الاثنين، 14 مارس 2011

لحظة من فضلك...هتصوت تقول أيه؟!





"هذا رأيي الشخصي وليس حكرآ علي الأخرين فأختلف كماشئت فأنا أحترم جميع الأراء"




            طبعآ أنابتكلم عن أستفتاء تعديل الدستور ..أناواحدة من الناس مش عارفه ايه
     اللي هيتعدل وأيه اللي هيتغير أصلآ ولذلك لازم أفهم ليه أقول "نعم "وليه اقول"لآ "
  هنعمل هناحاجة صغنونه تيست مثلآ عشان نقدرنحدد هنقول أيه واللي عنده رأيي تاني
يتفضل يقوله لأن دي بلدناودا دستورناوبصراحة مش عاوزين تهريج زي زمان ابدآآآآآآآ

المادة 75
يشترط فيمن ينتخب رئيساً للجمهورية أن يكون مصرياً من أبوين مصريين وأن يكون متمتعاً بحقوقه المدنية والسياسية وألا يكون قد حمل أو أى من والديه جنسية دولة أخرى، وألا يكون متزوجاً من غير مصرى، وألا تقل سنه عن أربعين سنة ميلادية.
     رأيك  نعم(           )                         لا (               )
المادة 76
ينتخب رئيس الجمهورية عن طريق الاقتراع السرى العام المباشر. ويلزم لقبول الترشيح لرئاسة الجمهورية أن يؤيد المتقدم للترشح ثلاثون عضواً على الاقل من الاعضاء المنتخبين لمجلسى الشعب أو الشورى أو ان يحصل المرشح على تأييد ما لا يقل عن ثلاثين ألف مواطن ممن لهم حق الانتخاب فى خمس عشرة محافظة على الاقل بحيث لا يقل عدد المؤيدين فى اى من تلك المحافظات عن ألف مؤيد . وفى جميع الاحوال لا يجوز أن يكون التأييد لأكثر من مرشح وينظم القانون القانون الإجراءات الخاصة بذلك كله . ولكل حزب من الاحزاب السياسية التى حصل أعضاؤها على مقعد على الاقل بطريق الانتخاب فى أى من مجلسى الشعب والشورى فى اخر إنتخابات أن يرشح أحد أعضائه لرئاسة الجمهورية. وتتولى لجنة قضائية عليا تسمى "لجنة الانتخابات الرئاسية " الإشراف على اننخابات رئيس الجمهورية بدءاً من الاعلان عن فتح باب الترشيح وحتى اعلان نتيجة الانتخاب. وتشكل اللجنة من رئيس المحكمة الدستورية العليا رئيساً وعضوية كل من رئيس محكمة استئناف القاهرة، وأقدم نواب رئيس المحكمة الدستورية العليا، وأقدم نواب رئيس محكمة النقض، وأقدم نواب رئيس مجلس الدولة. وتكون قرارات اللجنة نهائية ونافذة بذاتها غير قابلة للطعن عليها بأى طريق وأمام أيه جهة كما لا يجوز التعرض لقراراتها بوقف التنفيذ أو الألغاء كما تفصل اللجنة فى اختصاصتها يحدد القانون الأختصاصات الأخرى للجنة. وتشكل لجنة الانتخابات الرئاسية اللجان التى تتولى الاشراف على الاقتراع والفرز على النحوالمبين فى المادة 88. ويعرض مشروع القانون المنظم للأنتخابات الرئاسية على المحكمة الدستورية العليا قبل إصداره لتقرير مدى مطابقته للدستور. وتصدر المحكمة الدستورية العليا قرارها فى هذا الشأن خلال خمسة عشر يوماً من تاريخ عرض الأمر عليها فإذا قررت المحكمة عدم دستورية نص أو أكثر وجب اعمال مقتضى قرارها عند إصدار القانون وفى جميع الأحوال يكون قرار المحكمة ملزماً للكافة ولجميع سلطات الدولة وينشر فى الجريدة الرسمية خلال ثلاثة أيام من تاريخ صدوره. ويجب موافقة أغلبية أعضاء مجلس الشعب على إعلان حالة الطوارئ. وفى جميع الأحوال يكون إعلان حالة الطوارئ لمدة محددة لا تتجاوز سته أشهر ولا يجوز مدها إلا بعد إستفتاء الشعب وموافقته على ذلك.
     رأيك  نعم (          )                  لا (           )
المادة 77
مدة الرئاسة اربع سنوات ميلادية تبدأ من تاريخ إعلان نتيجة الأنتخاب ولا يجوز إعادة انتخاب رئاسة الجمهورية إلا لمدة واحدة تالية.
رأيك  نعم(        )                          لا(            )
المادة 88
   
يحدد القانون الشروط الواجب توافرها فى اعضاء مجلس الشعب ويبين احكام الأنتخاب والأستفتاء. وتتولى لجنة عليا ذات تشكيل قضائى كامل للأشراف على الانتخاب والاستفتاء ، بدأ من القيام بجداول الانتخاب وحتى اعلان النتيجة، وذلك كله على النحو الذى ينظمه القانون. ويجرى الاقتراع والفرز تحت اشراف اعضاء من هيئات قضائية ترشحهم مجالسها العليا ، ويصدر بإختيارهم قرار من اللجنة العليا.
رأيك   نعم (       )            لا(          )
المادة93
تختص المحكمة الدستورية العليا بالفصل فى صحة عضوية أعضاء مجلس الشعب. وتقدم الطعون إلى المحكمة خلال مدة لا تجاوز ثلاثين يوماً من تاريخ إعلان نتيجة الانتخاب، وتفصل المحكمة فى الطعن خلال تسعين يوماً من تاريخ وروده إليها. وتعتبر العضوية باطله من تاريخ إبلاغ مجلس الشعب وقرار المحكمة.
رأيك   نعم  (          )                 لآ(              )
المادة 139
يعين رئيس الجمهورية، خلال ستين يوماً على الاكثر من مباشرته مهام منصبة، نائبا له أو أكثر ويحدد إختصاصاته، فإذا إقتضت الحال إعفاؤه من منصبه وجب أن يعين غيره. وتسرى الشروط الواجب توافرها فى رئيس الجمهورية والقواعد المنظمة لمساءلته على نواب رئاسة الجمهورية.
رأيك      نعم (        )              لا (           )
المادة 148
يعلن رئيس الجمهورية حالة الطوارئ على الوجه المبين فى القانون ويجب عرض هذا الاعلان على مجلس الشعب خلال السبعة أيام التالية ليقرر ما يراه بشأنه. فإذا تم الاعلان فى غير دور الإنعقاد وجبت دعوة مجلس للانعقاد فوراً للعرض عليه وذلك بمراعاة
الميعاد المنصوص عليه فى الفقرة السابقة. وإذا كان مجلس الشعب منحلاً يعرض الأمر على المجلس فى أول إجتماع له.
رأيك نعم (      )            لا (          )
المادة179
تلغى مادة 189 فقرة أخيرة مضافة ولكل من رئيس الجمهورية وبعد موافقة مجلس الوزراء ولنصف أعضاء مجلسى الشعب والشورى طلب اصدار دستور جديد وتتولى جمعية تأسيسية من مائة عضو ينتخبهم أغلبية أعضاء المجلسين من غير المعينين فى إجتماع مشترك، إعداد مشروع الدستور فى موعد غايته ستة أشهر من تاريخ تشكيلها ويعرض رئيس الجمهورية المشروع خلال خمس عشرة يوماً من اعداده على الشعب لإستفتائه فى شأنه، ويعمل بالدستور من تاريخ إعلان موافقة الشعب عليه فى الاستفتاء.
رأيك    نعم (          )                      لا(                )        
المادة189
يجتمع الاعضاء غير المعينين لأول مجلسى شعب وشورى تاليين لإعلان نتيجة الأستفتاء على تعديل الدستور لأختيار الجمعية التأسيسية المنوط بها إعداد مشروع الدستور الجديد خلال ستة اشهر من انتخابهم وذلك كله وفقاً لأحكام الفقرة الأخيرة من المادة 189.
 رأيك      نعم (             )                     لا (                   )
المادة 189 مكرر
يمارس أول مجلس شورى بعد إعلان نتيجة الاستفتاء على تعديل الدستور بأعضائه المنتخبين إختصاصاته. ويتولى رئيس الجمهورية فور انتخابه إستكمال تشكيل المجلس بتعيين ثلث اعضاءئه ويكون تعيين هؤلاء لإستكمال المدة الباقية للمجلس على النحو المبين بالقانون. وتعرض هذه المواد الدستورية المعدلة على المجلس الأعلى للقوات المسلحة ثم تعرض على الشعب للاستفتاء . الاجتماعية وبرامج هذة الاحزاب حتى نختار الافضل الذى يحقق مطالب الشعب
" أنا بعتذر لأن الموضوع طويل ومرهق بس يهمني اعرف رأي الناس لأن ده موضوع
                                هام للغاية وفي النهاية بيمسناكلنا "

هناك 45 تعليقًا:

افروديت يقول...

طبعآ بوست معقد جدآ

لكن لازم نكون عارفين هنقول ايه

اناشخصيآمش عارفه لسه

انتوا هتقولوا ايه ...........

♥ ♥ Amira Samy ♥ ♥ يقول...

انا عن نفسى
بقول نعم للتعديلات الدستورية

مصطفى سيف الدين يقول...

انا هقول نعم
علشان مش عايز الدستور الجديد يتعمل سلق بيض وبسرعة عن طريق لجنة ايا كان من فيها
انا عايز الدستور يتطرح ويتناقش في مجلس شعب منتخب بنزاهة وعايز اصوت على كل مادة لوحدها بنعم او لا
وعلشان ده يحصل هناخد وقت طويل جدا وبصراحة مش هنستحمل وجود الجيش الفترة دي كلها ومش هنستحمل حال البلد يفضل واقف فترة كبيرة
علشان كده هاصوت نعم بس باحترم كل واحد هيقول لا ومتفهم هو قال كده ليه
بالنسبة للتعديلات للمواد انا شايف انها جيدة ومنطقية واعتقد حتى اللي هيقولو لا شايفين انها كويسة واعتراضهم هيكون على ترقيع الدستور مش اكتر
تحياتي

مدونه ما كفايه بقى يقول...

نعم للتعديلات الدستوريه المؤقته ونحط مليون خط تحت كلمه مؤقته دى

http://itwasmyhope.blogspot.com/2011/03/blog-post_12.html

ياريت تقرأى الموضوع ده ممكن تخدى قرارك لما تقرأيه

تحياتى لكى

الميكروباص يقول...

انا عن نفسي هقول "نعم"
بغض النظر عن ان فيه اشياء مش عجباني
لكن لو قلت "لا" هانقع في مشكله جديده- وناخد وقت جديد في التعديلات وعمل استفتاء آخر ونعيش في وجع القلب ده فتره أخرى
نريد ان تستقر الامور وبعدها ننظر إلى الدستور ككل ونشوف هنعمل ايه
المهم دلوقت انتخابات رئاسة الجمهورية تتم ومجلس الشعب من قبلها ويبقى فيه برلمان وبعدها ربنا يعدلها

Tears يقول...

طبعا انتى معملتى مجهود كبير بس انا شايفة ان السؤال نفسه محتاج اعادة صياغه

بمعنى انت مع تعديل دستور 71 اللى سقط بالفعل ثلاث مرات و يلا بسرعه عشان نعمل انتخابات مجلس شعب يسيطر عليها فلول النظام و التيار الاسلامى فيحطوا لنا دستور يعبر عنهم و لا انت مع شرعية الثورة و عايز دستور جديد تحطه لجنه من القضاة

فيه فيديو على المدونة عندى عاملة محامى شاب من شباب الائتلاف ياريت تسمعيه

مدونه ما كفايه بقى يقول...

ان كان ليا عمر هقول نعم ان شاءالله

UncŁē Sam يقول...

انا عن نفسي مش هقول حاجه
البوست كبير اوى بصراحه
مش هقرا بس وعد هاجى تانى واقراه بتمعن
بس دلوقتى حابب اقولك بجد بجد تحياتى لفكرك ولقلمك المبدع
خااالص مودتى

افروديت يقول...

سلسبيل/ بحترم رأيك طبعآ

ميرسي علي مرورك

تحياتي ليكي

افروديت يقول...

مصطفي سيف/ بحييك علي رأيك يامصطفي

تصدق اناخايفة اني اقول نعم ابقي اتسرعت ومش يتعدل بعدكده خالص

اناقلقانه ومش اخدت قرارلسه
عشان كده عملت البوست ده يمكن اكون رأي

كلامك منطقي

ميرسي علي مرورك لك تحياتي

افروديت يقول...

مدونة ماكفاية بقي/ فعلآ ياأمل أناأقتنعت بكلامك جدآ

بس مش فيه ولاضمان واحد عشان عدكده نتأكدأنه هيتغيرنهائي

واخاف اقول نعم ابقي شاركت في حاجة مش مقتنعه انهاهتتصلح بعدين

ميرسي علي مرورك تحياتي ليكي

افروديت يقول...

لورنس العرب / بحترم رأيك يالورنس

كلامك منطقي بس لسه عندي سؤال واحد
أضمن منين انه بعدكده هيتغير كله

مش بعدمانقول نعم وناس تستفيدمن تغيربعض المواد يتحرق دمنا


لسه مش قررت برضه هافكر تاني

تحياتي ليك يالورنس

افروديت يقول...

tears/ ميرسي تيرز مش مجهود ولا حاجة المهم نقدر نوصل لقرار سريع
أنالونت سألت السؤال بالصيغة دي كنت هعقدالناس اكتر كفايه البوست معقدلوحده .
شوفي اللي مخوفني جدآ أن الأخوان مرحبين بالموضوع لوتلاحظي وأبدوا موافقتهم في التعديل " دي نقطة "
وبعدين أناممكن أمتنع أصلآ بس مش أشارك في شيء مش مقتنعة بيه وناس تستفيدمنه وفي الأخرميعرفوناش

اكيدهشوف الفيديو حالآ
ميرسي علي مرورك ورأيك تحياتي

افروديت يقول...

مدونة ماكفايه بقي/

أن شاء الله ربناييسر ليناالأمور

تحياتي

افروديت يقول...

qlp7zen _سولو/

أوك ياسولو وحتي لومش قريت كفايه انك مريت ع المدونة أناعارفه أنك مش ليك في التعقيدده ههههههههه

خلاص نستني مرورك في بوست خفيف شوية

ميرسي علي مرورك
تحياتي

Tears يقول...

افروديت اى ان كان اختيارك بلاش تقاطعى..لا تفرطى فى صوتك ابدا مادام مش ح يزوروا زى كل مرة

شوفى ده شرحه مبسط

http://www.masrawy.com/News/Writers/AmmarAliHassan/2011/March/14/poll_const.aspx

سواح في ملك اللــــــــــــــــــه- يقول...

انا شايف ان دي خطوة علي الطريق
الصحيح
ولازم نروح ندلي براينا
وانا هوافق برضه

الاحلام يقول...

المشكله ليست فى اننا نقول نعم ام لا المشكله ان بعد ذلك لا يتم تغيير شىء فمطلوب ان يتم تغيير الدستور كله ولاكننا الان على اقل تقدير يتم تغيير المواد المبينه بشرط يتم تغيير الدستور بعد ذلك كله
تقبلىا تحياتى الاحـــــــلام

هبة فاروق يقول...

حقول نعم للتعديلات الدستورية ان شاء الله
تحياتى لطرحك الموضوع ببساطة فاصبح مفهوم وواضح
ومبروك على مدونة موضة وان شاء الله حيكون عندى اسئلة
شكرا لكى وتحياتى

mrmr يقول...

اننا لسه محتاره
بس لازم ح اخذ قرار وح اصوت

Beram ElMasry يقول...

العزيزة الغالية افروديت
ربة العشق والجمال عند الاغريق
تعليقك يؤكد ذوقك الرفيع وطهارة قلمك فلكي كل الحب والاحترام واني انتظر تعليقاتك لاستمد القوة واواصل المسيرة
تحية وسلام ولاسلام مع بني اسارئيل

ثـــوره الــغضب يقول...

نعم لتعديلات ولكن عنم مؤقت

مش نعم دائم نعم لحد انتخبات الرئاسه

نعم لحد اصلاح البلد

نعم لحد ميتغير وضع مصر

فشكووول يقول...

افروديت الجميله
تحياتى
انا واحد من الناس اللى حتقول نعم ليه؟
شوفى يا ستى
الماده التى وضعت لتأقيت الدستور تطمئننا على عمل دستور لنج من اول وجديد
ان اما يكون مدة رئيس الجمهوريه اربع سنوات تجدد لمره واحده بالانتخاب يعنى من الاخر ثمانى سنوات لن تجعل لأى رئيس جمهوريه مأرب ومش حيعمل الا اللى عايزه الشعب
حكاية الصلاحيات الالهيه لرئيس الجمهوريه فى الدستور الحالى سوف تزول بعد ست شهور من انتخاب مجلس الشعب وعشان كدا ان شاء الله الموضوع خير ويمكن ان نكون من اعظم البلاد الديمقراطيه خلال سنه واحده .. بس احنا ليه مستعجلين
العسكر عايزين يسلموا السلطه للمدنيين ودا مكسب كبير يجب ان نحصل عليه باقصى سرعه قبل ما اى ضابط يفكر شويه ونلاقى نفسنا بنرجع لسنة 52 ونقعد كمان ستين سنه ونعمل ثوره جديده وهلم جرا
يعنى ايه رأى الناس اننا عشان نعمل دستور جديد اننا نكون على خط السكه الحديد وليس على خط السكه الهليهلى
الموضوع يا ستى ان شباب الثوره عايزين هما اللى يبقوا وزراء واعضاء مجالس الشعب والشورى والموضوع شكله ان الـ 2 مليون متظاهر اللى كانوا فى ميدان التحرير عايزين يبقوا هما الوزراء واعضاء المجالس الشعبيه والشورى .. يعنى الموضوع من الأخر صراع على المناصب مع انها ليست ثورة شباب فقط واعطيت هذا الاسم مش عارف عشان ايه المقصود ... الثوره ثورة شعب قادها الشباب وطبيعى ان الشباب يشكل 60% .. يعنى احنا احسن شعوب الارض اللى بتضيع الفرص .. يعنى لو احنا قبلنا بتقسيم الامم المتحده لفلسطين سنة 48 كان زمان المشاكل اللى مش عارفين نحلها الان محلوله من اكتر من 50 سنه ولا كان فيه مستوطنات ولا دياولو بس احنا طبيعتنا اننا كثيرا ما نضيع الفرص وانا خايف ان فرصة الشعب المصرى تضيح بالمجادلات هذه الايام
خدى بالك ان هناك خلاف شديد على بعض المواد المعدله . . طب لو الماده التانيه من الدستور حصل فيها تعديل كان حصل ايه وايه اللى حيحصل لما يتغير الدستور بالنسبه للماده دى
طب لما الماده بتاعة الـ 50 % عمال وفلاحين تتغير طب ايه اللى حيحصل وحنقعد نتناقش ونتوافق عليها قد ايه .. مش الاحسن اننا نتحط على قضبان الديمقراطيه الاول وبعدين نشوف ازاى نختلف ونتوافق مع بعض
التعديلات الدستوريه تعطينا اكثر من نصف الحد الادنى اللى كنا بنطالب بيه وبصراحه بتحطنا على مصاف الدول المتقدمه ديمقراطيا .. يبقى فاضل اختصاصات رئيس الجمهوريه الآليهيه ودى حتتعدل مش اكتر من بعد سنه وبكدا نكون بقينا من ارقى الدول الديمقراطيه فى العالم .. ربنا يهدى
اما بخصوص الملحمه فانا بجمع ماده علميه عشان كلكم بتقولوا جبت الكلام ده منين عشان كدا لازم اعمل ماده عليميه موثقه عشان اعرف اتكلم بيها معاكوا كويس وكمان الموضوع حيكون على حلقات عشان حياخد من الدوله القديمه ويأتى الى الدوله الحديثه .. وربنا يسهل
تحياتى

shabfa2re يقول...

جالى هسس وعمال افكر بس حاليا مايل للا

Days and Nights يقول...

الأخت الفاضلة

مدونة جميلة ورائعة ... تقبلى مرورى وتعليقى ... ودمتى بكل الود

أخوك / تامر

Tears يقول...

انا اسفه عشان قلتلك لازم تشاركى مادام مش ح يزوروا لانى اكتشفت انى كنت فاهمه غلط

استمارات التصويت اصلا بتوزع فى الشارع و مع الناس حتى فى الصعيد و بيتعلم فيها و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل

كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده

الاستمارات اللى فى الشارع بقالها تلت ايام هنا بس فيه لينكات كتير غير دى لاستمارات تانية

http://www.facebook.com/album.php?aid=647424&id=522785413&fbid=10150448781095414

افروديت يقول...

tears/ لا كنت بقاطع قبل كده بس البوست الأخير عندك قلقني جدآ

بس مش قاطعت وروحت وقلت رأيي

تحياتي تيرز

افروديت يقول...

سواح في ملك الله / أكيد خطوة كويسه جدآ بس المهم التزوير والحاجات اللي شفناهاربنا يسهل وأيآكان رأيك نعم أو لا المهم علي رأي تيرز مش نقاطع

تحياتي ليك ياخالد

افروديت يقول...

الأحلام / أهلا بيك
لوالنتيجة طلعت ب"نعم" مش هنقدر نغير إلا ليه صلاحيات التغيرساعتهاالرئيس واعضاء مجلس الشعب ومفتكرش ان في رئيس هيغير للي مش في صالحه ولصالح الناس مفيش ابدآ حد هيعمل كده حتي لوكان ايه

تحياتي لفكرك وميرسي علي رأيك ومرورك

افروديت يقول...

هبة فاروق/ ميرسي ياارق هبة ...

وايآ كان رأيك في الأستفتاء فأكيد اللي احناوصلناله كويس جدآ

ميرسي ياقمر علي مرورك

افروديت يقول...

mrmr / عرفت انك قولتي "لأ" برافو

وربناييسراللي فيه خيرليناولمصر
ميرسي يامرمورتي علي مرورك

افروديت يقول...

BERAM ELMASRY / أهلا بيك استاذنا العظيم

لو أفروديت عايشة وكانت سمعت الكلام الرائع ده كانت هتكون سعيدة جدآ وأنابشكرك جدآ أكيد من ذوقك

وبالفعل شعرك يستحق كل الكلام الحلو

تحياتي وميرسي لمرورك الجميل

افروديت يقول...

ثورة الغضب/ انامش هناقشك في رأيك

وفي اول البوست وحقيقي انابحترم كل الأراء


ميرسي علي مرورك ورأيك اللي بحترمه

افروديت يقول...

فشكوول / أهلآ وسهلآ يا أستاذ فشكووووووول ....

أنا بحترم رأيك جدآآآ لكن انا صوتت بالفعل ب "لا" لأني مقتنعه بأن الدستورالقديم سقط اوالحالي يعني

انابصراحة مش عايزه اي حاجة من ريحتهم ولا دستور ولا غيره انامش مطمنه بالمرة لسه في ناس بره زي فتحي سرور وصفوت الشريف القذر واللي كلناعارفين اد ايه الناس دول سيئين ...انامش مرتاحه ومش عايزة اشوف مجلس شعب فيه اخزان وشوية حرامية لابسن مستقلين وهماوطني اساسآ ....عشان كده قلت لأ
بتقول ان العسكرعايزين يسلموا السلطة للمدنيين يا أهلآ بيهم بس يهمني جدآ أعرف انهي مدنيين وعلي اي اساس وهل احناقابلينهم ولا لأ احناخلاص مش هنسلم نفسناودماغنالحدتاني احنا اتعلمنااننانقرر
وبعدين الشباب بتوع الثورة من حقهم جدآ أنهم يدخلواالمجالس والوزارة دا تطور ومن حقهم فعلآ ..

أنا روحت التحرير واحدة من ملايين الناس اللي راحواواللي ممكن ينزلوا تاني الف مرة بس بسبب معقول ومنطقي مش كل اللي نزلواالميدان عايزين شهرة ولا كرسي في المجلس وده طموح مشروع جدآ
الثورة بدأت شبابية وأنتهت شعبية ودي افضل حاجة فيهابجد ناس غيرمسيسين مشاكلهم مختلفة وفيهم اللي مش عنده مشكله اصلآ بس ده رأيهم وده الحق .

لا أظن نحن الأغلبية وان حصل استفتاء علي ألغاء المادة الثانية او عدمه سنكون الغالبون بأذن الله لأن عددنا أكثر المادة 2 لايمكن المساس بها أنااول واحدة اجري ع الميدان ودا حقي الأخوة المسيحين عايشين في مصروطنهم معززين مكرمين ليهم كل الحقوق لكن هذه المادة لن تلغي ابدآ

أما بخصوص الملحمة فأنابالفعل أنتظرها وأعانك الله علي هذا العمل وننتظر ان شاء الله أولي الحلقات قريبآ

ميرسي جدآ علي مرورك وأرائك اللي أكيد بحترمهاجدآ لأنك شخصية محترمة وجديربذلك
خالص تحياتي وتقديري لك

افروديت يقول...

shabfa2re/ طييييييييييييييييب



قول اللي تقوله المهم تشارك

ميرسي علي مرورك

افروديت يقول...

days and nights/ أهلآ بيك

ميرسي علي مرورك وذوقك


تحياتي لك

افروديت يقول...

tears/ مش تعتذري ...

الناس دي مش فيه فيهم فايدة ابدآ لسه فاكرين ان كيس المكرونة والرز هيحفظ كرامتهم بيبيعواضميرهم عشان كيس مكرونة


ربنايرحمنابجد

ميرسي تيرز علي اهتمامك بيسعدني تواجدك دايمآ

Days and Nights يقول...

الأخت / أفروديت

طبعا أنا قلت لأ ... لكن ع الويب سايت ... نفسى ال 8 مليون مصرى اللى خارج الوطن يصوتوا زى اللى جوة البلد ... ولا يمكن إحنا نكره !!!

يارب كده أصوت على إنتخاب رئيس الجمهورية فى السفارة... ربنا يسهل الأمور .

مدونتك جميلة وتحتاج مزيد من الوقت لقراءة ما بها من روائع ... وكل الشكر لكى على المتابعة التعليق .

تقبلى إشتراكى ودمتى بكل الود.

تحياتى

أخوك / تامر

masry يقول...

انا قلن نعم و الحمد لله النتيجه 77% نعم و اتمنى تفهم الاخرين لراى الاغلبيه

Beram ElMasry يقول...

ابنتي الحبيبة الذكية افروديت

لقد تعلمنا منكم وبلا مجاملة الحب ولااخلاص والرغبة الملحة في الخلاص من هذا الزمن العبوس واعدتم لنا الحياة بعد فقدان الامل .. فانت وجيلك لكم الحب والاحترام والتقدير
تجياتي لك وسلام

ذو النون المصري يقول...

انا خارج مصر و بالتالي خارج الموضوع كله لانه للاسف لا يمكن ان نصوت في هذا الامر الهام و لو في السفارة

masry يقول...

السلام عليكم
حضرتك طرحتى سؤال
لماذا لا تكون مصر مدنيه
انا عايز اعرف ايه معنى المدنيه؟
يعنى لما كانت الخلافه الاسلامه قائمه كانت الدوله تسمى ايه ؟
كون الاخوان يصلو للحكم او لا يصلو ليست هذه المشكله لاننا فى جميع الاحوال نريد من يحق الحق و يبطل الباطل و يحفظ حق الاقليات فى البلاد و يعمل على النهضه .
و بعدين الاخوان فى اغلب احاديثهم لم يقولوا ان هذا حلال و هذا حرام و لكن قالو هذا حق و هذا باطل و هم يقيمون ان هذا حق و هذا باطل و هذا نوافق عليه و هذا لا نوافق عليه من منطلق خلفيه اسلاميه و هم لم يتحدثوا بالايات و الاحاديث لان اغلب من يتحدثون معهم لا يؤمنون ان الاسلام دين يشمل كل نواحى الحياه فهم يتحدثون بمنطلق نحن مقتنعون بهذا الراى و غير موافقون على هذا الامر بخلفيه اسلاميه يلتزمون بها هم و لا يلزمون بها احد فمثلا هم يؤمنون ان المرأه لا يصح لها ان تتولى رئاسة الجمهوريه من منطلق خلفيه اسلاميه فهم هنا يلزمون انفسهم فقط و لا يلزمون الاخرين و الاخرين مؤمنون بغير ذلك و لكن لا يلزمون به احد
اما بخصوص البرنامج فهذا سيتضح خلال الفتره المقبله القريبه

شكرا لتحية حضرتك
و موضوعيه حضرتك فى الاعتراض

الاحلام يقول...

اين انتى واين ابداع قلمك الممتع
ارجو من الله عز وجل ان تكونى بخير
تقبلى تحياتى الاحــــلام

Beram ElMasry يقول...

ابنتي الحبيبة افروديت
اعجبني واذهلني وسرني هذا التعليق لمما فيه من دفئ وصدق وموده وكل املي ان يحظي قولي بالقبول وان اكون مشارك في ادخال السرور والبهجة الي هذة القلوب الرقيقة العامرة بكل ما هو سامي وكريم
تحية وسلام ولاسلام مع بني اسرائيل

طيوري يقول...

سموكا الصفحة مش موجودة جيت اقرا مالقتش حاجة الا التعديلات الدستورية