول...

مدونةرحلة حياة/ أول ماأعرف هقول علي طول
استني بس عليهم شوية

تحياتي ليك

افروديت يقول...

محمود باحث عن حب/ طيب الحمدلله أول مواطن مصري مش ليه طلبات

فرحتني والله

سجل عندك يبني واحدمصري أهو مالوش طلبات

تحياتي ليك

افروديت يقول...

شيرين سامي/ عندك حق ياشيري والله

نبطل الوسطة
نبطل الرشوة
نبطل كل حاجة كانت بتعطل فرص ناس كتيرفي الحصول علي حقهاوكل حاجة قولتيهابجد أناكمان معاكي فيهاوبدعي ربناأنهاتتحقق .

ميرسي ياأرق شيري علي كل أمنياتك الحلوة لكل الناس ولمصر

تحياتي ليكي

افروديت يقول...

هبة فاروق/ يارب يارب تسمع من القمر هبة فاروق وتحقق لناأمنياتناكلها

تحياتي ياعاشقة مصر

افروديت يقول...

سواح في ملك الله /

العدالة

أتمني أن تعودثانية بعد أن تم طردهاعنوة من هذاالبلد

ميرسي ياسواح متفقة معاك

الميكروباص يقول...

انا لم أقول لأحد انه يسكت
يا ستي اللي عاوز يتكلم يتكلم لكن احنا شكلنا هانفضل نتكلم في الامور دي إلى الأبد
الناس منتظرين الفلوس لما تيجي
انا بسمع بنفسي يوميا الناس بيتكلموا كل شويه يقولوا اصبر لما الفلوس ترجع!

الميكروباص يقول...

على فكره- انا مش بحب الاشراف على التعليقات وللسبب ده اغلقتها تماما لأني كنت كل لما افتح ألائي واحد شاتمني شتيمه صعبه

فاروق سحير ( فاروق بن النيل ) يقول...

عايزين ......
1- حل أمن الدولة
2-محاكمة عاجلةلعناصرأمن الدولة
3-محاكمة عاجلة لعناصرالشرطة الفاسدة
4- تغيير الحكومة كلها من أكبر واحد لأصغر واحد
5-تغييرالدستور كله أى عمل دستورجديد
6- إلغاء قانون الطوارئ
7- من يمسك برشوة سواء بيعطيها أم يأخذها أو يبلغ عنه يسجن فورا سنة كفترة أولى ثم خمس سنوات إذا تكررت ثم مؤبد
8- عدم ترشيح أفروديت لرئاسة جديدة
9- عدم الكلام مع أفروديت من الآن
10- قطع العلاقات الدبلوماسية مع أفروديت
11- يرشح رئيس الجمهورية لفترتين على أن يحصل على 51% من أصوات من لهم بطاقات رقم قومى ولايجدد مرة أخرى
12- تحيد حد أدنى وأقصى للأجور والمرتبات فى كل مصلحة حسب ظروفها( من 1500 - 15 ألف جنيه ) على أن لاتتعدى الفروقات بين المصالح عن 50% من إجمالى المرتبات

فاروق سحير ( فاروق بن النيل ) يقول...

أفروديت .....
إستكمالا للمطلوب :
13- الإفراج عن المعتقلين السياسيين وخلال فترة الثورة مالم يكن قد قام بأعمالا إجرامية قتل أو محاولة قتل أو نهب أو سلب أو تعدى على أراضى الدولة أو شقق وعقارات وأراضى للمواطنين أو تحرش بالمرأة أو متاجرة فى المخدرات أو تزوير بأوراق رسمية أو بطاقات أو أوراق مالية أو إعتداء على الشرف أو سرقة

Tarkieb يقول...

نفسي ما شوفش مشعل وزير..نفسي اشوف صفوت وشرور في السجن..علاء وابوه وجمال ع البرش.....نفسي الناس اللي عايشين في دور الاستقرار والبكاء على مبارك ينكسفو على نفسهم ويحلو عنا...نفسي تلغي الاشراف هههههههههههه

Carmen يقول...

وانا نفسي بنتي تتربي في ظروف احسن من اللي اتربيت فيها :)

افروديت يقول...

لورنس العرب / وهي الفلوس هترجع أصلآ
يالورنس

مفتكرررررررررررررررررررررررششششششش.

أولآ / أي حدبيشتم أوبيقل أدبه يبقي مهزء ومش محترم أمااللي مختلف مع حدفي الرأي أوفي أي حاجة يتكلم بالذوق ياأماميدخلش عندك أصلآ يااخي

تيجي عالم فاضية وبتستهبل والله
شوف أناعاملة اشراف ع التعليقات ومرة واحدة دخلت قالت لي كلام مش هو نشرت الكمنت عادي ورديت عليهالأني مقتنعه باللي أناكتباه جدآولذلك بقدرأناقش فيه المعترضين
تعرف أن الأنسانة دي فضلت ورايالحدماكلمتني ع المسينجروبقيناصحاب جدآأناوهي واناحبيتهالأنهاحست بغلطهاوطلبت مني تكلمني وكمان أعتذرت
أنت ليك القرارطبعآبس سيبك من النقدالهدام واللي بيشتمك نفض له لأنه بيعبرعن نفسه وعن بيئته
أحناعايزين نقولك رأيناونعلق بصراحة يالورنس فيهاحاجة دي

افروديت يقول...

فاروق سحير "ابن النيل" /

أهلابك أستاذي العزيزالغالي المحترم

أولآ / موافقة جدآآآ علي كل الطلبات
اللي تفضلت وقلتها

ثانيآ /معترضة بالثلث علي 8و9و10 ليه بس كده ياأستاذنادناحتي طيبة ومش وطني ديموكراسي ولا حاجة


خالص تحياتي واحترامي لك ولاتحرض الجماهيرضدي هههههههه

افروديت يقول...

tarkieb/ ههههههههه
أوك في الخطة الخمسينية الجاية في شم النسيم يعني أفكر


مشعل وصفوت شخلع وشرور وكووووووول الشله المفروض تتحاكم ومش أي محاكمة اللي عملوه كتيرومش ينفع يكون الحساب عادي


أمااللي بيبكواعلي مبارك وزمنه
"خلييييييييييييييهم يتسلوا"
تحياتي ليك ياتراكيبوووووووو

افروديت يقول...

carmen/ أن شاء الله تقدري تعمليلهاكل اللي نفسك فيه وبتحلمي بيه ياكارمن
وتكون بنوتك أحسن من اي حد

تحياتي ليكي

الاحلام يقول...

عاوز كل من ظلم مصر يتم محاسبته
اجور تكون معقوله لعيشه طبيعيه
مستشفى اتعالج فيها بدون معاناه ماليه
معامله ادميه بينى وبين من هو مسئول
حكومه تدينا حقنا
محتج بلد ليس بها ظلم ولا طمع الكل يعيش امن ومرتاح
نسال الله ان يحقق احلامنا جميعا
دمتى بخير تقبلى تحياتى الاحـــــــــلام

mrmr يقول...

انا عايزه الكل يعرف ويدرك جيدا ما هى واجباته كما يعرف جيدا ما هى حقوقه

الامان يسود على مصر كلها

والاهم من كده ان نزع الحب فى قلوبنا قبل ما نزع شجره امام بيوتنا

ربنا يهدى حالنا جميعاً