الأحد، 25 يوليو 2010

مكنش يومك يا عواااااااااااااد ....!

                     طبعآ أي كلام فاضي معقول مبدئيآ كده المحامي   
                         معرفووووووووووووووووووووووش       
                     أيوه ياجماعة لازم أخلص ضميري لأن دي مش    
                  قضية أمن دولة دي أمن دولة وعام وخاص وكللللله    
                  نهيب بالسادة المدونين والمدونات أصحاب البلوجات   
    بأن اللي هيكتب تعليق من نوعية " أحسن أو ربناياخده أو آمين أوياريت 
      أنا معرفوش لأني ياجماعة ظروفي صعبة رئيس تحريري معتقل لأنه   
 كان رافع قضية علي " عفروتو" في مجلس الدولة .. وكل يوم والتاني اللي ربنا  
   يريحنا منهم ياخدوا جيراني لأنهم ياعيني مطلقين اللحية وبيروحوا المسجد  
 وعشان كده أمي قالتلي /مش فاضل غيرك إنتي بقي أدامك شوية صغيرين وتصيفي
                  في سويسرااااااااااااااااااااااااااااااااااااااااااااااااااااااااااااا       
    
                 كانت هذه المقدمة واليكم القنبلة أصدي الخبر بالتفصيل    
   فجر المحامي المستبيع " حامد سيد مكي " مفاجأه من العيار 18  حيث رفع
  قضائية ضد وزير العدل المشتشار /ممدوح مرعي  وأخرين متهمآإياهم بتضليل
 الشعب المصري " ما الشعب طول عمره مضلل وساكت ياخويا"  وقال ........ قال 
 مش قادرة الكلمة تقيلة أوي الله يرحم المحامي برحمته قال : أن ..........أن   

    الرئيس مبارك قد توفي عام 2004   "خيراللهم أجعله خير"  اثرعملية أجراهافي  
 ألمانيا . وقال المحامي أن الطبيب الذي أجري العملية أعلن الخبر وأذاعته إذاعة
    " مونت كارلو" ثم إذاعتة بعد ثوان اذاعة  اسرائيل ولندن ...يا لهوووووووي 
  وبعدهاألتزمت جميع الأذاعات الصمت .ونتيجة الوفاة المفاجأه قد أتفقت قرينته مع 
أبنائها والوزراء علي إخفاء الخبروإيجاد بديل للسيد الرئيس يظهر في لقاءاته والأعلام
وبذلك تتمكن قرينته من ادارة الأمور وأضاف المستبيع أن أمريكا وإسرائيل وألمانياعلي
علم بذلك ولكنهم يخفون الخبرلأن من مصلحتهم استقرارالنظام المصري "أشك في دي"
                  وأخيرآ أضاف أن العملية الأخيرة في ألمانيا أيضآ خدعة 
     ومن فضلكوااللي يقرا الخبريترحم ع المحامي ياعالم أراضيه فين دلوقتي
  كنت عايزة أقول للأستاذالمحامي / أحنابناكل عيش بقمح مسرطن ..ولحمة بالحمي
  القلاعية وفراخ بتعطس والمية هتخلص والبلد متباعه " بس محدش فينا قال كده  
        ياتري يا متر أنت قلت كده لييييييييييييييييييييييييييييييييييييييييييييييه ؟
   بعدالشرعنك ياريس نموت أحنا وأنت تعيش ..نروح في داهية بس متمشيش 
        نعطش إحنا وتشرب أنت الميه المعدنية بس مش   تنده لنا  شاويش

                                        دي صورة من الدعوي                            
                                     
 
                        مالوش بدييييييييييييل يا خويا مالوش شبييييييييييييه

هناك 64 تعليقًا:

افروديت يقول...

معرفوووووووووووووووش .. ياتري بتتمني أن الخبريكون صحيح بنسبة كام في الميه .... "تهيس محامي"

mrmr يقول...

ايه هو ده
انت بتحكى قصه مسرحيه الزعيم

اكيد اللى قال الخبر ده كان بردان فى عز الحررررررررر

ههههههههههه

ويكا يقول...

الراجل ده بيحكى الحلم بتاعى من اسبوووووع


بس والله ما اعرفه ولا خكيتله حاجه

eman said يقول...

عزيزتى افروديت
خطير جدا البوست ...بصراحة اكتر حاجة عجبتنى جدا فى المدونة جبت ده منين ..سمعت الخبر ده فعلا وقتها برة مصر ..ووقتها كان فى فرنسا تقريبا وبعدها الخبر فعلا اتكدب ..وهو ظهر تانى .
جايز ليه ...لا
مع تحياتى وتقبلى مرورى

Amr Essam يقول...

الخبر غير صحيح طبعاً .. بعد الشر عليه حبيب الملايين .. بصراحة لما قرأت الخبر يا أفروديت قلقت عليه .. رحت ماسك الحته الآى فون وإتصلت بيه (ماهو مش معقول أكلمه من النوكياإللى بكلم منه عامة الشعب) .. الجرس فضل يرن كتير ومحدش رد .. قلبى أتقبض مش عارف ليه وحسيت ان الخبر ممكن يكون صحيح .. بعد شوية إتصلت تانى وفين وفين رد عليا حبيبى الغالى وقالى يا عمووور يا حبيبى متقلقش دى كلها خطة منظمةعلشان الناس تتشغل فى أى حاجه ومتفكرش فى المصايب اللى هى فيها .. وكمان قالى بص بأه إنت قريت الخبر ده فين؟؟ طبعاً أنا مقدرش أكدب وأنا بتكلم معاه .. قلتله عند أفروديت يا غالى .. سكت شوية و تقريباً كلم حد جنبه وقاله .. البنت دى لازم تتنفى بكره .. ودوها عند الحبايب .. وسمعت صوت مش ولابد بيقوله تعليماتك يا غالى هتتنفذ حالاً .. هتوحشينا يا أفروديت !

Amr Essam يقول...

نسيت اقول إن التعليق السابق من خيال المؤلف وأى تشابه بينه وبين الواقع هو مصادفة مقصودة جداً .. والمسئوليه كامله تقع على عاتق الأستاذة أفروديت صاحبة المكان ..

باحث عن حب يقول...

هههههههههههههه
هنصيف فى سوسيرا
جماعه
يا افرروديت
امشى جنب الحيط علشان انا
ماشى جوا الحيط
ومش عارف انا
هقدر
على البرد
والكهرباء فى الاماكن
المستعصيه
ولا
لآ
ولا هنصيف فى مدينه نصر
قدام المدينه الجامعيه لجامعه الازهر
ولا ايه
(والحدق يفهم)
المه القصه دى
سمعتها
من فتره طويله
بس
انتى جبتى الدليل القاطع
بس
ايه الحل
هنعمل ايه

لا ارى لا اسمع لااتكلم
ومش عارف اتنفس
ولا حتى ادخل الحمام كمان
مش عارف والله
الايام اللى جايه هدويتنا على فين
برادعى ولا ايمن نور
ولا حتى السيد البدوى شى الله يا وفد

ولا جمال باشا
ولا احمد باشا عز

ولا محمود
باحث عن حب

Amr Omar يقول...

فكرتيني بكلمات نجـم الجميلة

اتجمعوا العشاق في سجن القلعة
اتجمعوا العشاق في باب الخلق

و الشمس غنوة من الزنازن طالعة
و مصر غنوة مفرعة في الحلق

تجمعوا العشاق بالزنزانة
مهما يطول السجن مهما القهر

مهما يزيد الفجر بالسجانة
مين اللي يقدر ساعة يحبس مصر

باحث عن حب يقول...

http://elshehab83.blogspot.com/2010/07/blog-post_25.html

Alaasalim2 يقول...

السلام عليكم

فعلاً نفس قصة مسرحية الزعيم
لا أظن إن دا حصل أو حتى ممكن يحصل

khaled يقول...

يا بنتي انا خايف عليكي
اهه عشان ماتقليش اني ما حذرتش
دول ايدهم تقيلة

افروديت يقول...

mrmr/ والله منا هواللي قال أنتي عايزاني أروح سويسرايامرمر .. عامة أناهقول أنك شريكتي ماشي هههههههههه ..دا هيموت من البرديامرمر ..ميرسي يامرمورتي عل مرورك ورأيك ..نورتي

افروديت يقول...

ويكا /أسكت .. أسكت وبتقولهاكده ع الملأ أنك حلمت دول بيحاسبونا ع الي بيدور في عقلنا الباطن يا ويكاومش بعيد يتهموك بأنك بتحلم وكمان حلمك بيتحقق ياخبررررررررررررر...
ميرسي يا ويكا ع مرورك نورت وشرفت

افروديت يقول...

زهرة الصبار /كويس أنك مش قلتي ياريت أحسن كنا اتحبسنا.. نورتي ياقمروشرفتيني بمرورك

افروديت يقول...

amr essam / " قلتله قريته عند أفروديت ياغالي" ماشي ... ماشي

بس خللي بالك أنامش رايحة جوانتاناموا لوحدي أنتوا زمايلي ولازم ولابد تصيفوا معايا

ألحقونيييييييييييييييي... عمرو باعني بالحته الأي فون وبلغ عني قبضت كام ياعمرو .. ها رد

ميرسي ع مرورك ولو أنك جاي مخصوص عشان تحبسني .هههههههههههههه

افروديت يقول...

محمود باحث عن حب / ومالك مبسوط أووووووي أه شكلناهنصيف هناك جماعة علي رأيك ... وأحب أقولك أترشح أنت بس ومش ليك دعوة هننتخبك يعني هننتخبك بس بقولك ايه خليك واضح وصريح وحضربرنامج متجننيش زي البرادعي

وأهم حاجة تعمل نقابة للمدونين الغلابة وأنا أبقي رئيستها أوك
نورت يامحمود وميرسي بجد علي مرورك ورأيك اللي هيودينا سويسرانصيف بدون مصاريف سفروشحن هههههههههه

افروديت يقول...

amr / شو ف ياعمرو أنا بموووووووووووووت في شعرالفاجومي وأراءه بجد ...ومبسوطة بكلامه اللي أنت قلته ... نورت ياعمرو وميرسي ع مرورك .

افروديت يقول...

علاء سالم /وعليكم السلام ورحمة الله وبركاته..هوفعلآ يا علاء نفس المسرحية تيبيكال بس بالتأكيد مش صح ع رأيك .. بس لا أستبعد أن يحصل ممكن جدآآآ

افروديت يقول...

khaled/ شكلك كده جربت ايديهم .. هعمل ايه نصيبي بقي ونصيبكوا أنتوا كمان معايا ما هم هياخدوا المعلقين كمان وأولهم أنت

ميرسي ع مرورك يا خالد.. نورت

Unknown يقول...

أفروديت
اولا حمدلله علي الرجوع الجميل وأحب أعرفك أنا كمان كنت مختفي شوية لمشكلة ما والحمد لله كلة تمام الان ( مشكلة في العمل ولي سويسرا)

وبعدين أنت كدة تجاوزتي الخط الاحمر والاصفر والبنفسجي ,,
وخلي بالك من كلام ماما وأسمعي كلامها ..
وادعوك لمشاهدت البوست الجديد لي في مدونة مصر هى ...
دة عشانك برضك

م / علي يونس

فارس عبدالفتاح يقول...

الخبر ده قديم ... جداً جداً جداً

غير معرف يقول...

اهو كده الشغل ..............يا قطة

حسن ارابيسك يقول...

الرائعة افروديت
أولاً اشكرك على الكلام الحلو في تعليقك عندي ربنا مايحرمناش منك..امين

بخصوص تلك التدوينة
الحقيقة مش عارف كان من حظي او من عدمه لانني اول مرة اقرأ الموضوع ده وبالفعل له من الخطورة حد السيف ان كان السيف من نصيبه او الرجم
لكن اضم صوتي طبعاً لصوتك وأقولل صحيح وايه الجديد
تحياتي
حسن أرابيسك

فاروق سحير ( فاروق بن النيل ) يقول...

أفروديت ........
خلاص يابنتى .........................
نويتى تصيفى وراالشمس فى وادى النطرون حيث لا عسل وقشطةولاجبنةولاتورته ولالمون فيه بس حلاوة وعيش بالرمل والينسون
ولاتروحوفى غيبوبة زى اللى صابت شارون
وفى الآخر حيقولوا مافيش عندنا ولامسجون
هناواحدأهبل كان عايش دلوقتى بقى مجنون

NANA Dreams يقول...

مرحباً أفروديت

ما بلاش الحرية الزيادة عن الزوم علشان ما تقلبش

بجد

تحياتى لكِ لموضوعك 

العلم نور يقول...

السلام عليكم ..

أعتذر عن تأخري بالرد لإنشغالي بالمراسلات.

وأما عن خبر وفاة الرئيس فأقولك بكل ثقة لم يمت لأنه ربنا مخليه زي فرعون متحنط كدا عبرة لمن اعتبر!!!

تحية لك وبارك الله فيك

dr.lecter يقول...

هوخلاص بيشطب اليومين دول

مسلمة حرة يقول...

يا محاسن الصدف
السلام عليكم
على فكره المدونه جميلة قوى
بس للصدفة البحتة مدونتى تحمل نفس الإسم
طيب إيه الحل بقـــــــــــــــى
مش عارفة..
ربنا يوفقك يارب

اقصوصه يقول...

وصلني هالخبر من شهر عبر الايميل

بصراحه ما اعرف شو اقول

عن نفسي ما استبعد اي شي بهالدنيا

ومفاجات الحياه كثيره

ولا تنتهي :)

السُـلطانة يقول...

السلام عليكم ورحمة الله وبركاته ..

كل الأخبار تبقى مجرد خبر ولا نعرف مدى صحتها في الوقت الحالي لحكمة إلاهية .. تحياتي لك

TWEETY يقول...

ازيك ياطانت
انا جيت ازورك ومبسوطة انى هنا
هو انا مفهمتش الكلام
هستناكى تزورينى اتفقنا
مع السلامة

Tears يقول...

طيب و المحامى الفصيح ده ليه سكت ست سنين بحالهم على الموضوع؟

ثم ان احنا شفنا مبارك كتير بعدها و سمعناه بيكلم و اذا كان ده شبيهه فازاى برضة نفس الصوت و ثقل الظل و حاجات تانية لا داعى لذكرها بس على رأى الممثل القدير القصبجي اللى كان بيقوم بدور الشاويش عطية فى افلام اسماعيل يس هو ب................

Mahmoud Hermes يقول...

نفسي اقولكم اني بحبكم قوي وبجد متاثر بعدم وجودكم جمبي واسف قوي اني وانا صغير مكنتش يقغعد معاكم بس انتم عارفين انا بحبكم ازي خالدة انتي بزات عارفه انا تعبان قوي في حياتي من غيرك كانت نفسي تكوني معايه زمحتاجلك فوي محتاج اترمي في حضنك واعيط ايوة اعيط واني كبير متاكد انك زعلانه عشان بقالي كتير مقراتش قران ليكي يا حبيبتي حاضر وعارفه انك زعلانه عشان مش بصلي بحيبك فوي يا خالتي خالدة وخالو احمد متقلقيش لسي فاكر لحظه فرقك علي ايدي في اوضه نوامي علي سرير اخويه لسي فاكر وانت اخر حد شوفته انا فاكر انك قوالتلي نفسي اعمل برج خمام فاكر اني نمتي في حضني 5 ساعات ممن اطول ساعات حياتي لحد مواصلتك فبرك عايز قولك اني لحد النهاردة مش عارف انسي وانت بتفارق الحياه انا كانت عارف ومتاكد انك ليك ميعاد بس انا كنت نقسي تصبر ثواني انت تعبت قوي في حياتك سفرت واتغربت ويوم مقرارت ترتاح تمموت بعد شهر معرفش هل معني كدة انك خلقت لكي تكون دائما في تعب الله ياعلم بحبكم قويييي

أحمد الصعيدي يقول...

الندل عايش وهو ميت ماحد حاسب حسابه
زيه زي الترمس الني حضوره يشبه غيابه



علك بخير أفرديت

أسعدك الله

ويكا يقول...

ايه يا ست الحجه

انتى اختفيتى فين ، اوعى لا تكونى اتقفشتنى فعلا تبقى مشكله.

ولا تكونيش طمعتى فى السندوشت بتاعى اللى ليا عندك ، لو على كده يبقى انا مسامحك يا ستى وارجعى بقى .



ارجوا انك تطمنينا

Tamer Nabil Moussa يقول...

كل شىء جايز افروديت دة احنا فى ايام طبعا جميلة ههههه


مع خالص تحياتى

Tarkieb يقول...

هي المدونة دي مهجورة ولاحاجة ؟ انت فين؟

Dr. Kafy يقول...

سلاماتى يا أفروديت
كل عام و انت بخير بمناسبة شهر رمضان الكريم

اللى بتحكيه ده كان مسرحية الزعيم لعادل إمام مش حاجة ثانية

بس كده

تحياتى

أحمد الصعيدي يقول...

السلام عليكم


افروديت

كل سنة وانتي طيبة

محمود المصرى يقول...

تصدقى هتصدقى اْنشاءالله هو كل رئيس بيطلعلوا شبيه يعنى صدام كانوا بيقولوا ليه سبعين شبيه ولغايت دلوقتى مشفناش غير نسخه واحده واْتعدمت كمان وشوفى الريس بتاعنا عامل زى اْبو محمد سعد فى فيلم كركر بيجى فى الاْخر وبعد دفنه يخرم القبر ويخرج يقولنا هو انا اْريح شويه تروحوا حطنى فى الاْوضه الضلمه دى ويطلعلنا لسانه هو ده المصرى لايرد ولايستبدل
متنسيش موضوعى الجديد ومتنسيش التعليق
اخوكى محمود المصرى

Beram ElMasry يقول...

شكرا للاخت الكريمة افروديت
ولك انا ممتن لهذا الاطراء الاجميل واجمل التهاني واطيب الاماني لقدوم شهر رمضان المبارك اعاده الله عليك وجميع الاهل بالخير والبركة

فشكووول يقول...

يا خبر مهبب بهباب احسن يكون الكلام دا صحيح يعنى فيه نسخ كتيره من الرئيس زى صدام حسين
كل عام وانت بخير
اعاد الله عليك رمضان بالخير واليمن والبركات وعلى كل المسلمين وكل المصريين

ذو النون المصري يقول...

هو فيه رئيس بيموت؟؟؟؟؟؟؟؟؟؟؟؟

همسات وبحــ الحياه ــر يقول...

كل سنة وانت طيبة

حسن ارابيسك يقول...

كل سنة وانتي طيبة
ورمضان كريم
ووحوي ياوحوي
تحياتي

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

باحث عن حب يقول...

انتى فين
كل عام انتى بخير
بلاش الغياب
احنا نقلق عليكى
ولا نروح نسال فى سويسرا

مرور للاطمئنان
كل سنه وانتى طيبه

ويكا يقول...

يا بنتى انتى فين؟

انتى اتقفشتى بجد ولا ايه؟؟؟؟

على الاقل تعالى سيبى خبر ، باخر احوالك علشان تطمنينا

عمرو يسرى يقول...

ديه مسرحيه الزعيم بتاعت عادل امام اكيد المحامى بيتابعها كتير

zzz يقول...

اليئس والاحبط ثمة منثمات مصرى العزيزة


حدث ول حراج انت فى مصر


الشارة حمراة




وعلى رئى الكانب ابرهيم عيسى
فى برنامج حـــمـــــراة

فكرة من الزمن ده يقول...

حاجة من الاتنين
يا اما.... يا اماتن
ياما المتر شاف مسرحية الزعيم واتاثر بيها
يا اماتن شريف عرفة فاروق صبري
كانو سابقين زمانهم
وحشتيني يا افروووو

فكرة من الزمن ده يقول...

يابنتي نفس الافلام قالوها على صدام ان ليه شبيه
وبعض اصحاب الخيالات الخصبة انه صدام عنده 12 شبيه وطبعا الاعلام الامريكي اتحفنا ببرامج وافلام عن الاختلاف بين صدام وشبيه له في شحمة الاذن ووشمة الحاجب وشعرة الانف
وكله هبل في الجبل وناس بتاكل عيش

فشكووول يقول...

السلام عليكم افروديت
يا افروديت اعقلى شويه
حد يقول الكلام ده
انا ح اجهز لك العيش والحلاوه
لأ انا ماليش دعوه بيكى خالص
انا حتى ما جيتش هنا ولا علقت ولا نطقت بكلمه
سلام

همسات وبحــ الحياه ــر يقول...

كل سنة وانت طيبة ياقمر

hasona يقول...

كل عام وأنتم من عواده
وكل سنة وانت بخير
وأسعدكم الله في عيد الفطر

السُـلطانة يقول...

السلام عليكم ورحمة الله وبركاته ..

كل سنة وأنت وأمة محمد بخير ..

بارك الله فيك أختي في الله وأتمنى لك ولأسرتك عيدا سعيدا اللهم آمين.

momken يقول...

ياه يعنى مات قبل كده مرتين ؟؟
فعلا المؤمن مصاب

مالها ملطشه معاك كده ياريس تحكم شعب معفن زينا ومش مقدر النعمه الى هو فيها
وتموت علشان خاطرنا مرتين تلاته
فعلا ملطشه معاك اوى

انا زعلت والله

دى عين والله وصابته

تحياتى

momken يقول...

ياه يعنى مات قبل كده مرتين ؟؟
فعلا المؤمن مصاب

مالها ملطشه معاك كده ياريس تحكم شعب معفن زينا ومش مقدر النعمه الى هو فيها
وتموت علشان خاطرنا مرتين تلاته
فعلا ملطشه معاك اوى

انا زعلت والله

دى عين والله وصابته

تحياتى

Tears يقول...

عزيزتى افروديت

اعرف انكى نشيطة جدا فى التدوين و لكن صار لكى شهرين لا تكتبين

اتمنى ان تكونى بخير

محمود المصرى يقول...

ياستى مش سويسرا ولاحاجه شكلك هيفسحوكى فى القناطر والحدق يفهم متنسيش تيجى تشوفى الفيلم الرعب الى عندى بس بسرعه قبل ميوصلولك واْمانه لو جابوكى اْحنا منعرفش بعض والنبى اْنا لسه مدخلتش دنيا
واْوعى تنسى التعليق عشان ممكن يبقى ذكرى اْفتكرك بيها
اْخوكى الغلبان
محمود المصرى

ويكا يقول...

ايه ده ؟؟؟
انتى بتهرجى

انت كنتى فين ده كله؟؟؟؟؟؟

zzz يقول...

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

غير معرف يقول...

شات سوريا دردشة سوريا

http://jooyl.com/

سوريا يقول...

شات سوري
http://jooyl.com/