الثلاثاء، 29 يونيو 2010

رسالة الي من لا يهمه الأمر...!

                                      NO EMERGENCY
  مش عايزين فول ولاعيش                            ولا مرتب ولا بقشيش     
  ولا  حاجه  من  الحكومة                          ولا حتي بانجو ولا حشيش  
 عايزين ياحكومة ديمقراطية                         عايزين يا حكومة شفافية
 مي  الأخر عايزين نعيش                              " ونحس.... بالحريه "             
  شفت فيكي بيوت يامصر                                 ملقتش حد مبسوط       
 لاقيت ناااس غلابه..غلابه                             قلة حيله ....علي طيابه      
     بيسمعوا الوعود                                      وساعات بيصدقوها     
  ليهم حقوق كتيييييييير                               ومش عارفين ياخدوهاااا  
    إللي بيبيع ولاده                                      أوحتي  حته من جسمه     
   وإللي بيرمي بناته                                     عشان كام جنيه بأسمه    
  وإللي قبل الرشوة في درجه                            عشان مرتبه الميت  
  وإللي عايش وفيه "نفس"                              وهو كده..كده "ميت"   
 وإللي بيسكر... وإللي جبان                            ومش قادر ينقذ أنسان       
    ولا حتي ينقذ نفسه..!                                الظلم بقي زي الطوفان  
 الناس ماشيه في الشارع                             علي وشوشهم كأبه غريبه  
  وأن فكرت تسألهم                                   تلاقي دموع وألف مصيبه     
 مفيش ضحكة إلا بحزن                                مفيش كلمة إلا بشكوي         
 أرحمنا من الظلم يارب                                يارب ليك أنت الشكوي        
 إن كانوا مشغلينها طواريء                         البريء ..  زي اللي سارق     
 أنا بشكيهم ليك "يارب"                                   ليك بس أنا بلجأ         
 أل" خالد" بلع البانجو                            وف بطنه كمان تريمدول وحشيش    
 يا كفره حرااااام عليكوا أتهدوا                     مش رحمينه ميت ولا عايش      
  خالد تشهد له صورته                                 فيها زي ملاك بريء       
 وإنتوا يشهد عليكوا تاريخ                           تعذيب  * قتل * تعذيب    
حقك يا"خالد" مش هيضيع                          حقك هيجي   .....هيجي         
 لو طلع مليووون تقرير                            أو قتلوك تاني   ....هيجي      
  البراءه مش منهم                                       ولا بينهم ولا فيهم    
 دا ربنا أسمه العدل                                    هيحرق ظلمهم  بيهم 

هناك 45 تعليقًا:

افروديت يقول...

ربنايرحم" خالد" ويرحم جميع امواتنا.حقك اكيييييييييد هيجي.

خالد يقول...

ربنا يرحمه ويرحمن احنا كمان

Tears يقول...

لنا الله يا بنتى.....بجد خلاص مش عارفه نعمل ايه عشان نخلص


مافيش حد ينجدنا؟

باحث عن حب يقول...

حسبنا ونعم الوكيل والله انا تعبت بس انا مش هسيب بلدى وحكافح علشان اعيش منهم لله

ويكا يقول...

وبعدين انا بقلك شكلك هتتحبسى هتتحبسى.

وشكلى انا اللى هجيبلك صميت وجبنه

ويكا يقول...

ولا هيجى ولا نيله

وبكره تشوفى


بس بلاش كلمة كفره دى ، انا عارف انتى ما تقصديش المعنى الحرفى ، بس برده ما تقوليهاش ، لان اللى يقولها بتبقى وقعت على حد من الاتنين
يا اللى بتقولى عليه فعلا ، يا (انتى ) ربنا يحفظك

Amr Omar يقول...

كلنا خالد يا افروديت .... كلنا خالد
الديمقراطية مش هتيجي بالساهل لازم ننزل الشارع و نقول لأ لحكومة الظلم و الأرهاب
لا لحكومة القتل
عايزين حقوقنا اللي ضيعتوها ...
الحل في ثورة شعبية كاملة مش في كلمة أو وقفة أحتجاجية
ثورة ... ثورة حتى النصـــر

-_- يقول...

الاتحاد الاوروبي عمل بيان

momken يقول...

بوست ينفع ثوره

تسلم ايدك

بغض النظر عن التحفظات على شخص خالد الله يرحمه

الا اننا نرفض كل ممارسات الحكومه واستخدام السلطه واستغلال النفوذ


تحياتى

علاء المصرى يقول...

نحن جميعا الله يحمنا
نحن دائما بلا سعر
والى يموت منا بالنسبة للحكومة يبقى خد الشر وراح

افروديت يقول...

tears/ في ربنا ينجدناويرحمنا منهم تيرز..أن شاء الله نخلص منهم..ميرسي ع مرورك الرقيق.

افروديت يقول...

خالد/يارب..نورت

افروديت يقول...

محمود/ بصراحة أنامش جبت سيرة ان حد يسيب البلدوأفتكر أنك لماتتخرج أن شاء الله هتغيررأيك أدام أول فرصة سفر لبلد تقدر تكون فيه مستقبلك وحتي أن لم تفعل فأنا أحترم رأيك جدآ..أسعدني تواجدك.

افروديت يقول...

ويكا/ بلاش تحبطني أكتر ما أنا محبطه..أنااملي في ربنا مش في حد بشر..أقولك ع حاجة لو في كلمة أفظع من كلمة "كفرة" قولي عليها وأناأكتبهالأن دا وصف قليل أووووووي عليهم..صدقني.اما بالنسبه للصميت والجبنه فأنابشكرك عليهم من دلوقتي بس ياريت ساعتها مش تخاف وتقول معرفهاش أعدمها ياباشا الجاسوسة دي...ههههههههههههه.عامة السجن للجدعاااااااااااااااااااااااان..ولا أيه.

افروديت يقول...

amr/ متفقة معاك تمامآوالي حساه أن الناس جسمها نحسسس..ومش هيثوروا أبدآ..وأقسم بالله لوحد عملها لا أكون أول بنت تروح..وبجد..نورت ياعمرو

افروديت يقول...

sharm/ شفت البيان بس لعلمك يااحمد دا مجرد بيان أخطاري يعني بيعرفوا انهم علي دراية باللي بيحصل..أنمالايحوي أي أدانة ولا أتهام مجرد بيان عاديزي الكلام بتاع "نشجب وندين" عارف أنت الكلام ده..أسعدني تواجدك

افروديت يقول...

MOMKEN/ مش عارفه ياممكن حاسه أنك عارف حاجة ساكت لما تقول "بغض النظرعن شخص خالد" لو تعرف حاجة معينة قولهاوانت عارف أن الأشاعات نازله عليه زي المطرو من مين...بلاش تغيب علينا ياممكن أنت شاعرجامد وأحساسك مميز.تحياتي ليك.

افروديت يقول...

علاء المصري/صدقت فعلآ المركب إللي تودي الحكومة مابتصدق الملايين تقل.نورت ياعلاء

بلال عادل رجب. يقول...

شعر رائع ممكن استخدمه فى انقله فى مكان اخر مع حفظ المصدر

فاروق سحير ( فاروق بن النيل ) يقول...

أفروديت .......
لقد أبكانى كلامك وذرفت دموعى التى كنت أظن أنها جفت كلامك حلو أوى طالع من القلب وطبيعى ويحس بيه أى إنسان فياترى فيه فى الحكومة إنسان واحد يارب نلاقيه

فاروق سحير ( فاروق بن النيل ) يقول...

أفروديت .......
لقد أبكانى كلامك وذرفت دموعى التى كنت أظن أنها جفت كلامك حلو أوى طالع من القلب وطبيعى ويحس بيه أى إنسان فياترى فيه فى الحكومة إنسان واحد يارب نلاقيه

فكرة من الزمن ده يقول...

افروووو
وحشتيني ياقمر
كمان اسمك جميل
وافروديت كمان جميل
والاجمل مخك
ياحتة سكرايا
جميل اوي ما كتبتي برغم من انه بيشكشك زي الدبابيس وبيقلب الاوجاع
تحياتي

Amr Essam يقول...

على مر العصور ومصر هى مصر .. منهوبة ومسروقة من عهد الفراعنة وحتى الآن .. لم يذكر السجن فى القرآن الكريم إلا فى مصر فى سورة يوسف ..هل يستطيع أى منا أن يدعى أننا كنا نحيا فى مناخ ديموقراطى ولو ليوم واحد فى أى عصر .. دعونا نقرأ كتب التاريخ .. دعونا نراجع آباءنا وأجدادنا .. لقد إستسلمنا للحديد والنار والضرب بالسياط وأحياناً (ولا مؤاخذة) بالأحذية حتى هانت كرامتنا على الفرعون وحاشيتة .. وفى كل عصر يظهر فرعون جديد.. وبطانة سوء جديدة .. وظلم جديد .. وقهر جديد .. والآلاف من خالد .. لن ينصلح الحال يا صديقتي إلا أن يقضى الله تعالى أمرنا .. ويرحمنا .. ولا يسلط علينا بذنوبنا من لا يخافه .. عندها فقط قد يأتي يوم بلا قهر ولا ظلم ولا مفاسد أو لعله يأتي يوم بلا فرعون .. تقبلى مروري.

افروديت يقول...

قلب بلال/ميرسي ع مرورك ..وممكن أعرف الاول فين المكان الي عايز تنقله ليه لوتفضلت .أسعدني تواجدك.

افروديت يقول...

فاروق بن النيل/أولا دموعك غاليه أوووووووووي بس المرة دي من حقناكلنانبكي ع خالدوع نفسنا..وحتي لومش في حدحس بكلامناربناعالم بحالنا..أسعدني تواجدك وميرسي بجدأنك جيت وأنك طمنتني عليك.

افروديت يقول...

فكرةمن الزمن ده/ميرسي بجديافكره ع كلامك ومرورك وده من ذ وقك بجدوانامبسوطه بيكي أوي وهعمل أيه حبيتك من غيرماأعرفك لانك عسوله وتتحبي..باي ياأحلي فكره

افروديت يقول...

AMR ESSAM/ عمرو مرورك بيسعدني في اي وقت وأنت عارف كده..وفعلآ كلامك صح بس احناكمان لوأتحناهنقدرنغيركتير ونوصل لحلول مهمة وجادة صدقني في الآتحاد قوة ولكن أين المتحدون و الآتحاد..أسعدني تواجدك

حابس نمله و بعذبها يقول...

ربنا يرحمه احنا فى اسكندريه كلنا مخنوقين بسبب الموضوع ده ودى مش أول مره تحصل حوادث زى دى فى اسكندريه بس كان بيطرمخ عليها

علاء المصرى يقول...

شكرا على مروررك الطيب

UncŁē Sam يقول...

يسلم احساسك
وسلمت يداكى

بجد مؤثره
تحياتى ومعلش علشان مقصر فى سؤالى وزيارتى لمدونتك

dr.lecter يقول...

ده لو الرساله وصلت اصلا

هاني مهران يقول...

مدونة جميلة



حلو التفاعل مع القضاياوالرؤية للموضوع كانت جيدة

\
تقبلى مرورى

العلم نور يقول...

ربنا يرحمه ويرحمنا برحمته آمين ..

أسعد كثيرا غاليتي أفروديت بمرورك وطلتك الحلوة .. وعلى فكرة مش أنا إللي كاتباها لكن كلها دق تحت الحزام.

ألف شكر وتحية وإن شاء الله تكوني دايما بخير يارب آمين.

baby يقول...

حسبى الله ونعم الوكيل ربنا يرحمه ويغفر ليه

تــركــي الــغــامــدي يقول...

تابعت بعض اللقاءات والبراج التي تناولت مأسأة خالد (رحمه الله) ، والحقيقة هالني الأمر إذ كيف يمكن أن تصل الأمور إلى تلك الدرجة من اللغط ، ومع ذلك في مصر أناس لاتأخذهم في الحق لومة لائم ، وإن ضاع الحق بين الناس فلن يضيع عند الله .
تحياتي واحترامي .

بلال عادل رجب. يقول...

انقله لمدونة مش فاضى

افروديت يقول...

حابس نملة /بس ليه الأذي ده ..ها.. الأنتهاكات دي بتحصل في كل مكان وفي أقسام وسجون كتيربس حكاية خالد أتمني أنه ياخد حقه وحق كل اللي سبقوه..ميرسي جدآ ع مرورك

افروديت يقول...

علاء المصري/لا شكر أخي الفاضل ع واجب فمدونتك ثريه وتستحق المشاهدة ويسرني أن أمر وأبدي رأيي..

افروديت يقول...

qlp_ze7n سولو/ ميرسي جدآ ياسولو ع مرورك وولا يهمك أحنا أخوات ومعذور طبعآ عشان امتحاناتك ومشاغلك.نورت ياسولو

افروديت يقول...

dr_ lecter/ ومين قالك أنها مش وصلت أكيد وصلت وربناموجود.ميرسي ع مرورك

افروديت يقول...

بحب الحكومة /ميرسي جدآ علي مرورك .ورأيك.

افروديت يقول...

أم الخلود/أختي الغاليه دندنة بشكرك جدآ علي تواجدك ودعائك لخالد..وعلي مرورك الرقيق.

افروديت يقول...

baby_ ميرسي جدآ ع مرورك بابي شاعرتناالرقيقة الجميلة ..نورتي ياقمروأسعدتيني.

افروديت يقول...

تركي الغامدي / أتفق معك أخي الفاضل وبالفعل مصربها أناس كثيرون لايشجعون الباطل وأهله والحمدلله أن النائب العام النزيه حول القضية لمحكمة الجنايات..ميرسي جدآ ع تواجدك ورأيك

افروديت يقول...

قلب بلال/أذا كنت تتحدث علي نقل هذه القصيدة بالطبع أخي لك ماطلبت مع حفظ المصدرورجاء مني أن تضع صورة المرحوم خالد لأنهاتخصه وكتبتهامن أجله هو..وبشكرك ع مرورك