السبت، 3 يوليو، 2010

سؤاااااااال ؟؟؟!!!



   

   س/ ما رأيك في التطبيع مع أسرائيل كدولة ومع الصهاينة كأفراد ؟                     


        أرجو ألتزام الموضوعية والشفافية والصراحة خاصة في الرد علي هذا الموضوع.

هناك 46 تعليقًا:

افروديت يقول...

لن أعلق الأن..

قلــ"بـــلال"ــــــب فارس يقول...

اظن ان اكبر جريمه السادات عملها
هى الاعتراف بااسرائيل
نعم الاعتراف بااسرائيل
اكبر خطيئه ارتكبها

قبضة مدونين جزيرة العرب يقول...

lوضوع جميل وجدير بالطرح فعلا ..

في اعتقادي لو لم يكونوا اليهود يحتلون فلسطين .. ولم لم يذكروا في القرآن الكريم بأنهم قردة وخنازير .. لأصبح ليس هناك مانع من التطبيع معهم على أساس أن لهم دولة مستقلة خاصة بهم .. لكن لأن الله عز وجل كتب عليهم الذل والتشرد .. فنحن سنسير في هذا الطريق أيضا.

مسرورة كثيرة غاليتي بمرورك الكريم وإطلالتك الجميلة .. تحية صادقة من القلب لك.

نهر الحب يقول...

لا تطبيع مع اليهود مغتصبى الارض وقتلت الاطفال

ويكا يقول...

ادينى سبب واحد يخلينا نبقى محتاجين نطبع

ضياء القلب يقول...

ارفض بالثلث
خلفوا
الصلح
مع رسول الله
يارب
اسألكالشهاده
على اعتاب
الاقصى

محمود(باحث عن حب) يقول...

استحاله
يولعوا بجاز وسخ
انا منساش اللى بيعملوه فى
اخواننا
وبأدعى عليهم فى كل صلاه
يارب اكرمنى بالشهاده
فى تحرير القدس
من بين يدى الانجاس
بس البلد مطبع من الكويز
لغايه مرور السفينه النوويه الاسرائليه مرورا
بضرب العراق ومرور
السفن
من قناه السويس
لو كانوا ابائااللى حفروها بالمقاطف والمعاول انها هتساعد
فى قتل اخواننا كانوا فضلوا الموت عن انهم يحفروها
حسبنا الله ونعم الوكيل

فارس عبدالفتاح يقول...

ليس هناك أي ضرورة أو حتمية للتطبيع مع العدو على تطبيع فردي أو جماعي أو حزبي أو تطبيع دولة .


ومن يطبع من قتلوا أبناءنا بدم بارد ودفنوهم في رمال سيناء لا تطبيع معهم كذلك من قتلوا إخواننا في العروبة والإسلام وسرقوا أرضهم ونهبوا خيراتهم ويهددونا كل يوم وكل ساعة ولكل لحظة لا تطبيع معهم ولا اعتراف بهم ولا تفاوض ولا صلح

ومن يفعل ذلك بقصد أو بدون قصد ويقول أن هذا يخدم الوطن ويخدم الأمة فهذا إنسان يستحق الإعدام في ميدان عام لأنه نسي القضية ونسي الشهداء نسي الأرض ونسي الدين .

وقد نقبل أن نعيد النظر في هذا الموضوع ولكن بعد أن تزال دولة إسرائيل مع على الأراضي العربية ويرحلوا من حيث أتوا بعدها قد ننظر في إعادة النظر في هذا الموضوع .

هتشوفوا يقول...

تعرفي ان أي حاجة يعملها النظام أو يوافق عليها ابقى ضدها, جايز عشان عمري مشفت منه حاجة صح

لورنس العرب يقول...

كتبت تعليق كبير وللأسف لم يظهر!!!

لورنس العرب يقول...

التطبيع مع اليهود في مثل حالة مصر يختلف كليا عن أي تطبيع آخر لسببين
أولا: لأنه أتى بعد حرب كبيره وكان هو السبيل الوحيد لإستعاده الأرض
ثانيا: هو تطبيع سياسي أو (شكلي) وليس بالمعنى المفهوم لدى الناس، ولذلك تلاحظي شكوى السفير اليهودي بالقاهره من التجاهل المستمر له
يعني ما يحدث بين مصر واسرائيل حاليا من تطبيع فرضته ظروف حرب واستعادة أرض فقط

ثانيا: هناك بلادا لا يوجد بينها وبين اسرائيل أي احتكاك ولا حدود ولا حروب وتطبع معهم حبا فيهم وتتعامل معهم من تحت الطاوله - هذا من أغرب الأشياء الموجوده حاليا ولا أجد لها أي تفسير

ثالثا: التطبيع مع أفراد يهود لا أحبذه أبدا، فلم تضيق بنا الدنيا لكي نتعامل معهم
وإن كان بيننا وبينهم معاهده سلام فالنجعل هذا التطبيع بين الحكومات -شكليا- وليس بين الافراد

وردا على الاخ الفاضل بلال صاحب التعليق الثاني
السادات - رحمه الله- لم يرتكب جريمه في معاهده السلام
بل أعاد لنا الارض عن طريقها
ولولا ما فعله هذا ما كانت سيناء عادت إلينا مرة أخرى
أنظر إلى سوريا وأنت تعرف ما قيمه ما فعله السادات
كان من الممكن ان يقول السادات لا لمعاهدة السلام- ووقتها كانت امريكا ستخرج لنا لسانها وتقول "لن يخرج اليهود من سيناء" ويضيع كل المجهود الذي فعلناه في الحرب
فما رأيك لو كنت تعيش هذه الأيام وسيناء محتله من جانب اليهود؟
ان انها ستكون مصيبه كبيره
فالنحمد الله على ما نحن فيه الآن
فهناك الآن بلادا يتسولون الجلوس "مجرد الجلوس" مع اليهود من أجل التفاوض على الأرض واليهود يرفضون

Tarkieb يقول...

التطبيع مع اسرائيل مجبرا أخاكي لا بطل..يعني لو مصر او الاردن كانت تضمن انها ح تجيب حقها من غيره كانت معملتش تطبيع.... ولكن في ناس ليس لها اي مصالح مشتركة مع اسرائيل ولا حدود وبرضه عملو زي قطر وموريتانيا ودول بقى عليهم علامة استفهام كبيرة ؟ اما للافراد فادي بقى حاجة تانية خالص لان كل الاسرائلين معاهم جنسيات تانية وعلى راي المثل اللي ما بيرضي بالخوخ بيرضي بشرابه..ودول بقى ياستي تقريبا في كل الدول العربية وسلملي على الخوخ

افروديت يقول...

قلب بلال/ السادات أنابحبه جدآوبحترمه بس بجد مكنش في طريقة غيركامب ديفيدوإلا عمرنا ماكنا هنرجع شبرمن أرضنا..ميرسي جدآع مرورك وعلي رأيك

افروديت يقول...

قبضة جزيرة المدونين/ أم الخلود لن أعمم ولكني أكره اليهود بالفطرة لأ أعلم لماذاولكن ليس لأنني ولدت مبرمجة علي الكره ..ولآ أظن أنناكناسنتعامل معهم وأنافي رأيي كل من يتعامل معهم فلايستحق الحياه أصلا..وأعلم أنكي لا تقصدي أنكي في جانب المطبعين معهم ولكن حتي لولم يحتلوا فلسطين فأناأرفضهم.ماذاتقصدي بأنناسنسيرفي هذاالطريق وأي طريق تقصديه... تعلمي ان تواجدك يسعدني كثيرآ.

افروديت يقول...

نهر الحب/ بالطبع يسعدني رأيك جدآوطرحت هذاالموضوع لأسمع هذه الآراء..يسعدني مرورك

افروديت يقول...

ويكا/ ولاسبب ياوئام ..غير أن في ناس ذ بالة بيطبعوا معاهم.

افروديت يقول...

ضياء القلب / خلفوا مع رسول الله"عليه أفضل الصلاة والسلام " فقط دول خلفوا مع أمة المسلمين وغيرهم .بشكرك ع مرورك ورأيك

افروديت يقول...

محمود/ حسبناالله ونعم الوكيل في اليهود وفي اللي بيعدوهم كمان وبيطبعوا معاهم..بشكرك ع مرورك رأيك أسعدني

افروديت يقول...

فارس عبد الفتاح/أتفق معك فيماقلت وبالفعل من يفعل هذايستحق الأعدام..وأظن أننالن نعيدالنظريومآ ما لأنني لآأظن أن من أغتصب وسرق وقتل دون وقفة أمام دموع طفل يبكي خشية الموت ..لا أظن..النصرمن عندالله..أسعدني تواجدك ورأيك

افروديت يقول...

هتشوفوا/ فعلآيمكن عشان عمرك ماشفت حاجة صح..بس في الموضوع ده تحديدآ مش هنكون ضدالنظام لمجردأننانعارض.. عارف في ناس كتيرضد النظام وبتطبع مع الجزارين..أسعدني تواجدك ورأيك

افروديت يقول...

لورنس العرب/بالطبع كلامك منطقي وواقعي ولأكني طرحت هذا الموضوع بسؤال صغير ومعناه كبير وذلك لأني رأيت وعرفت عن الكثير ممن يرحبون بالتطبيع جدآ ويفتحون صدورهم للصهاينة ونسيوا الشباب والأطفال والنساء الذين يفتحون صدورهم ليتلقوا رصاص الصهاينه ونسوا كل شيء ..عارف في ناس كتير لو قروا كلامناهيقولوا أننا سلبيين ومش بعيد يقولوا متخلفين وأغبيالكن بجد هما الأغبياوالي ربناهيحرقهم في ناره أن شاء الله...وبالفعل لو ماأقر السادات معاهدة السلام وقبلها ووقعها ما كنا سنسترد سيناء ومن أدرانا أن الأمرحينهاكان سيتوقف علي أسترداد سينا فقط إن لم تكن مصر كلها أو بعضها..أسعدني تواجدك ورأيك.

افروديت يقول...

tarkieb/ فعلآ وهمادول إللي أنا أقصدهم لأنهم مش محتاجين أصلا يطبعوا أو يحتكوا بيهم أصلآ ..بس تقول أيه مصالح بقي وبزنس ..أماالناس اللي بتقول عليهم حاملي الجنسيات الأخري دول كتير وأناأعرف ناس منهم هنا في مصروأعرف ناس برضه كانوامش بيطبعوا بس معاهم لأ دول بيخدموهم بعنيهم..وسلملي ع الخوخ..ألا أيه عصير الخوخ ده يادكتور أوعي يكون أختراع من بتاع العشرة جنيه كل فينتو ثانيه.. ميرسي ع مرورك ورأيك

أنتخ يقول...

التطبيع مع كيان يحتل أرضا أيا كانت هو اعتراف بشرعية احتلال
أرفض التطبيع مع اسرائيل الكيان الصهيونى المصنوع لفض الكيانات العربية كاملة لشطبها من الوجود

كل التحية والود

العيسوى الصغير يقول...

ارى ان الحرب اختلف مفهومها ومن لا يعترف بالنار تحرقه
الحرب الان بالاقتصاد والعلم
مش بالصاروخ ولا الطايرة
مع ان الصاروخ والطايرة من غير علم وفلوس(اقتصاد) مش هيبقوا عندك

والاقتصاد دلوقت بفوم على التكنولوجيا (بصوا على الهند)يعنى بعتمد على العلم

والعلم عند اوروبا
و اوروبا واميركا خلفاء اسرائيل

وبعدين انا (شخصيا) مشكلتى ايه مع اسرائيل

ولا هى بضرر مصر فى ايه

نبقا نحاول نستفاد منها

نفسى نبقى زى تركيا

ضد اسرائيل فوق الترابيزة
و اكبر حليف من تحت الترابيزة

المخلص : اوافق المهم المصلحة

bergerdtgvetrt يقول...

betdbdtbdt

أبو أمك يقول...

بما إننا خلاص اتطبعنا بطباعهم, فنحن في عصر التطبيع
هي يعني جت على دول
لو كل دولة حاربتنا وقتلت لها كام واحد مننا ماطبعناش معاها هانعيش في كوكب تاني
وكما قال الشاعر الفظيع..إذا كنت من القطيع...خليك حلو ومطيع...وعليك بالتطبيع

خالد يقول...

خلينا نفكر بعقلانية شوية
الكلام قديم بس حبيت اقوله تاني يمكن يكون جديد بالنسبة لبعض الناس
هاقوله في صورة اسئلة
ليه بنكره اسرائيل؟
ليه كل حاجة مرتبطة بالكيان ده حساسة؟
مع اننا بقالنا 37 سنة ما حاربنهاش
37 مااتخانقناش معاها والا حصل انها احتلت ارض لينا ولا مستنا بحاجة عكس الدول التانية : لبنان ، سوريا ، فلسطين ، الاردن
هل رفضنا التطبيع مع اسرائيل بناءا على اقتناع مننا والا مجرد حماس؟
يا جماعة نفكر بعقلانية اكتر
يا ريت كلامنا يكون عن اقتناع مش مجرد حماس
ياريت نكون قرينا تاريخ اليهود وعرفنا انهم لا ليهم عهد ولا دين
ياريت نعرف مش بس تاريخهم الحديث لكن نعرف برضه تاريخهم القديم والقديم قوي
هاتعرفوا بس ساعتها اننا مش بنكرههم تفضلا منا لكن فرض علينا نكره اللي قال عليهم ربنا
وباءوا بغضب من الله
ناس ربنا غضبان عليهم نطبع معاهم ازاي
ازاي يا مسلمين؟
اقروا
الأعداء من يهود

حقائق اليهود
تقبلي مروري

بنك دم المدونيين يقول...

ارجو من حضرتك الاطلاع على الفكره ةنقدر مساعدتك

Amr Essam يقول...

التطبيع ... كلمة من حروف قليلة ولكنها حروف دامية .. كلمةالهدف منها إهدار الكثير من المعانى والمبادئ والقيم والتي تكونت من دماء أمة بنسائها وأطفالها والشرفاء من رجالها ..
أمة مازالت تنتظر صلاح الدين جديداً ليحررها ويطهرها من رجس حكام يجيدون التحدث بالشعارات الرنانة بلا فعل يثبتها حتى نسوا الرجولة وصاروا يعيثون فساداً في زمن التخنث والفساد ..
أفروديت .. موضوعك رغم انه من كلمات قليلة إلا أنه أثار شجوني وأظنه أثار شجون كل من قرأه .. تقبلي مروري!

نسر الشرق يقول...

انا ضد التظبيط
انا انادى بالتطبيع مع الفلسطينيين والعرب حقا لان النظام المصرى الان يحمى حدود اسرائيل من المخدرات ويحمى حدود فلسطين من الطعام ومواد البناء
اما تظبيط اليهود لينا فمن يوافق عليه افضل له ان يشاهد مسرحية سكة السلامة
او ان يشاهد نشرات الاخبار
http://nisr-elsharq.blogspot.com/

mrmr يقول...

باختصار ياافروديت انا رايى من راى تراكيب
مجبر اخاك لا بطل

نادر يقول...

انا مش مع التطبيع لكن الحقيقة ان مصر من ساعة الاتفاقية المشبوهة مطبعين من زمان
روحي شوفي في الزراعة والخبراء الاسرائيلين
شوفي التجارة وهاتصعقي من كمية السلع المتبادلة بيننا وبين اسرائيل بس ما حدش بيقول
معلش انا باقالي فترة مش متابع لظروف طارئة لان مدونتك تستحق المتابعة
وكنت عايز مساعدتك لاني عاوز اعمل مدونة
اجمل تحياتي

فاروق بن النيل يقول...

أفروديت .....
أولا لى سؤال : ماهو معنى التطبيع؟
الإجابة : 1-إذا كان سلام محترم يحفظ حقوق الشعب الفلسطينى والقدس والمسجد الأقصى وكنيسة القيامة فأهلا به
2- إذاكان سياحة بين البلدين وتبادل إقتصادىوعسكرىوثقافى وإعلامى وتربوى فلا ولا ولا ولا إلى يوم القيامة.

افروديت يقول...

أنتخ ميرسي جدآ يا أنتخ ورأيك عجبني ويحترم وفعلآ اللي أسرائيل هدفها هدم الكيانات العربية..أسعدني تواجدك ورأيك.

افروديت يقول...

العيسوي الصغير / فعلآ الحرب بالعلم بس مفتكرش يااخ عيسوي أن الشيخ ياسين وغيره ملايين أستشهدوا عن طريق قذفهم بلاب توب ..وأراك تقول أناشخصيآ مشكلتي مع أسرائيل أيه ؟ وكأنك تسأل ..أرجو منك كتابة " صورة مؤلمة " في بحث جوجل وستري ما مشكلتك مع أسرائيل ..أرجوأن تعود برأي أخربعد رؤيتك للصور الحصرية لمذابح أسرائيل..ميرسي ع مرورك ورأيك

افروديت يقول...

أبو أمك / مييييييييين قال أننا أطبعنا بطباع الصهاينة مين قال ؟ وغير كدهبتقول لوكل دوة حاربتنا وقتلت كام واحد كأن اللي بيموتوا دول فيران لا أنامش ممكن أقتنع بكده وأسرائيل مش أي دولة ولا دولة أصلا أرجع للتاريخ وأنت هتعرف انهم كانوا شوية عصابات مش أكتر .. ميرسي ع مرورك ورايك

افروديت يقول...

خالد / ميرسي ع مرورك ورأيك الموجه لبعض المعلقين المؤيدين للتطبيع مع اليهود.. وعلي مدك لينا بروابط مهمة زي دي.

افروديت يقول...

بنك دم المدونين / حضرتك لم ترد علي الأسئلة التي وجهتها..الدم هيروح فين ولمين بس ؟ ميرسي ع مرورك

افروديت يقول...

عمرو عصام /ميرسي علي مرورك ورأيك أسعدني جدآ وكنت أعلمه .

افروديت يقول...

نسر الشرق/ ميرسي جدآ ع مرورك ورأيك المنطقي الذي يحترم .

افروديت يقول...

mr mr / تركيب بيتكلم عن التطبيع بين الدول بجملته " مجبر أخاك..." ولكن كل فرد له مطلق الحرية في أن لا يطبع ولكن في ناس من أجل مصلحتها بتطبع مع أبليس نفسه ...ميرسي ع مرورك ورأيك

فكرة من الزمن ده يقول...

افرو وحشتيني ياقمر
يا انا اتاخرت اوي وحشة انا سامحيني

بالنسبة للموضع بتاع التطبيل ده
وانا اقصد تطبيل فعلا
لان اللي بيروجو ليهمن الكتاب والمشاهير بحسهم بيطبلو وبيقولو احنا اهو زي المسحراتي بتاع زمان ومستنيين الناس تفتكرهم
اما بالنسبة لعموم الناس كارهة العدو ورافضة التطبيع
لكن ده موش بيغير حاجة من الواقع لان الاهم هو تطبيع الحكومات وده الاهم واللي حاصل غصب عنا
في كل المجالات
تحياتي

فكرة من الزمن ده يقول...

اما بالنسبة للصهاينة كافراد فكل فرد فيهم مجند ذكر او انثى كبير اوصغير ويحمل كره غير عادي لينا بيشربوه من صغرهم

افروديت يقول...

نادر/ عارفه أن في ناس كتير بتطبع ونظام بلدنا بيطبع لكن ده مش مبرر لأي حد عنده دم أنه يطبع مع الصهاينة ....

أما بالنسبة لحكاية مساعدتي دي فأنابصراحة مش عندي خبرة خالص أنامعرفتي بالمدونات محدودة لكن أقدر أساعدك عن طريق http://neokhaled.blogspot.com/ أو http://100fm6.com/ أدخل ع اللينكات دي وأنت مش هتحتاج أي مساعدات وعامة لو حضرتك أحتجت أي سؤال تقدر ترسله ع التعليقات وأن شاء الله لو أعرف هفيدك.. ميرسي ع مرورك

افروديت يقول...

فاروق بن النيل/ الأستاذ الجميل وشاعرناالجامد جدآ بكون مبسوطة لما بتمروالله..طبعآ ماتفضلت وذكرته بالنسبة للتطبيع فأسرائيل وأنت تعلم هذا جيدآ لم ولن تكون شريفة أو محترمه في أي عهد ولازمن لذلك أقتراحك الأول لن يتحقق ولكن دعنا نفترض أنه تحقق فعليآ وهذا ما أتمناه من كل قلبي فلم لا نطبع معهم ولو أني لن أقبل ذلك ولن أنسي مافعلوه... أمااٌتراحك الثاني فرأينا طبعآ واحد مستحييييييييييل ... أنا سألت السؤال ده لأني أعرف ناس بيطبعوا معاهم ولا في دماغهم حاجة خالص وللأسف وجدت أن بعض الردور هنا تؤيد التطبيع أيضآللأسف.... نورت ياأستاذي الفاضل والمحترم ..أسعدني تواجدك.

افروديت يقول...

فكره / أنتي اللي وحشتيني وربنا.. وبعدين ولايهمك أنتي تيجي في الوقت االلي يعجبك ياجميلة أنتي وع فكره يافكره أناعارفه انك بنوته جدعة وعجبني رأيك جدآبس خللي بالك أحنا كمان بنكرهم بالفطره... نورتي يافكرتي