الثلاثاء، 25 مايو 2010

"حمزاوي"... معبود الفرافير


رأفة بي وبزوارمدونتي الكرام قررت أن نخرج شويه من جو الفول والمعتقل وغيره وندخل علي حاجه تانيه "طريه شويه" طبعآ شفتوا أعلان ميلودي الجديدوأكيد شفتوا"حمزاوي" ومن يكون الأخ "حمزاوي" حدمنكم شافه قبل كده في أعلان أوقناه أو مكان..طبعآلاء.. فبعدسيل الاعلانات الخاصه بشخصية "وديع"آريال.."محدش يفهمني صح لاني نيتي سليمه وطبعآ عشان يظبط الأرسال علي ميلودي وكل مواطن زي مابياخد حقه في العيش والسكر واللحمه "الله يمسيهابالخير" ياخد المواطن حقه كمان في رؤيه "المزز" عشان تتحقق لأول مره علي ايدين البطل وديع  العدالة الأجتماعيه والمساواه في التوزيع وايضآ مبدأ "مزه لكل مواطن" خاصة "المزز" اللي كانت بتيجي مع "ودعدع" . . نرجع بقي ل "حمزاوي" اللي واقعه فيه البنات خاصة في عينيه اللي بتسرب اشعاع نووي مسيل للأنف"محدش يسأل يعني أزاي" لاني مش عارفه.. المهم"حمزاوي" معبود الفرافيرالطاقين الروشين اللي مسئطين البنطلون جامد أخرحاجه خالص بشعارهم"علي أد ما تقدرسئط بنطلونك...بلدناديمقراطيه مين هيلومك...أنت مش حرتقول رأيك... بس أن شاالله تقلع هدومك" لامم البنات حواليه وكمان "نيكول" بتتحايل عليه وهوبيرفض أسم الله عليه ياتري ياننوس بترفض ليه ..وأخيرآ أقولك رأيي بصراحه " جتكوا نيله مليتوا البلد".

هناك 19 تعليقًا:

افروديت يقول...

عليه العوض ومنه العوض

أحمد الصعيدي يقول...

وأنا أكرر

عليه العوض ومنه العوض


يقطع الصيف وبلاويه واللي بيجرا فيه


أسعدك الله

Amr Essam يقول...

بحبك أيوة يا بلادي ..
بحبك حبى لولادي ..
وهفضل أحبك ..
ولو حتى بعدت بعيد ..
عن رملك .. عن ناسك .. عن الوادي ..
بحبك ..
ولو حتى ..
قاسيت كتير من الطغيان على أرضك ..
انا عارفك ..
وعارف إني من طينتك ..
وعارف مين فى يوم ظلمك ..
ده أنا منك ..
ده انا إبنك ..
ده انا اللى بعلو الصوت
ومن قلبى بقولهالك ..
يا بلدى .. أنا بحبك !!


عمرو عصام

موناليزا يقول...

وده بطل اعلان جديد؟
ولا مشهور من زمان وانا اللى معلوماتى ضعيفة:)

0000000000000000
ممكن تشيلى تأكيد الكلمة حين ارسال تعليق

هوبتي يقول...

ههههههههههههههههههههههههههههههههههههههههههههههههههههههههههههههههههههههههههههههههههههههه

ضحكتيني
بصي انتي لازم تقري الموضوع دا هايضحكك بجد

http://anatakeofmyfamily.blogspot.com/2010/04/blog-post_23.html

-_- يقول...

يقدر يشهر اي واحدة , لازم يعشقوه !

فكرة من الزمن ده يقول...

انتي مصيبة ياشيخة موتيني من الضحك يخرب بيتك يا لاسوستا
روحي ياشيخة وتعالي تاني

اجمل حكمة سمعتها النهاردة فعلا جتكو نيلة مليتو البلد
اسعدني مروري بمدونتك
تحياتي

د. ياسر عمر عبد الفتاح يقول...

لما سؤال واحد عاقل شوية عن التلفزيون وأهميته

قال إن أهم من صناعة التلفزيون
هو صناعة زرار يغلقه

لو قفلنا تلفزيوناتنا عن أباه البني آادميين دول ,, هنرتاح كثير أوي

كلام على بلاطة يقول...

السعادة تتواجد فى عقل السعيد لا فى الواقع الجميل المجيد/

فكم من سعيد لا يملك من مقومات السعادة من قديم او جديد/

وعايش متهنى ولا يملك الا البساطة وكل شىء عنده مفيد/

بالبشاشة والسماحة والرضا شايف كل يوم من ايامة عيد/

ويرى ما ينقصه من ضروريات كتمرين من العاب الحديد/

تزيده لياقة وصحة وعقل سليم فى جسم حليم وكل له رصيد/

ومن يحمد الله ويشكره على القليل يبارك الله فيه وينمو ويزيد/

فاسعد نفسك بنفسك وخليك كل يوم شخص متفائل بفكر فيه تجديد/

افروديت يقول...

أحمد الصعيدي/حلوه اوي كلمتك دي أول مرة اسمعها لكن معبره انت شاعرياعم ومحدش ادك..بشكرك ع مرورك واسعدني تواجدك..اوعي متكررهاش

افروديت يقول...

عمروعصام/ ملك الرومانسيه ..كلامك حلو كلنا بننقدالاوضاع لكن لو هنتنافس في حب مصر اعتقد ان اكتر من 85 مليون هيفوزوا باكتساح .. عجبتني اوي قصيدتك دي واتمني تكرر زياراتك اللي فيها الكلام الحلو ده لمصر

افروديت يقول...

موناليزا/ والله ما اعرف هما بيطلعوا امتي ومن فين بس عارفه هيروحوافين والله اعلي وااعلم ..تامريني حبيبتي هحذف الكلمه في اقرب وقت.. نورتيني ياقمربجد

افروديت يقول...

هوبتي/ انت اللي ضحكتيني فيلم هندي برضه... ههههههههههههه. هروح بس اوعي يكون كمين نورتيني يااحلي هبه واسعدني وجودك

افروديت يقول...

sharm/ليه بتقول كده ياريس دا أول واحدعيزاك تعتقله اول ما أيدك تمسك ألكرسي .. نورت مدونه أفروديت ويكلي ..هاواخد لي بالك أنت

افروديت يقول...

فكره/ ههههههههههه.. ميرسي دابجد ولابحق وحقيقي ..انت اللي نورتي مدونتي يا جميله أنتي ..روحي ياشيخه وتعالي كل خمس دقايق ..نورتي يا قمر

افروديت يقول...

د/ياسر / فعلا عندك حق الريموت بأه أهم من التليفزيون عشان .. حرام بجد الواحد يشوف المناظردي.. ميرسي يادكتور أسعدني تواجدك جدآ

افروديت يقول...

كلام علي بلاطه/ والله يا أستاذ كلامك كله حكم وبيعجبني فعلا بدون مجامله والله نورتني ياحضره الناظر واتمني مش تأخر زيارتك الحلوه لمدونتي المتواضعه..بشكرك

ويكا يقول...

انتى فكرتينى بفيلم تامر حسنى

لما كان قاعد مع مزه كده مش فاكر مين فى مطعم وعدى من جنبه واد صغير كده فرفور مسقط البنطلون ، فقام جاى وراه بسرعه وشددهوله لتحت ، فالبنطلون وقع ، وقاله "اللللللللعب "

ههههههههههه

اهو انا بقى نفسى اعمل الحركه دى مع كل المخنثين اللى فى البلد ، اما البنات بقى اللى لابسين كده برده ، فدول تجيبيهوملى وانا ابقى اتصرف معاهم بطريقتى بقى


هههههه


البوست لذيذ بجد تحياتى

افروديت يقول...

ويكا/ههههههههه أنت مشكله ياويكا.. وبعتذرلكل البنات الحلوين اللي... ربنايهديهم قول معايا..آمين..وميرسي بجد ع الكمنت الاحلي من البوست وع مرورك اللي أسعدني.