الخميس، 27 مايو 2010

وركبت المركب

    زءوني وركبت المركب                          أل بيسؤهاوطني ديمقراطي
     حطيت أنا رجلي فيها                             وأنا خايف ومش راضي
    ومشيت بينا المركب                                    شويه والبحرهادي 
     وبعدين وقفت بينا                                    جري لها ايه السفينه 
 بسأل وأنا ماشي في وسط الناس                    بيردوا بأي كلام وخلاص 
  مش عارف ... مش فاهمين                          ولا ... مش عارفين 
      هي وقفت بينا ليه                                    ولاوقفت بينا فين  
    المهم ... وقفت مكاني                                 وقلت ياخبر بفلوس
وعيني جت علي حد واقف                            شكله مخنوق بالفلوس
   لبسه غيرلبس الناس                               وشكله غير شكل الناس
مع انه يا أخي واحد منهم                           بس مكانته عملت له أساس
  جريت بسرعه عليه                                   مساء الفل ..... يابيه
   عندي ليك سؤال                                      هي السفينه وقفت ليه ؟
قاللي /ماتخفش يابني                                     دلوقتي الريح تعدي
والسفينه اكيد هتمشي                                   وعلي برالأمان هترسي
رحت وأعدت مكاني                                      وأنا واثق من كلامه
ما هو ربان السفينه                                        وهو اللي ماشي بينا
 وجه الليل علينا                                         ونمت علي أننا مشينا
وصحيت بعد سنين                                       لاقيت الناس جعانين
تعبانين مش لاقيين                                        شط ولا مرسي لينا
وقالولي/ أيه صحاك؟                                      دا النوم أرحم كتير
والموت رحمه كبيره                                    مش عارفينها ناس كتير
قمت وجريت ع الريس                                 السفينه مالها ياريس؟
                               
قاللي / يا ولد روح هيص                                في الفقر ياأما تلخص
  البحر يابني أدامك                                   والمرسي دا بس في أحلامك
وقاللي ..أوعي تجيني تاني                             يا أما البحر هيبقي مكاني
 هيرموني ...ويغطسوني                              ويقولوا لأهلي مكنش معانا
 والبحر هيشهد معاهم                                       اني مكنتش معاهم 
  مع أني كنت معاهم                                     وبالغصب خدوني وياهم 
مش عارف أعمل ايه                                         كلامه أتغير ليه ..؟ 
  وشكله اتبدل ليه..؟                                       خلاص هسكت يا بيه
سامحوني غصب عني وافقت                        أصل الفقر أنا خدت عليه
   أما البحر دا مش مكاني                           ولا المرسي الأ نفسي ألاقيه 
           

هناك 34 تعليقًا:

افروديت يقول...

مصر بلد أمن وأمان .. ولا خرابه وفيهاعفاريت ..مصر كانت زمان بلد الأمان يا عبيط.. لكن دلوقتي بقت غابه وكله بيقلب رزقه ..يقوي القوي ع الضعيف وف أي داهيه يلبسه..والضعيف يشوف الا ضعف منه ..عشان يشوف نفسه عليه ويحس بكيانه اللي فاضل له حتي ولو هيعمل ايه..خساره

Brots يقول...

انتى اللى كاتبة الشعر ده ولا منقول يا افروديت؟

ahmed_k يقول...

الله على كلماتك وقوة معانيها

فعلا المرسى مش عارفينه فين ولا أمتى حنرسى عليه
واوع حد يفتح بقه للبحر يلمه واللي كمان يتشددله

دمتي مبدعه

فكرة من الزمن ده يقول...

حلو اويي يا افرو
طبعا هو اسم الدلع مش لايق على الصورة بتاعتك لكن ماعلينا
جميل الكلام اوي
اسقاط جكيل اوي على حياة شعب دولة بتاجونيا
تحياتي
ياريت تلغي تاكيد الكلمات اذا ماكانش فيها رزالة

-_- يقول...

ربنا يرجعلنا بلدنا الحقيقية

momken يقول...

بوست جميل
كمان المدونه حلوة اوى

انتى متمكنه اوى من العاميه
كمان اطارك فى الكتابه جميل ومفرداتك حلوة اوى كمان موضوعاتك هايله


تسلم ايدك

تحياتى

أحمد الصعيدي يقول...

جميلة كلماتك



ولكن الاحساس يعلو الكلمات


سعدت هنا

أسعدك الله

admin يقول...

csmag.builder-eg.com
تم انشاء مجلة متخصصة فى المجتمع المدنى ,يكتب موضوعاتها أعضاء المنتدى
ibond.builder-eg.com
أقسامها المجتمع المدنى واقتصاد و تكنولوجيا اتصالات ومعلومات
ملف العدد,صفحة كاريكاتير
كما تم انشاء دليل للبرامج المفتوحة
foss.builder-eg.com
أغراض المنتدى
تجمع للمهتمين و المتطوعين فى العمل المدنى , رسالة أورمان الخ,
الاشتراك فى مجموعة أو مجموعات المنتدى لعمل كتب , ملفات فيديو للتنزيل أو على يوتيوب
عمل مكتبة تابعة للموقع من كتب الأعضاءفى موقع خاص بعد عمل عدد لا بأس به من الكتب, شرح شامل للرخص الحرة و الملكية الفكرية, ترجمة المشاريع المفتوحة المصدر ,تبادل الخبرات بين أعضاء المنتدى,الاستثمار و المشروعات الصغيرة و العمل من المنزل ,التسوق و التجارة الاليكترونية
بالاضافة لمواقع أخرى سيتم افتتاحها بعد نجاح هذا المشروع باذن الله
وهى مواقع ذات صلة بالمصادر المفتوحة وكيفية الاستفادة منها للجمعيات و الشركات و الأفراد الخ
يسعدنا انضمامكم للموقع بكتابة مقالات فيه بالتعاون مع من سيرغب فى ذلك أيضا
ملحوظة : بالطبع يستطيع صاحب المدونة مسح التعليق , و نأسف للازعاج

Adabclub يقول...

الله الله

شعر ممتاز

ما شاء الله

افروديت يقول...

prots/كلام في سرك وياريت ميكونش في ميكرفون كل الشعراللي كتبته واللي هكتبه منقول..من دماغي هههههههههههههه..ولعلمك بس عشان نريح الناسخين كل حاجه بكتبهافي المدونة حصريآملكي اناومتسجله اما الحاجه الوحيده الامش بتاعتي "عربية الفول"مأجراهايومين كده واياك تاخدمنهاحاجه..نورت ياأحلي بروتس

افروديت يقول...

ahmed_k/أناماليش دعوه بالبحرياعم أحسن داغول كبير..نورتني في أول زياره وأوعي تكون الأخيره

افروديت يقول...

فكره من الزمن ده/ميرسي جدآياأحلي فكره..وهقولك علي سرحربي وطبعآ هيكون في الfm أنااسمي "سما" ..اوعدك في أقرب وقت الغيها واي حاجه مش تعجبك هنا قوليهاع طول..باي ياقمر

افروديت يقول...

sharm/آمين يااااااااااااااارب..أسمع منه دادمه خفيف وغلباااااااااااااان وطيب ومصري زينا..أوعي تمسكها أنت ياشارم..ههههههههه

افروديت يقول...

momken/ولو اني مش بحب المجاملات بس بجدمش ممكن ياممكن..انت رفعت من روحي المعنويه كتير اوي ومدونتك أحلي بس..نورت

افروديت يقول...

أحمدالصعيدي/ميرسي يااحمد علي ذوقك وبجدأنت شاعرموهوب ومتألق..ربنايزيدك

افروديت يقول...

عمارمطاوع/بشكرك جدآ ومبسوطه بزيارتك لاول مره ..أسعدني تواجدك

محمود المصرى يقول...

انت فعلاَ انسانه عندك وعى وديمقراطيه
ونفسى تستمرى فى نفس المسيره
متنسيش تعليقك على موضوعى الجديد لاْن راْيك يهمنى
اخوكى
محمود المصرى

nader يقول...

مدونتك دي حلوة قوي وكمان الصورة اللي زي العسل
تعرفي ساعات الواحد بيحسد الحمير على النعمة اللي هما فيها
مابيشغلوش بالهم بالفول اللي هاياكلوه لان فيه بني ادمين بيخدموهم ويجيبولهم الفول لغاية عندهم
البني ادمين هما اللي محتاجين عطف الحمير
ناقص ننهق احنا وهما يتكلموا في التليفزيون
سلام وحتة ع الناس الحلوة دية

Brots يقول...

شعر ممتاز جدعه يا افرو.
مع انى فضلت ساعه ااقرا فى كلمة زءونى دى واؤول دى زورى ؟ ولا ايه؟
وجعتى ألبى يا افرو

بس بجد شعر جميل الى الامام يا افرو الى الامام

غير معرف يقول...

السلام عليكم
بصراحه قصيده جميله وفيها تلخيص لحال البلد
البلد فيها امكانات كتييييييييييره ولكن المسئولين اللى فيها مش مستغلينها لتقدم البلد
البلد ممكن تبقى من احسن بلاد العالم
لكن حسبنا الله ونعم الوكيل
ربنا يكرمك ويسعدك

افروديت يقول...

nader/ميرسي ع كلامك ومرورك ..لكن احناربناكرمناوخلق لناعقل نفكربيه فلازم ناخدبيه حقنامش نفكرفي تبادل الآماكن"مين قالك أن الحميرفي بلدنامش مظلومه هي كمان" شرفني مرورك

افروديت يقول...

محمود المصري/ميرسي ومن عينيه ياأجدع حوده في ثواني وهتلاقيني في قلب مدونتك .

افروديت يقول...

Brots/ ميرسي جدآ يابروتس باشاوعايزه أقولك "أن الله حليم ستار" وكده الناس هتقول انك معاك "نحو أميه" يرضيك تطلع عليك الاشاعه دي ..أسعدني تواجدك

افروديت يقول...

م/محمود فوزي/فعلآ بلدناكلهاخيروامكانيات بالرغم مماأهدروه السفهاء ولكن بالفعل هم يستغلونها ولكن لصالحهم فقط.. ميرسي جدآ ع زيارة حضرتك التي اسعدتني كثيرآ

ويكا يقول...

نسيتى تقولى

وعجبى

افروديت يقول...

ويكا/ "وعجبي" عشان خاطر ويكاوبس .ههههههههه..مبسوط

أحمد الصعيدي يقول...

هههههههه


يا نشأت


شكرا

فاروق سحير ( فاروق بن النيل ) يقول...

أفروديت .........( سما )
الله على التصور لمشاكلنا وأحوالنا والإستبداد والتسلط والإفترا بتاعهم لما حد يناقشهم أو يحاول يفهم ياويلوا يختفى هكذا الطوارئ صورتى سفينتا مصر وربانها المعتوه وحال ركابها كويس جدا وشكرا لك .
ماتنسيش تزورينى عندى مايعجبك من جديد

Alaasalim2 يقول...

كلامات جميله بجد ومعاني قوية وواضحه
تسلم إيدك بجد على الإبداع دا

افروديت يقول...

أحمدالصعيدي/ مييييييييين نشأت ده؟ ههههههههههههههههههههههههه"سرك في مدونتك"

افروديت يقول...

فاروق بن النيل/ الله علي كلامك الجميل وميرسي جدآ علي ذوق حضرتك وأكيدهتشرف بزيارة مدونتك حالآ..أسعدني تواجدك

افروديت يقول...

علاء سالم_ALaa salim/ لو في أبداع فلا يقارن بقلمك وأحساسك فأنت من تستحق عن جداره هذه الكلمه " أسعدني تواجدك".

momken يقول...

حلوة اوى تسلم
واحساسك الوطنى فيها عالى اوى

تسلم ايدك


تحياتى

افروديت يقول...

momken/ ميرسي علي ذوق وكلامك الحلو ودا العادي بالنسبه لشاعرزيك ياأستاذ.. أسعدني تواجدك في مدونتي المتواضعه.